സംസ്ഥാനത്ത് സ്വര്ണവിലയില് ഇന്ന് (ജനുവരി 5) ഉച്ചയ്ക്കുശേഷം രണ്ട് തവണ മാറ്റം. രാവിലെ സ്വര്ണവില ഗ്രാമിന് 145 രൂപ കൂടിയിരുന്നു, ഉച്ചക്ക് ശേഷം ഗ്രാമില് 40 രൂപയും പിന്നീട് 35 രൂപയും കൂടി. ഇതോടെ പവന് 1,01,360 രൂപയായി. ലൈറ്റ് വെയിറ്റ് ആഭരണങ്ങള് നിര്മിക്കുന്ന 18 കാരറ്റ് സ്വര്ണത്തിന്റെ വിലയില് ഗ്രാമിന് 25 രൂപ കൂടി 10,415 രൂപയിലെത്തി.
വെനസ്വേലയില് ട്രംപ് ഭരണകൂടത്തിന്റെ ഇടപെടല് ലോകത്തെ കൂടുതല് സംഘര്ഷത്തിലേക്ക് നയിക്കുമെന്ന ആശങ്ക വ്യാപകമാണ്. കൂടുതല് സുരക്ഷിത നിക്ഷേപമെന്ന നിലയില് സ്വര്ണത്തിന്റെ ഡിമാന്ഡ് കൂടുന്നതാണ് അന്താരാഷ്ട്ര വിപണിയില് വില കൂടാന് കാരണം. ഔണ്സിന് 4,419 ഡോളറിലാണ് അന്താരാഷ്ട്ര വിപണിയില് വ്യാപാരം പുരോഗമിക്കുന്നത്.
ഒരു പവന് സ്വര്ണാഭരണം വാങ്ങണമെങ്കില് വിപണി വിലയ്ക്കൊപ്പം ഏറ്റവും കുറഞ്ഞത് അഞ്ച് ശതമാനം പണിക്കൂലി, സ്വര്ണത്തിനും പണിക്കൂലിക്കും മൂന്ന് ശതമാനം നികുതി, 45 രൂപ ഹാള്മാര്ക്ക് ചാര്ജ്, അതിന് 18 ശതമാനം നികുതി എന്നിവയും ചേര്ത്ത് 1,09,775 രൂപയെങ്കിലും നല്കണം.
Read DhanamOnline in English
Subscribe to Dhanam Magazine