അലൂമിനിയം ദൗര്‍ലഭ്യം ഹിൻഡാൽകോ ഓഹരിക്ക് ഗുണകരമാകുമോ? നിക്ഷേപകർ അറിയാൻ

2021 -22 ലെ മൂന്നാം പാദത്തിൽ മികച്ച സാമ്പത്തിക വളർച്ച കൈവരിക്കാൻ സാധിച്ചിട്ടുണ്ട്. ഉപയോഗപ്പെടുത്തിയ മൂലധനത്തിൽ നിന്നുള്ള ആദായം ഏറ്റവും ഉയർന്ന നിലയിലാണ് -13.70 % (അർദ്ധ വാർഷികം ), വിറ്റ് വരവ് ഏറ്റവും ഉയർന്ന നിലയിൽ എത്തി -50.272 കോടി രൂപ. വാർഷിക അടിസ്ഥാനത്തിൽ ബി എസ് ഇ ഓഹരി സൂചികയെക്കാൾ 44.45 % കൂടുതൽ ആദായം ഹിൻഡാൽകോ ഓഹരി നിക്ഷേപകർക്ക് ലഭിച്ചിട്ടുണ്ട്.

സബ്സിഡിയറി കമ്പനിയായ നോവലിസ് ലോകത്തെ ഏറ്റവും വലിയ സെക്കണ്ടറി അലൂമിനിയം നിർമാതാക്കളും ഏറ്റവും വലിയ അലൂമിനിയം പുനരുപയോഗിക്കുന്ന (recycling ) കമ്പനിയുമാണ്. ഇന്ത്യയിൽ ഹിൻഡാൽകോയുടെ റിഫൈനറികൾ അസംസ്‌കൃത വസ്തുക്കൾ ലഭിക്കുന്ന സ്ഥലങ്ങളുടെ അടുത്താണ്. ലോകത്തെ ഏറ്റവും ചിലവ് കുറച്ച് അലൂമിന ഉൽപാദിപ്പിക്കുന്നത് ഹിൻഡാൽകോയുടെ ഉത്കൽ റിഫൈനറിയിലാണ്.

ഉൽപാദന ശേഷി വർധിപ്പിക്കാനും, കൂടുതൽ മൂല്യ വർധിത ഉൽപന്നങ്ങൾ നിർമിക്കാനും ഹിൻഡാൽകോ പദ്ധതികൾ ആവിഷ്‌കരിച്ച് വരുന്നു. റഷ്യ-യുക്രയ്ൻ യുദ്ധത്തെ തുടർന്ന് അലൂമിനിയം ദൗർലബ്യം വർധിക്കുന്നത് അലൂമിനിയം വില ഹൃസ്വ കാലയളവിൽ ടണ്ണിന് 3500 ഡോളർ നിലയിൽ തുടരുകയും 2023-24 ൽ ശരാശരി 2400 ഡോളറായിരിക്കുമെന്ന് വിലയിരുത്തപ്പെടുന്നു. വരും വർഷങ്ങളിൽ നികുതിക്ക് മുൻപുള്ള വരുമാന മാർജിൻ 6.6 ശതമാനം വർധിക്കുമെന്ന് പ്രതീക്ഷിക്കുന്നു. അടുത്ത 4 വർഷങ്ങളിൽ ഫ്ലാറ്റ് റോൾഡ് ഉൽപന്നങ്ങളുടെ സംയുക്ത വാർഷിക വളർച്ച നിരക്ക് 4 ശതമാന മായിരിക്കും.

നിക്ഷേപകർക്കുള്ള നിർദേശം - വാങ്ങുക (Buy)

ലക്ഷ്യ വില 750 രൂപ

നിലവിലെ വില 570 രൂപ