അദാനി ഗ്രൂപ്പിന്റെ ഓഷ്യൻ സ്പാർക്കിള് ലിമിറ്റഡിൽ നിന്ന് 70 ടൺ ബോള്ളാർഡ് പുൾ ശേഷിയുള്ള നാല് എഎസ്ഡി ടഗുകൾ നിർമ്മിക്കാൻ ഉഡുപ്പി കൊച്ചിന് ഷിപ്പ്യാർഡ് ലിമിറ്റഡിന് കരാർ ലഭിച്ചു. ഏകദേശം ₹250 കോടി മുടക്കമുള്ള ഈ പദ്ധതി കേന്ദ്ര തുറമുഖ മന്ത്രാലയത്തിന്റെ അംഗീകൃത ASTDS പ്രകാരം നടപ്പാക്കും. 2028 നവംബറിൽ കൈമാറ്റം ആരംഭിച്ച് 2029 ജൂണോടെ പൂർത്തിയാകും.
രാജ്യത്തെ പ്രമുഖ പൊതുമേഖലാ കപ്പല് നിര്മ്മാണ ശാലയായ കൊച്ചിന് ഷിപ്പ്യാര്ഡിന് (CSL) അദാനി ഗ്രൂപ്പില് നിന്നും പുതിയ കരാര് ലഭിച്ചു. കൊച്ചിന് ഷിപ്പ്യാര്ഡിന്റെ പൂര്ണ ഉടമസ്ഥതയിലുള്ള ഉപകമ്പനിയായ ഉഡുപ്പി കൊച്ചിന് ഷിപ്പ്യാര്ഡ് ലിമിറ്റഡ് (Udupi-CSL) ആണ് അദാനി ഗ്രൂപ്പിന് കീഴിലുള്ള ഓഷ്യന് സ്പാര്ക്കിള് ലിമിറ്റഡില് (Ocean Sparkle Limited) നിന്നും ഈ ഓര്ഡര് സ്വന്തമാക്കിയത്.
70 ടണ് ബോള്ളാര്ഡ് പുള് ശേഷിയുള്ള നാല് അത്യാധുനിക എഎസ്ഡി (ASD - Azimuthing Stern Drive) ടഗുകളാണ് നിര്മ്മിക്കുന്നത്. കേന്ദ്ര തുറമുഖ-കപ്പല് ഗതാഗത മന്ത്രാലയത്തിന്റെ അംഗീകൃത സ്റ്റാന്ഡേര്ഡ് ടഗ് ഡിസൈന് ആന്ഡ് സ്പെസിഫിക്കേഷന്സ് (ASTDS) പ്രകാരമാണ് നിര്മ്മാണം നടക്കുക. ടഗ്ഗുകളുടെ കൈമാറ്റം 2028 നവംബറില് ആരംഭിച്ച് 2029 ജൂണോടെ പൂര്ത്തിയാക്കും.
കമ്പനിയുടെ വര്ഗ്ഗീകരണമനുസരിച്ച് 'നോട്ടബിള്' (Notable) വിഭാഗത്തിലാണ് ഈ കരാര് ഉള്പ്പെടുന്നത്. ഇത്തരം ഓര്ഡറുകളുടെ മൂല്യം ഏകദേശം 100 കോടി മുതല് 250 കോടി രൂപ വരെയാണ്. ബന്ധപ്പെട്ട കക്ഷികള് തമ്മിലുള്ള ഇടപാടുകളുടെ (Related party transactions) പരിധിയില് ഈ കരാര് വരുന്നതല്ലെന്നും കൊച്ചിന് ഷിപ്പ്യാര്ഡ് സ്റ്റോക്ക് എക്സ്ചേഞ്ചുകളെ അറിയിച്ചു. ഉഡുപ്പി കപ്പല്ശാലയെ ഏറ്റെടുത്ത ശേഷം വലിയ തോതിലുള്ള ഓര്ഡറുകള് കരസ്ഥമാക്കി മുന്നേറുകയാണ് കൊച്ചിന് ഷിപ്പ്യാര്ഡ്.
കേന്ദ്ര തുറമുഖ, കപ്പല് ഗതാഗത, ജലപാത മന്ത്രാലയത്തിന് കീഴില് പ്രവര്ത്തിക്കുന്ന ഇന്ത്യയിലെ മുന്നിര കപ്പല് നിര്മ്മാണ, കപ്പല് അറ്റകുറ്റപ്പണി കമ്പനികളിലൊന്നാണ് കൊച്ചിന് കൊച്ചിന് ഷിപ്പ്യാര്ഡ്. ഏകദേശം 21,000 കോടിയോളം രൂപയുടെ ഓര്ഡറുകളാണ് നിലവില് കൊച്ചിന് ഷിപ്പ്യാര്ഡിന്റെ കൈവശമുള്ളത്.
