നോക്കിയ എക്‌സ്30 5ജി അവതരിപ്പിച്ചു; പ്രീബുക്കിംഗ് തുടങ്ങി
13എംപി അള്‍ട്രാ വൈഡ് ക്യാമറയും, 50എംപി പ്യുവര്‍വ്യൂ ക്യാമറയും ഇതിനുണ്ട്
image:@pr
നോക്കിയ ഫോണുകളുടെ നിര്‍മാതാക്കളായ എച്ച്എംഡി ഗ്ലോബല്‍ തങ്ങളുടെ ഏറ്റവും പരിസ്ഥിതി സൗഹൃദ സ്മാര്‍ട്ട്‌ഫോണായ നോക്കിയ എക്‌സ്30 5ജി അവതരിപ്പിച്ചു. 6.43 ഇഞ്ച് അമോലെഡ് പ്യൂവര്‍ഡിസ്‌പ്ലേ ഉള്‍പ്പെടെയുള്ള പ്രീമിയം ഫീച്ചറുകളുമായാണ് ഇത് എത്തുന്നത്. അള്‍ട്രാ-ടഫ് കോര്‍ണിങ് ഗൊറില്ല ഗ്ലാസ് ഡിസ്‌പ്ലേയും ഫോണിനുണ്ട്.
ആര്‍ട്ടിഫിഷ്യല്‍ ഇന്റലിജന്‍സ്, ഒപ്റ്റിക്കല്‍ ഇമേജ് സ്റ്റെബിലൈസേഷന്‍ എന്നിവയോടെയുള്ള 13എംപി അള്‍ട്രാ വൈഡ് ക്യാമറയും, 50എംപി പ്യുവര്‍വ്യൂ ക്യാമറയും ഉപഭോക്താക്കള്‍ക്ക് മികച്ച ചിത്രങ്ങളും ദൃശ്യങ്ങളും നല്‍കും. 16 മെഗാ പിക്‌സല്‍ ഫ്രണ്ട് സെല്‍ഫി ക്യാമറയുമുണ്ട്. രണ്ടു ദിവസത്തെ ബാറ്ററി ലൈഫാണ് മറ്റൊരു സവിശേഷത.
മൂന്ന് വര്‍ഷത്തെ വാറന്റിയാണ് ഫോണിന് കമ്പനി നല്‍കുന്നത്. നോക്കിയ എക്‌സ്30 5ജിയുടെ പ്രീബുക്കിംഗ് ആരംഭിച്ചു. ഫെബ്രുവരി 20 മുതല്‍ ആമസോണിലും, നോക്കിയ വെബ്‌സൈറ്റിലും മാത്രമായിരിക്കും ഫോണ്‍ വില്‍പന.