ഇന്ത്യ തിരക്കേറിയ വിൽപ്പന സീസണിലേക്ക് കടക്കാനിരിക്കുകയാണ്. സ്റ്റോക്കുകള് കൂടിയ അളവില് ഉളളതിനാല് സ്മാര്ട്ട്ഫോണ് കമ്പനികള് വിലക്കിഴിവുകളും ഓഫറുകളും അവതരിപ്പിക്കാനൊരുങ്ങുകയാണെന്ന് മണികണ്ട്രോള് റിപ്പോര്ട്ട് ചെയ്യുന്നു. കഴിഞ്ഞ ദീപാവലിക്ക് ശേഷം വിൽപ്പന കുത്തനെ ഇടിഞ്ഞതോടെ കഴിഞ്ഞ വർഷം നാലാം പാദത്തിലാണ് ഇൻവെന്ററി ബിൽഡപ്പ് ആരംഭിച്ചത്.
സ്മാർട്ട്ഫോൺ ബ്രാൻഡുകൾ 2025 ലക്ഷ്യമിട്ട് അവരുടെ പോർട്ട്ഫോളിയോകൾ പുതുക്കാൻ തുടങ്ങിയതും സ്റ്റോക്കുകള് വര്ദ്ധിക്കാന് ഇടയാക്കിയതായി പ്രമുഖ ടെക്നോളജി മാര്ക്കറ്റ് റിസേര്ച്ച് സ്ഥാപനമായ കൗണ്ടർപോയിന്റ് വ്യക്തമാക്കുന്നു. ഈ വര്ഷം ഒക്ടോബറില് നടക്കുന്ന ദീപാവലി സീസണിന് മുമ്പായി സ്റ്റോക്ക് തീർക്കാൻ കമ്പനികള് കനത്ത കിഴിവുകളും പ്രമോഷനുകളും വാഗ്ദാനം ചെയ്യാൻ നിർബന്ധിതരാകുന്ന സാഹചര്യമാണ് ഉളളത്.
വിവോ, സാംസങ്, ആപ്പിൾ, മോട്ടറോള എന്നിവയ്ക്ക് താരതമ്യേന കുറഞ്ഞ സ്റ്റോക്കും വൺപ്ലസ്, ഷവോമി, ഐക്യൂ, റിയൽമി, ഓപ്പോ, നത്തിംഗ് തുടങ്ങിയ ബ്രാൻഡുകൾക്ക് കൂടുതൽ സ്റ്റോക്കും ഉണ്ടെന്നുളള വിലയിരുത്തലിലാണ് കൗണ്ടർപോയിന്റ് റിസേര്ച്ച്. മിക്ക ബ്രാൻഡുകളും കിഴിവുകൾ വാഗ്ദാനം ചെയ്യുമെന്ന് പ്രതീക്ഷിക്കുമ്പോൾ, ഉയർന്ന ഇൻവെന്ററി ലെവലുകൾ വഹിക്കുന്നവരിൽ നിന്ന് കൂടുതൽ മികച്ച ഡീലുകൾ ലഭിക്കുമെന്നാണ് കരുതുന്നത്. പ്രമുഖ സ്മാർട്ട്ഫോൺ കമ്പനികള് ആമസോൺ പ്രൈം ഡേ പോലുള്ള വരാനിരിക്കുന്ന വിൽപ്പന മാമാങ്കങ്ങളില് വലിയ കിഴിവുകൾ വാഗ്ദാനം ചെയ്യാനിടയുണ്ടെന്നാണ് വിലയിരുത്തലുകള്.
Smartphone companies with high inventory levels are preparing to offer significant discounts and promotions during upcoming sales events like Prime Day and Independence Day celebrations.
Read DhanamOnline in English
Subscribe to Dhanam Magazine