പ്രതിരോധ കപ്പലുകൾ, വാണിജ്യ കപ്പലുകൾ, ഓഫ്ഷോർ പ്ലാറ്റ്ഫോമുകൾ എന്നിങ്ങനെ അത്യാധുനികമായ കപ്പലുകളുടെ നിർമ്മാണത്തിൽ മികച്ച ഖ്യാതിയാണ് കമ്പനി നേടിയെടുത്തിട്ടുള്ളത്. പ്രതിരോധ മേഖലയ്ക്കും സമുദ്ര അടിസ്ഥാന സൗകര്യ വികസനത്തിനും രാജ്യം നൽകുന്ന വർധിച്ച പ്രാധാന്യം കണക്കിലെടുക്കുമ്പോൾ, ഇന്ത്യയുടെ കപ്പൽ നിർമ്മാണ രംഗത്ത് തന്ത്രപ്രധാനമായ പങ്കാണ് കൊച്ചിൻ ഷിപ്പ്യാർഡ് വഹിക്കുന്നത്.
കമ്പനിയുടെ 67.91 ശതമാനം ഓഹരികളും ഇന്ത്യൻ പ്രസിഡന്റിന്റെ (കേന്ദ്ര സർക്കാരിന്റെ) ഉടമസ്ഥതയിലാണുള്ളത്. വിദേശ ധനകാര്യ സ്ഥാപനങ്ങള് (FIIs) 2026 മാര്ച്ച് പാദത്തില് കൊച്ചിന് ഷിപ്പ്യാര്ഡ് ലിമിറ്റഡിലെ നിക്ഷേപംവര്ധിപ്പിച്ചു. 2025 ഡിസംബറിലെ 2.74 ശതമാനത്തില് നിന്ന് 2026 മാര്ച്ച് 31-ഓടെ ഇവരുടെ ഓഹരി പങ്കാളിത്തം 3.10 ശതമാനമായി ഉയര്ന്നു. വിദേശ നിക്ഷേപകര്ക്ക് ഈ ഓഹരിയിലുള്ള വര്ധിച്ച താല്പ്പര്യമാണ് ഇത് സൂചിപ്പിക്കുന്നത്.
നിലവില് കൊച്ചിന് ഷിപ്പ്യാര്ഡ് ഓഹരികള് ഒരു ശതമാനം ശതമാനം ഇടിവോടെ 1,796 രൂപയിലാണ് വ്യാപാരം നടത്തുന്നത്.
കഴിഞ്ഞ ഒരു മാസത്തിനിടെ 30 ശതമാനം നേട്ടമാണ് ഈ ഓഹരി നിക്ഷേപകര്ക്ക് നല്കിയത്. ഈ വര്ഷം ഇതുവരെയുള്ള (Year-to-date) കണക്കനുസരിച്ച് 110.75 ശതമാനം വളര്ച്ചയും ഓഹരി കൈവരിച്ചിട്ടുണ്ട്.
ഇന്ത്യയിലെ പ്രമുഖ തേർഡ് പാർട്ടി മറൈൻ സർവീസ് പ്രൊവൈഡറായ ഓഷ്യൻ സ്പാർക്കിൾ ലിമിറ്റഡ്, ടോവിംഗ് (Towage), പൈലറ്റേജ്, ഡ്രെഡ്ജിംഗ് എന്നീ മേഖലകളിൽ വൈദഗ്ധ്യമുള്ള സ്ഥാപനമാണ്. 2022 മെയിലാണ് അദാനി പോർട്സ് ആൻഡ് സ്പെഷ്യൽ ഇക്കണോമിക് സോൺ ലിമിറ്റഡ് (APSEZ) ഈ കമ്പനിയെ ഏറ്റെടുത്തത്. 2026-ലെ കണക്കനുസരിച്ച്, അദാനി ഹാർബർ സർവീസസ് ലിമിറ്റഡിന് (AHSL) ഭൂരിഭാഗം ഓഹരി പങ്കാളിത്തമുള്ള അദാനി ഗ്രൂപ്പിന് കീഴിലുള്ള ഒരു അനുബന്ധ സ്ഥാപനമായാണ് ഇത് പ്രവർത്തിക്കുന്നത്.
Cochin Shipyard’s subsidiary Udupi-CSL secured a major Adani Group order to build four advanced ASD tugs for Ocean Sparkle Limited.
Read DhanamOnline in English
Subscribe to Dhanam Magazine