Begin typing your search above and press return to search.
മാര്‍ച്ച് 31 ന് മുമ്പ് പാന്‍ കാര്‍ഡ് ആധാറുമായി ബന്ധിപ്പിച്ചിരിക്കണം; നികുതി ഇടപാടില്‍ പിഴ 10,000 രൂപ വരെ
മ്യൂച്വല്‍ ഫണ്ടില്‍ പോലും നിക്ഷേപിക്കാനാകില്ല.
പാന്‍കാര്‍ഡ് ആധാര്‍ കാര്‍ഡുമായി ബന്ധിപ്പിക്കുന്നതിന്റെ നീട്ടിയ കാലാവധി മാര്‍ച്ച് വരെയാണ്. മാര്‍ച്ച് 31 നകം ആധാറുമായി പാന്‍ ലിങ്ക് ചെയ്തില്ലെങ്കില്‍ എല്ലാ പ്രധാന സാമ്പത്തിക ഇടപാടുകളെയും ബാധിക്കും. ആദായ നികുതി റിട്ടേണ്‍ ഫയല്‍ ചെയ്യലും ബാങ്ക് അക്കൗണ്ട് തുറക്കലും ഇതില്‍ ഉള്‍പ്പെടുന്നു. കൂടാതെ മ്യൂച്വല്‍ ഫണ്ടുകളിലോ ഓഹരികളിലോ നിക്ഷേപിക്കാനോ കഴിയില്ല.
പാന്‍ - ആധാര്‍ വേരിഫിക്കേഷന്‍ നടത്തിയില്ലെങ്കില്‍ നികുതി സമര്‍പ്പിക്കുന്നത് മുതല്‍ സ്ഥിര നിക്ഷേപവും മറ്റ് സമ്പാദ്യ പദ്ധതികളില്‍ ചേരുന്നതും അവതാളത്തിലാകും. പ്രസ്തുത വ്യക്തിക്ക് ഉയര്‍ന്ന TDS തുക നല്‍കേണ്ടി വന്നേക്കാം, കൂടാതെ ആദായനികുതി നിയമത്തിലെ സെക്ഷന്‍ 272 B പ്രകാരം 10,000 രൂപ പിഴയും ചുമത്തപ്പെടും.
നല്‍കിയിരിക്കുന്ന സമയപരിധിക്കുള്ളില്‍ ലിങ്ക് ചെയ്തില്ലെങ്കില്‍, പാന്‍ കാര്‍ഡ് അസാധുവാകും. അതിനുശേഷം പാന്‍ കാര്‍ഡ് ആധാറുമായി ബന്ധിപ്പിക്കുന്നതിന് 1,000 രൂപ മുതല്‍ ഫീസ് ആവശ്യമായി വന്നേക്കാമെന്നും ലൈവ് മിന്റ് റിപ്പോര്‍ട്ട് ചെയ്യുന്നു.
പാന്‍ ആധാറുമായി ലിങ്ക് ചെയ്യാം
- ആദായനികുതി വകുപ്പിന്റെ ഇ-ഫയലിംഗ് പോര്‍ട്ടല്‍ https://www.incometaxindiaefiling.gov.in/home തുറക്കുക
- ഇടതുവശതത്തെ ക്വിക്ക് ലിങ്കില്‍ നിന്ന് ലിങ്ക് ആധാര്‍ ഓപ്ഷനില്‍ ക്ലിക്കുചെയ്യുക.
- പാന്‍ നമ്പര്‍, ആധാര്‍ വിശദാംശങ്ങള്‍, പേര് മുതലായ എല്ലാ വിവരങ്ങളും നല്‍കുക.
- 'എന്റെ ആധാര്‍ വിശദാംശങ്ങള്‍ യുഐഡിഐഐ ഉപയോഗിച്ച് സാധൂകരിക്കാന്‍ ഞാന്‍ സമ്മതിക്കുന്നു' (Agreed) എന്ന് എഴുതിയിരിക്കുന്ന ബോക്‌സ് ടിക്ക് ചെയ്യുക.
- ക്യാപ്ച കോഡ് നല്‍കുക.
- ലിങ്ക് ആധാറില്‍ ക്ലിക്കുചെയ്ത് സബ്മിറ്റ് അമര്‍ത്തുക.
Next Story