ജിയോക്കും എയർടെല്ലിനും ബി.എസ്.എൻ.എല്ലിന്റെ ചെക്, വൈ-ഫൈ കോളിങ് സേവനം ഇനി എവിടെയും

സർക്കാർ ഉടമസ്ഥതയിലുള്ള ടെലികോം സ്ഥാപനമായ ഭാരത് സഞ്ചാർ നിഗം ലിമിറ്റഡ് (BSNL) രാജ്യവ്യാപകമായി വൈ-ഫൈ കോളിങ് (VoWiFi) സേവനം ആരംഭിച്ചു. സ്വകാര്യ ടെലികോം കമ്പനികളുമായുള്ള മത്സരത്തിൽ മുൻതൂക്കം നേടുന്നതിനും ഉപഭോക്തൃ സേവനം മെച്ചപ്പെടുത്തുന്നതിനുമാണിത്.

മൊബൈൽ നെറ്റ്‌വർക്ക് സിഗ്നൽ ദുർബലമോ ലഭ്യമല്ലാത്തതോ ആയ ഇടങ്ങളിൽ — കെട്ടിടങ്ങൾക്കുള്ളിൽ, ബേസ്മെന്റുകളിൽ, ഗ്രാമീണ പ്രദേശങ്ങളിൽ — വൈ-ഫൈ നെറ്റ്‌വർക്ക് ഉപയോഗിച്ച് ശബ്ദ കോളുകളും SMS സേവനവും ഉപയോഗിക്കാൻ പുതിയ സംവിധാനത്തിലൂടെ സാധിക്കും.

ഉപഭോക്താക്കൾക്ക് അധിക ആപ്പുകൾ ഇൻസ്റ്റാൾ ചെയ്യേണ്ടതില്ല. നിലവിലുള്ള മൊബൈൽ നമ്പറും ഫോൺ ഡയലറും ഉപയോഗിച്ചുതന്നെ സേവനം ലഭ്യമാകും. അധിക നിരക്കുകളില്ല. ഈ സൗകര്യം ഇൻഡോർ കോളുകളുടെ ഗുണനിലവാരം കാര്യമായി മെച്ചപ്പെടുത്തുമെന്നാണ് പ്രതീക്ഷ.

ബി.എസ്.എൻ.എൽ നടപ്പിലാക്കുന്ന വിപുലമായ നെറ്റ്‌വർക്ക് നവീകരണ പദ്ധതികളുടെ ഭാഗമാണ് വൈ-ഫൈ കോളിങ് സേവനം. സ്വദേശീയ സാങ്കേതിക വിദ്യ ഉപയോഗിച്ചുള്ള 4G വിപുലീകരണവും 5G സേവനങ്ങൾക്കുള്ള തയ്യാറെടുപ്പുകളും പുരോഗമിക്കുകയാണ്.

Wi-Fi Calling എന്താണ്?

മൊബൈൽ ടവർ സിഗ്നൽ ഇല്ലെങ്കിലും അല്ലെങ്കിൽ ദുർബലമായാലും, Wi-Fi / ബ്രോഡ്ബാൻഡ് ഇന്റർനെറ്റ് ഉപയോഗിച്ച് സാധാരണ ഫോൺ കോളുകൾ ചെയ്യാനുള്ള സൗകര്യമാണിത്. നിങ്ങളുടെ അതേ മൊബൈൽ നമ്പർ തന്നെയാണ് ഉപയോഗിക്കുന്നത്. ഫോൺ ഡയലർ വഴിയാണ് കോൾ ചെയ്യുന്നത്. WhatsApp, Skype പോലുള്ള ആപ്പുകൾ ആവശ്യമില്ല. ടവർ സിഗ്നൽ ഇല്ലെങ്കിൽ പോലും Wi-Fi ഉണ്ടെങ്കിൽ കോളുകൾ ലഭിക്കും. വേറെ പണം നൽകേണ്ടതില്ല. നിലവിലെ വോയിസ് പ്ലാനിൽ തന്നെ ഇത് ഉൾപ്പെടും. Wi-Fi Calling സൗകര്യമുള്ള ഫോണുകളിൽ Settings → Wi-Fi Calling → ON എന്ന് ആക്ടിവേറ്റ് ചെയ്താൽ മതി.

Android ഫോണിൽ Wi-Fi Calling എങ്ങനെ ഓൺ ചെയ്യാം?

1️⃣ Settings തുറക്കുക

2️⃣ Network & Internet / Connections എന്നതിൽ പോകുക

3️⃣ SIM Cards / Mobile Network തിരഞ്ഞെടുക്കുക

4️⃣ നിങ്ങളുടെ BSNL SIM സെലക്ട് ചെയ്യുക

5️⃣ Wi-Fi Calling / VoWiFi → ON ചെയ്യുക

ചില ഫോണുകളിൽ:

Settings → Call Settings → Wi-Fi Calling എന്ന വഴിയും ഉണ്ടാകാം

iPhone-ൽ Wi-Fi Calling എങ്ങനെ ഓൺ ചെയ്യാം?

1️⃣ Settings തുറക്കുക

2️⃣ Mobile Service / Cellular എന്നതിൽ പോകുക

3️⃣ Wi-Fi Calling തിരഞ്ഞെടുക്കുക

4️⃣ Turn On Wi-Fi Calling on This iPhone → ON

5️⃣ ആവശ്യപ്പെട്ടാൽ അടിയന്തര വിലാസ (Emergency Address) വിവരങ്ങൾ സ്ഥിരീകരിക്കുക

ശ്രദ്ധിക്കേണ്ട പ്രധാന കാര്യങ്ങൾ

✅ നിങ്ങളുടെ ഫോൺ Wi-Fi Calling support ചെയ്യണം

✅ BSNL 4G SIM ആയിരിക്കണം

✅ നല്ല Wi-Fi / Broadband കണക്ഷൻ വേണം

✅ ചില പഴയ മോഡലുകളിൽ ഈ ഓപ്ഷൻ ലഭ്യമല്ല.

Wi-Fi Calling പ്രവർത്തിക്കുന്നുണ്ടെന്ന് എങ്ങനെ അറിയാം?കോളിനിടയിൽ സ്‌ക്രീനിൽ Wi-Fi Calling / VoWiFi എന്ന അടയാളം കാണും.നെറ്റ്‌വർക്ക് ബാറിനു പകരം Wi-Fi ഐക്കൺ കാണിച്ചേക്കാം.