സ്വര്‍ണത്തിന് ആഗോള വിപണിയില്‍ ചാഞ്ചാട്ടം; കേരളത്തില്‍ മാറ്റമില്ല
സംസ്ഥാനത്ത് വെള്ളി വിലയിലും ഇന്ന് മാറ്റമില്ല
Image : Canva
സംസ്ഥാനത്ത് സ്വര്‍ണ വില ഇന്ന് മാറ്റമില്ലാതെ തുടരുന്നു. 43,600 രൂപയിലാണ് പവന് വ്യാപാരം. ഗ്രാമിന് വില 5,450 രൂപ. ഈ മാസത്തെ ഏറ്റവും കുറഞ്ഞ വിലയാണിത്. ഈ മാസം അഞ്ചിന് 44,240 രൂപയായിരുന്ന പവന് വിലയാണ് പിന്നീട് കുറഞ്ഞത്; അന്ന് ഗ്രാം വില 5,530 രൂപയായിരുന്നു. ഇന്നലെ ഗ്രാമിന് 35 രൂപയും പവന് 280 രൂപയും കുറഞ്ഞിരുന്നു.
ചാഞ്ചാടി ആഗോള വിപണി
കഴിഞ്ഞവാരം ഔണ്‍സിന് 1,917 ഡോളര്‍ വരെയായിരുന്ന രാജ്യാന്തര സ്വര്‍ണ വില പിന്നീട് 1,907 ഡോളര്‍ വരെ താഴ്ന്നിരുന്നു. ഇപ്പോള്‍ വിലയുള്ളത് 1,910 ഡോളറില്‍.
വെള്ളിക്കും മാറ്റമില്ല
സംസ്ഥാനത്ത് വെള്ളി വിലയിലും ഇന്ന് മാറ്റമില്ല. സാധാരണ വെള്ളിക്ക് 77 രൂപയും ഹോള്‍മാര്‍ക്ക്ഡ് വെള്ളിക്ക് 103 രൂപയുമാണ് വില.