യഥാര്‍ത്ഥ ലോകത്തിന് വേണ്ടിയെന്ന് സുന്ദര്‍ പിച്ചൈ, വാച്ച് മുതല്‍ ട്രാന്‍സ്‌ലേറ്റര്‍ കണ്ണട വരെ ; ഗൂഗിള്‍ I/O വിശേഷങ്ങള്‍

ഉല്‍പ്പന്നങ്ങളുടെ വലിയൊരു നിരയുമായി ഗൂഗിളിന്റെ ഡവലപ്പര്‍ കോണ്‍ഫറന്‍സ് Google I/O. ഗൂഗിള്‍ ആരാധകര്‍ കാത്തിരുന്ന പിക്‌സല്‍ വാച്ച്, പിക്‌സല്‍ ഫോണുകളുടെ പുതുനിര തുടങ്ങി 2023ല്‍ എത്തുന്ന ടാബ്‌ലെറ്റ് വരെ കോണ്‍ഫറന്‍സിന്റെ ഭാഗമായി.

ഭാഷയുടെ അതിര്‍വരമ്പുകള്‍ ഭേദിക്കുമെന്ന് പ്രഖ്യാപിച്ചുകൊണ് ഗൂഗിള്‍ അവതരിപ്പിക്കുന്ന ട്രാന്‍സ്‌ലേറ്റര്‍ കണ്ണട പരിചയപ്പെടുത്താന്‍ സിഇഒ സുന്ദര്‍ പിച്ചൈ നേരിട്ടെത്തി.യഥാര്‍ത്ഥ ലോകത്തിനായി ആണ് ഗൂഗിള്‍ ഉല്‍പ്പന്നങ്ങള്‍ അവതരിപ്പിക്കുന്നതെന്ന് പറഞ്ഞ സുന്ധര്‍ പിച്ചൈ ഓഗ്മെന്റ് റിയാലിറ്റി നിത്യജീവിതത്തില്‍ എങ്ങനെ ഗുണകരമാവും എന്ന കാര്യമാണ് ചൂണ്ടിക്കാട്ടിയത്.



ഗൂഗിള്‍ മാപ്പ്, മള്‍ട്ടി സര്‍ച്ച്, സ്‌ക്രീന്‍ എക്‌സ്‌പ്ലൊറേഷന്‍, ഗൂഗിള്‍ ലെന്‍സ് എന്നിവയിൽ തുടങ്ങി ഇപ്പോള്‍ സ്മാര്‍ട്ട് ഫോണുകളില്‍ ഉപയോഗിക്കാവുന്ന ആപ്ലിക്കേഷനുകളില്‍ ഓഗ്‌മെന്‍ റിയാലിറ്റി സേവനം ഗൂഗിള്‍ അവതരിപ്പിക്കും. മാര്‍ക്ക് സക്കര്‍ബര്‍ഗിന്റെ മെറ്റാവേഴ്‌സിനെ നേരിട്ട് പരാമള്‍ശിക്കാതെ സുന്ദര്‍ പിച്ചൈ പറഞ്ഞത് യഥാര്‍ത്ഥ ലോകം വളരെ വിസ്മയകരമാണെന്നും അതിന് വേണ്ടി ഉല്‍പ്പന്നങ്ങള്‍ അവതരിപ്പിക്കണമെന്നുമാണ്.

