വ്യാജന്മാരെ ഒഴിവാക്കാന്‍ പൈസ വേണമെന്ന് ട്വിറ്റര്‍; അധിക വരുമാനത്തിന് പുതുതന്ത്രവുമായി മസ്‌ക്
പുതുതായി എക്‌സില്‍ അക്കൗണ്ട് എടുക്കുന്നവരെയാണ് കമ്പനി വരുമാനത്തിനായി ലക്ഷ്യമിട്ടിരിക്കുന്നത്
Image: dhanam file
ശതകോടീശ്വരന്‍ ഇലോണ്‍ മസ്‌ക് ഏറ്റെടുത്ത ശേഷം ട്വിറ്റര്‍ (എക്‌സ്) വലിയ മാറ്റങ്ങളിലൂടെയാണ് കടന്നു പോകുന്നത്. പേരും ലോഗോയും അടക്കം എല്ലാം പുതുക്കിപണിത മസ്‌ക് മുതിര്‍ന്ന ഉദ്യോഗസ്ഥരില്‍ പലരെയും ഒഴിവാക്കുകയും ചെയ്തിരുന്നു. വരുമാന വര്‍ധനയ്ക്കായി സബ്‌സ്‌ക്രിപ്ഷന്‍ പ്ലാനുകളും പെയ്ഡ് ബ്ലു ടിക്കും കൊണ്ടുവന്ന മസ്‌ക് ഇപ്പോഴിതാ പുതിയ സംവിധാനവുമായി രംഗത്തെത്തിയിരിക്കുന്നു.
♦ ഏറ്റവും പുതിയ ധനംഓണ്‍ലൈന്‍ വാര്‍ത്തകളും അപ്ഡേറ്റുകളും ലഭിക്കാന്‍ അംഗമാകൂ: വാട്സ്ആപ്പ്, ടെലഗ്രാം
പുതുതായി എക്‌സില്‍ അക്കൗണ്ട് എടുക്കുന്നവരെയാണ് കമ്പനി വരുമാനത്തിനായി ലക്ഷ്യമിട്ടിരിക്കുന്നത്. ഇനി മുതല്‍ എക്‌സില്‍ അക്കൗണ്ട് തുടങ്ങുന്നവര്‍ ചെറിയൊരു സംഖ്യ ഫീസായി നല്‍കേണ്ടി വരും. ലൈക്ക്, ഷെയര്‍, പോസ്റ്റ്, റിപ്ലൈ തുടങ്ങിയ കാര്യങ്ങള്‍ ചെയ്യണമെങ്കില്‍ പൈസ അടയ്‌ക്കേണ്ടി വരും. എക്‌സ് ഡെയിലി ന്യൂസ് എന്ന അക്കൗണ്ടാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്.