Begin typing your search above and press return to search.
ഉണക്കിയ ഏത്തപ്പഴം; കുറഞ്ഞ മുതല്‍മുടക്കില്‍ തുടങ്ങാം ലാഭം നല്‍കുന്ന ചെറുകിട ബിസിനസ്
ഭക്ഷ്യമേഖലയില്‍ 5 ലക്ഷം രൂപ പ്രവര്‍ത്തന മൂലധനത്തില്‍ തുടങ്ങാവുന്നതും എളുപ്പത്തില്‍ വിപണി കണ്ടെത്താവുന്നതുമായ ഒരു സംരംഭം പരിചയപ്പെടാം. പദ്ധതി വിവരങ്ങള്‍.
കേരളത്തില്‍ സുലഭമായി ലഭിക്കുന്ന ഒരു കാര്‍ഷിക വിളയാണ് ഏത്തപ്പഴം. കര്‍ഷകര്‍ക്ക് പോലും അവര്‍ ഉല്‍പ്പാദിപ്പിക്കുന്ന ഏത്തക്കായക്ക് മതിയായ വില ലഭിക്കുന്നില്ല. കൂടുതല്‍ മൂല്യവര്‍ധിത ഉല്‍പ്പന്നങ്ങള്‍ ഏത്തക്കാകയയില്‍ നിന്നും ഉണ്ടാക്കിയെടുത്താല്‍ മാത്രമേ ഈ കാര്‍ഷിക ഉല്‍പ്പന്നത്തെ സംരക്ഷിക്കാന്‍ പറ്റൂ.
മികച്ച വിപണിയും മികച്ച ലാഭവിഹിതവും ഉറപ്പു തരുന്ന ഉല്‍പ്പന്നം കൂടിയാണ് ഉണക്കിയ ഏത്തപ്പഴം. നന്നായി വിളഞ്ഞ നാടന്‍ ഏത്തക്കായ പഴുപ്പിച്ച് അരിഞ്ഞ് ട്രേയില്‍ നിരത്തി ഡ്രയറിന്റെ സഹായത്തോടെ ഉണക്കിയെടുക്കുകയാണ് വേണ്ടത്. മൊത്തമായി വാങ്ങുന്നതിന് ധാരാളം ഏജന്‍സികള്‍ ഈ രംഗത്തുണ്ട്. ഉണക്കിയ പഴങ്ങള്‍ക്ക് രാജ്യാന്തര വിപണിയിലും വലിയ സാധ്യതയുണ്ട്.
ഉല്‍പ്പാദന ശേഷി: 100 കിലോഗ്രാം പ്രതിദിനം
ആവശ്യമായ മെഷിനറികള്‍: സ്ലൈസിംഗ് മെഷീന്‍, ഡ്രയര്‍, വേയിംഗ് ബാലന്‍സ്, പായ്ക്കിംഗ് മെഷീന്‍
അസംസ്‌കൃത വസ്തുക്കള്‍: പാകമായ നാടന്‍ ഏത്തക്കായ, പായ്ക്കിംഗ് സാമഗ്രികള്‍
ഭൂമി/കെട്ടിടം: 300 ചതുരശ്രയടി
വൈദ്യുതി: 10 എച്ച് പി
തൊഴിലാളികള്‍: മൂന്നു പേര്‍
പദ്ധതി ചെലവ്:കെട്ടിടം: 3 ലക്ഷം രൂപ
മെഷിനറികള്‍: 6 ലക്ഷം രൂപ
മറ്റ് ആസ്തികള്‍: 1 ലക്ഷം രൂപ
പ്രവര്‍ത്തന മൂലധനം: 5 ലക്ഷം രൂപ
ആകെ : 15 ലക്ഷം രൂപ
വാര്‍ഷിക വിറ്റുവരവ്: 100X600X300 = 180 ലക്ഷം രൂപ (കിലോഗ്രാമിന് 600 രൂപ നിരക്കില്‍)
നികുതി നല്‍കും മുമ്പ് പ്രതീക്ഷിക്കാവുന്ന കുറഞ്ഞ ലാഭം (30 ശതമാനം): 54 ലക്ഷം രൂപ (പൊതു വിപണിയില്‍ 1500 രൂപയാണ് ഉണക്കിയ പഴത്തിന്റെ വില. മൊത്ത വിതരണക്കാര്‍ക്ക് നല്‍കുന്ന വിലയായാണ് 600 എടുത്തിരിക്കുന്നത്.)
Next Story
Videos