ബജറ്റ് സെഗ്മെന്റില്‍ പുതിയ മോഡലുമായി സാംസംഗ്; F13 ഇന്ത്യയില്‍ അവതരിപ്പിച്ചു

സാംസംഗിന്റെ ഏറ്റവും പുതിയ സ്മാര്‍ട്ട്‌ഫോണ്‍ എഫ്13 ഇന്ത്യന്‍ വിപണിയില്‍ അവതരിപ്പിച്ചു. രണ്ട് വേരിയന്റുകളിലാണ് ഫോണ്‍ എത്തുന്നത്. 4 ജിബി റാമും 64 ജിബി ഇന്റേണല്‍ സ്‌റ്റോറേജുമുള്ള മോഡലിന് 11,999 രൂപയാണ് വില. 128 ജിബി സ്റ്റോറേജുള്ള വേരിയന്റ് 12,999 രൂപയ്ക്ക് ലഭിക്കും.

ജൂണ്‍ 29 മുതലാണ് ഈ 4ജി ഫോണിന്റെ വില്‍പ്പന ആരംഭിക്കുന്നത്. ഫ്‌ലിപ്കാര്‍ട്ട്, സാംസംഗ്.കോം എന്നീ വെബ്‌സൈറ്റുകളിലും പ്രമുഖ റീട്ടെയില്‍ ഷോപ്പുകളിലും ഫോണ്‍ ലഭ്യമാണ്.

Samsung Galaxy F13 സവിശേഷതകള്‍

6.6 ഇഞ്ചിന്റെ ഫുള്‍ എച്ച്ഡി+ (1080x 2408 pixels) ഡിസ്‌പ്ലെയാണ് ഫോണിന് നല്‍കിയിരിക്കുന്നത്. ആന്‍ഡ്രോയിഡ് 12 ആണ് ഓപ്പറേറ്റിംഗ് സിസ്റ്റം. എക്‌സിനോസ് 850 SoC പ്രൊസസറിലാണ് ഫോണ്‍ പ്രവര്‍ത്തിക്കുന്നത്. 4 ജിബി റാം കൂടാതെ ഇന്റേണല്‍ സ്റ്റോറേജ് ഉപയോഗിച്ച് റാമിന്റെ ശേഷി (RAM Plus feature) വര്‍ധിപ്പിക്കാന്‍ സാധിക്കും. ഒരു ടിബി വരെയുള്ള എസ്ഡി കാര്‍ഡും ഫോണില്‍ ഉപയോഗിക്കാം.



50 എംപിയുടെ പ്രധാന ക്യാമറ, അള്‍ട്രാവൈഡ് ഷൂട്ടര്‍ (5 എംപി), ഡെപ്ത് സെന്‍സര്‍ ( 2 എംപി) എന്നിവ അടങ്ങിയ ട്രിപിള്‍ ക്യാമറ സെറ്റപ്പ് ആണ് ഫോണില്‍ ഉള്‍ക്കൊള്ളിച്ചിരിക്കുന്നത്. 8 എംപിയുടേതാണ് സെല്‍ഫി ക്യാമറ. സൈഡ് മൗണ്ടഡ് ആയാണ് ഫിംഗര്‍ പ്രിന്റ് സെന്‍സറിന്റെ സ്ഥാനം. 15 വാട്ടിന്റെ ഫാസ്റ്റ് ചാര്‍ജിംഗ് സപ്പോര്‍ട്ട് ചെയ്യുന്ന 6000 എംഎഎച്ചിന്റെ ബാറ്ററിയാണ് ഫോണിന്. 207 ഗ്രാമാണ് ഫോണിന്റെ ഭാരം.

Dhanam News Desk
Dhanam News Desk  

Related Articles

Next Story

Videos

Share it