വേൾഡ് മലയാളി കൗൺസിലിന്റെ 2026–2028 കാലയളവിലേക്കുള്ള ഗ്ലോബൽ വൈസ് പ്രസിഡന്റായി ഡോ. പി. ബി. ബോസ് ചുമതലയേറ്റു. അമേരിക്കയിലെ ഡാളസിൽ നടന്ന വേൾഡ് മലയാളി കൗൺസിലിന്റെ 15-ാമത് ദ്വിവത്സര ആഗോള സമ്മേളനത്തോടനുബന്ധിച്ചായിരുന്നു സ്ഥാനാരോഹണവും സത്യപ്രതിജ്ഞയും.
Osaka Group സ്ഥാപകനും ചെയർമാനുമായ ഡോ. പി. ബി. ബോസ് മൂന്ന് പതിറ്റാണ്ടിലേറെയായി ട്രാവൽ, ടൂറിസം, വിദ്യാഭ്യാസം, സാങ്കേതികവിദ്യ, റിയൽ എസ്റ്റേറ്റ് തുടങ്ങിയ മേഖലകളിൽ പ്രവർത്തിച്ചുവരുന്നു.
ലോകത്തിന്റെ വിവിധ ഭാഗങ്ങളിലുള്ള മലയാളികളെ കൂടുതൽ ശക്തമായി ബന്ധിപ്പിക്കുകയും പുതിയ രാജ്യങ്ങളിലേക്ക് വേൾഡ് മലയാളി കൗൺസിലിന്റെ പ്രവർത്തനങ്ങൾ വ്യാപിപ്പിക്കുകയും യുവജനങ്ങളെയും സംരംഭകരെയും പ്രൊഫഷണലുകളെയും ആഗോള മലയാളി ശൃംഖലയുമായി കൂടുതൽ സജീവമായി ബന്ധിപ്പിക്കുകയും ചെയ്യുന്നതിനാണ് പുതിയ ഉത്തരവാദിത്വത്തിൽ മുൻഗണന നൽകുകയെന്ന് ഡോ. പി. ബി. ബോസ് അറിയിച്ചു.
ലോകത്തിലെ 195 രാജ്യങ്ങളിൽ 182 രാജ്യങ്ങളിലും മലയാളി സാന്നിധ്യമുണ്ടെന്നാണ് വിലയിരുത്തൽ. നിലവിൽ 51 രാജ്യങ്ങളിൽ സാന്നിധ്യമുള്ള വേൾഡ് മലയാളി കൗൺസിലിന്റെ പ്രവർത്തനശൃംഖല, മലയാളികളുള്ള 182 രാജ്യങ്ങളിലേക്കും ഘട്ടംഘട്ടമായി വ്യാപിപ്പിച്ച് ശക്തമായ ഒരു ആഗോള മലയാളി നെറ്റ്വർക്ക് രൂപപ്പെടുത്തുക എന്നതാണ് പുതിയ നേതൃത്വത്തിന്റെ ദീർഘകാല ലക്ഷ്യങ്ങളിലൊന്നെന്ന് ഡോ. പി. ബി. ബോസ് പറഞ്ഞു.
രാജ്യാതിർത്തികൾക്കപ്പുറം മലയാളികളുടെ അറിവും അനുഭവസമ്പത്തും സംരംഭകത്വവും പുതുതലമുറയുടെ കഴിവുകളും പരസ്പരം ബന്ധിപ്പിക്കുന്ന ശക്തമായ ആഗോള പ്ലാറ്റ്ഫോമായി വേൾഡ് മലയാളി കൗൺസിലിനെ കൂടുതൽ വികസിപ്പിക്കുകയാണ് ലക്ഷ്യമെന്നും അദ്ദേഹം വ്യക്തമാക്കി.
Read DhanamOnline in English
Subscribe to Dhanam Magazine