ആദായ നികുതി റിട്ടേണുകള്‍ രണ്ടു കോടി കവിഞ്ഞു
കഴിഞ്ഞ വര്‍ഷത്തേക്കാള്‍ 9 ദിവസം മുമ്പാണ് ഇത്തവണ 2 കോടി കവിഞ്ഞിരിക്കുന്നത്, നികുതി റിട്ടേണ്‍ ഫയല്‍ ചെയ്യാനുള്ള അവസാന തീയതി ജൂലൈ 31
image: @canva
2023 ജൂലൈ 11 വരെയുള്ള കാലയളവില്‍ രണ്ട് കോടിയിലധികം ആദായ നികുതി റിട്ടേണുകള്‍ സമര്‍പ്പിച്ചതായി ആദായ നികുതി വകുപ്പ് അറിയിച്ചു. ഐ.ടി.ആര്‍ ഫയലിംഗ് രണ്ട് കോടി കവിയാന്‍ മുന്‍വര്‍ഷത്തെ അപേക്ഷിച്ച് കുറച്ചു ദിവസങ്ങളെ എടുത്തുള്ളു. കഴിഞ്ഞ വര്‍ഷത്തേക്കാള്‍ 9 ദിവസം മുമ്പാണ് ഇത്തവണ രണ്ട് കോടി കടന്നിരിക്കുന്നതെന്ന് ആദായ നികുതി വകുപ്പ് ട്വീറ്റ് ചെയ്തു.
ജൂലൈ 9 വരെ 2023-24 വര്‍ഷത്തേക്കുള്ള 1.9 കോടി ഐ.ടി.ആര്‍ സമര്‍പ്പിച്ചിരുന്നു. ഇതില്‍ 1.74 കോടി ആദായ നികുതി റിട്ടേണുകള്‍ വേരിഫൈ ചെയ്തതായി ആദായ നികുതി പോര്‍ട്ടലില്‍ നിന്നുള്ള വിവരങ്ങള്‍ വെളിപ്പെടുത്തുന്നു. 11.22 കോടി വ്യക്തിഗത രജിസ്‌റ്റേഡ് ഉപയോക്താക്കളാണ് പോര്‍ട്ടലില്‍ ഉള്ളത്.