സ്വർണ വിലയിൽ ഇന്ന് നേരിയ വർധന; പവന് ₹240 കൂടി; വെള്ളി നിരക്കുകളിൽ മാറ്റമില്ല

സംസ്ഥാനത്ത് സ്വർണ വിലയിൽ ചാഞ്ചാട്ടം തുടരുന്നു. കഴിഞ്ഞ ​ദിവസം രാവിലെയും ഉച്ചയ്ക്കുമായി രണ്ട് തവണ ഇടിവ് രേഖപ്പെടുത്തിയ സ്വർണ വിലയിൽ ഇന്ന് (സെപ്റ്റംബർ 15) നേരിയ വർധന കുറിച്ചു. ചൊവ്വാഴ്ച രാവിലെ വ്യാപാരം പുനരാരംഭിച്ചപ്പോൾ 22 കാരറ്റ് സ്വർണത്തിന്റെ ഒരു ​ഗ്രാമിന് 30 രൂപ ഉയർന്ന് പുതുക്കിയ വില 14,040 രൂപയായി. ആനുപാതികമായി 22 കാരറ്റ് സ്വർണത്തിന്റെ ഒരു പവന് 240 രൂപ വർധിച്ച് പുതിയ വില 1,12,320 രൂപയായും രേഖപ്പെടുത്തി.

അതുപോലെ 18 കാരറ്റ് സ്വർണത്തിന്റെ ഒരു ​ഗ്രാമിന് 25 രൂപ ഉയർന്ന് ഇന്നത്തെ വിപണി വില 11,535 രൂപയായി. ലൈറ്റ് വെയിറ്റ് ആഭരണ വിഭാ​ഗത്തിൽ ഏറെ ഡിമാൻഡ് ഉള്ള 14 കാരറ്റ് സ്വർണത്തിന്റെ ഒരു ​ഗ്രാമിന് 20 രൂപ വർധിച്ച് പുതുക്കിയ വില 8,985 രൂപയായി. 9 കാരറ്റ് സ്വർണത്തിന്റെ ഒരു ​ഗ്രാമിന് 15 രൂപ ഉയർന്ന് 5,795 രൂപയിലേക്കും എത്തിച്ചേർന്നു.

യു.എസിൽ പലിശ നിരക്ക് വർധനയ്ക്കുള്ള സാധ്യത വർധിച്ചതോടെയാണ് രാജ്യാന്തര വിപണിയിൽ സ്വർണക്കുതിപ്പിന് തടയിട്ടത്. ഇന്നും നാളെയും (സെപ്റ്റംബർ 15-16) ആയി ചേരുന്ന ഫെഡ് റിസർവിന്റെ യോ​ഗത്തിൽ പലിശ നിരക്ക് സംബന്ധിച്ച പ്രഖ്യാപനം ഉണ്ടാകും. അതുവരെ വിലയേറിയ ലോഹങ്ങളുടെ വിപണിയിൽ ചാഞ്ചാട്ടം തുടരാനാണ് സാധ്യതയെന്ന് അനലി​സ്റ്റുകൾ സൂചിപ്പിച്ചു.

അതേസമയം വെള്ളി വിലയിൽ ഇന്ന് മാറ്റമില്ല. ഒരു ​ഗ്രാം വെള്ളിയുടെ നിരക്ക് 245 രൂപയിൽ തുടരുന്നു. ആനുപാതികമായി 10 ​ഗ്രാം വെള്ളിക്ക് 2,450 രൂപയും 100 ​ഗ്രാം വെള്ളിയുടെ വില 24,500 രൂപയിലും ഒരു കിലോ​ഗ്രാം വെള്ളിയുടെ നിരക്ക് 2,45,000 രൂപയായും രേഖപ്പെടുത്തി. കഴിഞ്ഞ ദിവസം വെള്ളിയുടെ വിലയിൽ 10 രൂപയുടെ ഇടിവ് നേരിട്ടിരുന്നു.

ഒരു പവൻ സ്വർണാഭരണം വാങ്ങാൻ ഇപ്പോൾ എത്രയാകും?

ചൊവ്വാഴ്ച ഒരു പവന്‍ സ്വര്‍ണത്തിന്റെ നിരക്കിൽ നേരിയ വർധന രേഖപ്പെടുത്തിയതോടെ, പുതിയ വിപണി വിലയ്ക്കൊപ്പം ഏറ്റവും കുറഞ്ഞത് 5 ശതമാനം പണിക്കൂലിയും സ്വര്‍ണത്തിനും പണിക്കൂലിക്കും മേൽ ചുമത്തുന്ന 3 ശതമാനം നികുതിയും 45 രൂപ ഹാള്‍മാര്‍ക്ക് ചാര്‍ജ് ഇനത്തിലും അതിന്മേലുള്ള 18 ശതമാനം നികുതിയും ഒക്കെ കൂട്ടിച്ചേര്‍ത്ത് 1,21,640 രൂപയെങ്കിലും നൽകിയാലാണ് 22 കാരറ്റിന്റെ ഒരു പവൻ സ്വർണാഭരണം ഇന്ന് രാവിലെ വാങ്ങാൻ കഴിയുക. ആഭരണങ്ങളുടെ ഡിസൈനിൽ വരുന്ന മാറ്റങ്ങളനുസരിച്ച് പണിക്കൂലിയിലും വ്യത്യാസം നേരിടാമെന്നതും ഓർക്കുക.