സംസ്ഥാനത്തെ ആഭരണ വിപണിയിൽ സ്വർണത്തിന്റെ നിരക്കുകളിൽ ഇന്ന് (2026 ജനുവരി 24) രാവിലെ വീണ്ടും വർധന രേഖപ്പെടുത്തി. 22 കാരറ്റ് പരിശുദ്ധിയുള്ള ഒരു ഗ്രാം സ്വർണത്തിന്റെ വിപണി വില 135 രൂപ വർധിച്ച് 14,540 രൂപ നിലവാരത്തിലേക്ക് ഉയർന്നു. ഇതോടെ ഒരു പവൻ സ്വർണത്തിന്റെ (22 കാരറ്റ്) വില 1,16,320 രൂപയിലേക്കും എത്തിച്ചേർന്നു.
ആനുപാതികമായി 18 കാരറ്റ് പരിശുദ്ധിയുള്ള ഒരു ഗ്രാം സ്വർണത്തിന് 110 രൂപ വർധിച്ച് 11,945 രൂപയും ഇതിന്റെ ഒരു പവന് 880 രൂപ കൂടി 95,560 രൂപയും രേഖപ്പെടുത്തി. ലൈറ്റ് വെയിറ്റ് ആഭരണങ്ങൾക്ക് ഉപയോഗിക്കുന്ന 14 കാരറ്റ് പരിശുദ്ധിയുള്ള സ്വർണത്തിന്റെ ഒരു ഗ്രാമിന് 90 രൂപ ഉയർന്ന് 9,305 രൂപ നിരക്കിലേക്കും ഇതിന്റെ ഒരു പവൻ സ്വർണത്തിന് 74,440 രൂപയുമായി. 9 കാരറ്റ് പരിശുദ്ധിയുള്ള സ്വർണത്തിന്റെ ഒരു ഗ്രാമിന് 55 രൂപ വർധിച്ച് 6,000 രൂപയും ഇതിന്റെ ഒരു പവന് 48,000 രൂപ വീതവുമാണ് ശനിയാഴ്ചത്തെ വ്യാപാരത്തിനായി നിശ്ചയിച്ചിട്ടുള്ളത്.
കേരളത്തിലെ ആഭരണ വിപണിയിൽ ശനിയാഴ്ചത്തെ (ജനുവരി 24) വ്യാപാരത്തിനായുള്ള വെള്ളിയുടെ നിരക്കിൽ ഇടിവ് രേഖപ്പെടുത്തി. കഴിഞ്ഞ ദിവസത്തേക്കാൾ 5 രൂപ താഴ്ന്ന് 10 ഗ്രാം വെള്ളിയുടെ വില 335 രൂപയായി. ഇതോടെ 100 ഗ്രാം വെള്ളിയുടെ ഇന്നത്തെ നിരക്ക് 3,350 രൂപയുമാകുന്നു. കഴിഞ്ഞ ദിവസം 10 ഗ്രാം വെള്ളിയുടെ വ്യാപാരം 340 രൂപ നിലവാരത്തിലാണ് നടന്നത്. രാജ്യാന്തര വിപണിയുടെ ചുവടുപിടിച്ചാണ് ആഭ്യന്തര വിപണിയിലും വെള്ളി നിരക്കുകളിൽ മാറ്റം കുറിക്കുന്നത്.
സ്വര്ണത്തിന്റെ വിപണി വിലയ്ക്കൊപ്പം ചുരുങ്ങിയത് അഞ്ച് ശതമാനം നിരക്കിൽ പണിക്കൂലി, സ്വര്ണത്തിന്റെ വിലയിലും പണിക്കൂലിയിലും ഈടാക്കുന്ന മൂന്ന് ശതമാനം ജിഎസ്ടി നികുതി, ഹാള്മാര്ക്കിങ് ചാര്ജ് ഇനത്തിലുള്ള 45 രൂപ, ഇതിന്മേലുള്ള 18 ശതമാനം ജിഎസ്ടി നികുതി എന്നിവയും കൂടി ചേര്ത്ത് 1,25,970 രൂപയെങ്കിലും നല്കിയാലാണ് ഇന്ന് ഒരു പവന് സ്വർണാഭരണം കടയില് നിന്നും വാങ്ങാനാകുക. ഡിസൈന് അനുസരിച്ച് പണിക്കൂലിയിൽ വ്യത്യാസമുണ്ടാകാമെന്നും ഓർക്കുക.
Read DhanamOnline in English
Subscribe to Dhanam Magazine