Pixel 6a; ഇത്തവണ ഇന്ത്യയിലേക്ക് എത്തും




  • ഗൂഗിളിന്റെ സ്വന്തം ടെന്‍സര്‍ SoC പ്രൊസസറും ടൈറ്റന്‍ m2 സെക്യൂരിറ്റി കോപ്രൊസസറുമായി ആണ് പിക്‌സല്‍ 6a എത്തുന്നത്. 6.1 ഇഞ്ചിന്റെ ഡിസ്‌പ്ലെയാണ് ഫോണിന്. 6 ജിബി റാമും 128 ജിബി സ്‌റ്റോറേജുമുള്ള സിംഗിള്‍ വേരിയന്റ് മോഡലാണ് പിക്‌സല്‍ 6a.
  • 12.2 എംപിയുടെ പ്രൈമറി ക്യാമറ, 12 എംപിയുടെ അള്‍ട്രാവൈഡ് ആംഗിള്‍ ക്യാമറ എന്നിവ അടങ്ങിയ ഡ്യുവല്‍ ക്യാമറ സെറ്റപ്പ് ആണ് പിക്‌സല്‍ 6aയ്ക്ക്. 5 വര്‍ഷത്തെ സെക്യൂരിറ്റി അപ്‌ഡേറ്റ്‌സ് ആണ് പിക്‌സല്‍ 6aയ്ക്ക് ഗുഗിള്‍ നല്‍കുന്നത്.
  • 4410 എംഎഎച്ചിന്റേതാണ് ബാറ്ററി. ഫാസ്റ്റ് ചാര്‍ജിംഗും ഫോണ്‍ പിന്തുണയ്ക്കും. 449 യുഎസ് ഡോളര്‍ (ഏകദേശം 34,800 രൂപ) ആണ് ഫോണിന്റെ വില. ഈ വര്‍ഷം തന്നെ പിക്‌സല്‍ 6a ഇന്ത്യന്‍ വിപണിയില്‍ വില്‍പ്പനയ്‌ക്കെത്തും.
Pixel 7 series , Pixel Tab
  • ഈ വര്‍ഷം അവസാനം പുറത്തിറങ്ങുമെന്ന് പ്രതീക്ഷിക്കുന്ന പിക്‌സല്‍ 7 സീരീസിന്റെ ഡിസൈനും ഗൂഗിള്‍ പുറത്തുവിട്ടു. ഗ്ലാസിന് പകരം പുനരുപയോഗിച്ച അലൂമിനയത്തില്‍ സഎത്തുന്ന ക്യാമറ മൊഡ്യൂളാണ് ഡിസൈന്റെ പ്രധാന സവിശേഷത. നിലവില്‍ ഗ്ലാസ് ആണ് ക്യാമറ മൊഡ്യൂളിന് ഗൂഗിള്‍ നിലവില്‍ നല്‍കുന്നത്.
  • പിക്‌സല്‍ 7ല്‍ ട്രിപിള്‍ ക്യാമറ സെറ്റപ്പും പിക്‌സല്‍ 7 പ്രൊയ്ക്ക് ട്രിപിള്‍ ക്യാമറ സെറ്റപ്പുമാണ് ഗൂഗിള്‍ നല്‍കുക. കൂടാതെ പിക്‌സല്‍ ടാബ്‌ലെറ്റും ഗൂഗിള്‍ അവതരിപ്പിച്ചു. 2023ല്‍ ആയിരിക്കും ഗുഗിളിന്റെ ടാബ് വില്‍പ്പനയ്ക്ക് എത്തുക.
Pixel watch; ഗൂഗിളില്‍ നിന്ന് ആദ്യം



  • ഗൂഗിളിന്റെ ആദ്യ സ്മാര്‍ട്ട് വാച്ചും ഡവലപ്പര്‍ കോണ്‍ഫറന്‍സില്‍ കമ്പനി അവതരിപ്പിച്ചു. ഏറ്റവും പുതിയ wear OSല്‍ എത്തുന്ന വാച്ചിന് റൗണ്ട്-ഷേപ്പ് ഡിസൈനാണ് നല്‍കിയിരിക്കുന്നത്. ഇന്റഗ്രേറ്റഡ് ഫിറ്റ്ഫിറ്റ്, ഗൂഗിള്‍ മാപ്പ്‌സ്, ഗൂഗിള്‍ വാലറ്റ് ,ഗുഗിള്‍ ഹോം ആപ്പ് തുടങ്ങിയവയാണ് പ്രധാന സവിശേഷതകള്‍. വരും മാസങ്ങളില്‍ വാച്ചിന്റെ കൂടുതല്‍ വിശദാംശങ്ങള്‍ ഗൂഗിള്‍ പുറത്തുവിടും.
  • ഏറ്റവും പുതിയ പിക്‌സല്‍ ബഡ്‌സ് പ്രൊയും ഗൂഗിള്‍ പുറത്തിറക്കി. 199 യുഎസ് ഡോളറാണ് ( ഏകദേശം 15,400 രൂപ) ബഡ്‌സിന്റെ വില. പിക്‌സല്‍ വാച്ചും ബഡ്‌സും ഇന്ത്യന്‍ വിപണിയില്‍ അവതരിപ്പിക്കുമോ എന്ന ഗൂഗിള്‍ വ്യക്തമാക്കിയിട്ടില്ല.
Google Wallet തിരിച്ചെത്തുമ്പോള്‍

ഗൂഗിള്‍ പേ എത്തിയതോടെ പിന്‍വലിച്ച ഗൂഗിള്‍ വാലറ്റ് വീണ്ടും അവതരിപ്പിക്കും. കൂടുതല്‍ കമ്പനികള്‍ ഡിജിറ്റല്‍ കാര്‍ഡുകള്‍ അവതരിപ്പിക്കാന്‍ തുടങ്ങിയതാണ് ഗൂഗിളിനെ മാറ്റി ചിന്തിപ്പിച്ചത്. ഇത്തവണ ക്രെഡിറ്റ് / ഡെബിറ്റ്/ റാവാര്‍ഡ് കാര്‍ഡുകളില്‍ തുടങ്ങി സര്‍ക്കാരുകള്‍ നല്‍കുന്ന ഐഡി കാര്‍ഡുകള്‍ സൂക്ഷിക്കാനുള്ള സൗകര്യവും ഗൂഗിള്‍ വാലറ്റിലുണ്ടാവും

Amal S
Amal S  
Next Story
Share it