ദക്ഷിണേന്ത്യയിലെ ഏറ്റവും വലിയ ബാങ്കിംഗ്, നിക്ഷേപ സമ്മിറ്റിന് കൊച്ചി ലെ മെറിഡിയന് കണ്വെന്ഷന് സെന്ററില് തിരിതെളിഞ്ഞു. ധനം ബിസിനസ് മീഡിയയുടെ ആഭിമുഖ്യത്തില് നടക്കുന്ന എട്ടാമത് ബിഎഫ്എസ്ഐ സമ്മിറ്റ് ബിഎസ്ഇ എംഡിയും സിഇഒയുമായ സുന്ദരരാമന് രാമമൂര്ത്തി ഉദ്ഘാടനം ചെയ്തു.
രാവിലെ 9.30 മുതല് രാത്രി 9.30 വരെ നീളുന്ന സമ്മിറ്റിലും അവാര്ഡ് നിശയിലുമായി ദേശീയ, രാജ്യാന്തരതലത്തിലെ ഇരുപതിലേറെ പ്രമുഖരാണ് പ്രഭാഷകരായി എത്തുന്നത്. രാജ്യത്തെമ്പാടും നിന്നായി 500 ഓളം പേര് പ്രതിനിധികളായി പങ്കെടുക്കുന്നുണ്ട്.
ബാങ്കിംഗ് രംഗത്തിന്റെ ഭാവി, അസ്ഥിരത നിലനില്ക്കുന്ന സാഹചര്യത്തിലെ നിക്ഷേപം, വായ്പാ മേഖലയെ എങ്ങനെ ബാങ്കിംഗ് ഇതര ധനകാര്യ സ്ഥാപനങ്ങള് പുനര്നിര്വചിക്കുന്നു, ബിഎഫ്എസ്ഐ മേഖലയില് ടെക്നോളജി വരുത്താനിടയുള്ള മാറ്റങ്ങള് തുടങ്ങിയ വിഷയങ്ങളെ അധികരിച്ചുള്ള പാനല് ചര്ച്ചകളും സമ്മിറ്റിനോട് അനുബന്ധിച്ച് നടക്കും.
സമ്മിറ്റിനോട് അനുബന്ധിച്ച് നടക്കുന്ന അവാര്ഡ് നിശയില് റിസര്വ് ബാങ്ക് മുന് ഡെപ്യൂട്ടി ഗവര്ണര് രാജേശ്വര് റാവു മുഖ്യാതിഥിയായി സംബന്ധിക്കും. ബാങ്കിംഗ്, എന്ബിഎഫ്സി, ഇന്ഷുറന്സ് രംഗത്ത് കഴിഞ്ഞ സാമ്പത്തിക വര്ഷത്തില് മികവുറ്റ പ്രകടനങ്ങള് കാഴ്ചവെച്ച പ്രസ്ഥാനങ്ങള്ക്കുള്ള ധനം ബിഎഫ്എസ്ഐ അവാര്ഡുകള് അദ്ദേഹം വിതരണം ചെയ്യും.
മുത്തൂറ്റ് ഫിനാന്സ് മാനേജിംഗ് ഡയറക്റ്റര് ജോര്ജ് അലക്സാണ്ടര് മുത്തൂറ്റുമായുള്ള ഫയര് സൈഡ് ചാറ്റാണ് അവാര്ഡ് നിശയുടെ മറ്റൊരു ആകര്ഷണം.
ബില്ഡെസ്ക് സഹസ്ഥാപകന് എം എന് ശ്രീനിവാസു, മണപ്പുറം ഫിനാന്സ് എംഡി വി പി നന്ദകുമാര്, തമിഴ്നാട് മെര്ക്കന്റയില് ബാങ്ക് എംഡി & സിഇഒ സാലി എസ് നായര്, കേരള ഗ്രാമീണ ബാങ്ക് ചെയര്പേഴ്സണ് വിമല വിജയഭാസ്കര്, ഇസാഫ് സ്മോള് ഫിനാന്സ് ബാങ്ക് എംഡി & സിഇഒ ഡോ. കെ പോള് തോമസ്, മിറെ അസറ്റ് ഇന്വെസ്റ്റ്മെന്റ് മാനേജേഴ്സ് സീനിയര് ഫണ്ട് മാനേജര് വരുണ് ഗോയല്, ഡിഎസ്പി മ്യൂച്വല് ഫണ്ട് സീനിയര് വൈസ് പ്രസിഡന്റ് ഉഷ നായര്, ഡിബിഎഫ്എസ് സെക്യൂരിറ്റീസ് എംഡി പ്രിന്സ് ജോര്ജ്, സൗത്ത് ഇന്ത്യന് ബാങ്ക് സീനിയര് ജിഎമ്മും ചീഫ് ഇന്ഫര്മേഷന് ഓഫീസറുമായ എ. സോണി, ജിയോജിത് ഫിനാന്ഷ്യല് സര്വീസസ് മുന് എക്സിക്യൂട്ടീവ് ഡയറക്റ്റര് എ ബാലകൃഷ്ണന്, മുത്തൂറ്റ് ഫിനാന്സ് എക്സിക്യുട്ടീവ് ഡയറക്റ്ററും സിഒഒയുമായ കെ ആര് ബിജിമോന്, മുത്തൂറ്റ് മിനി ഫിനാന്സിയേഴ്സ് സിഇഒ പി ഇ മത്തായി, കെഎല്എം ആക്സിവ സിഇഒ മനോജ് രവി, ആഡ്ഫാക്റ്റേഴ്സ് പിആര് സീനിയര് വിപി അജയ ശര്മ, ജിയോജിത് ഫിനാന്ഷ്യല് സര്വീസസ് അസോസിയേറ്റ് ഡയറക്റ്റര് ഡോ. ആര് ജി രഞ്ജിത്, മുത്തൂറ്റ് മൈക്രോഫിന് സിടിഒ ലിന്സണ് പോള്, സ്ട്രാറ്റജിസ്റ്റും ഫിനാന്ഷ്യല് കണ്സള്ട്ടന്റുമായ ഡോ. അനില് ആര് മേനോന്, ടൈ കേരള പ്രസിഡന്റും വര്മ & വര്മ സീനിയര് പാര്ട്ണറുമായ വിവേക് കൃഷ്ണ ഗോവിന്ദ്, യൂണിമണി ഇന്ത്യ ഡയറക്റ്ററും സിഇയുമായ ആര് കൃഷ്ണന്, കൊളിഗോ സഹസ്ഥാപകന് മാധവ് ദബ്കെ, ബിറ്റ്സേവ് സിഇഒയും സ്ഥാപകനുമായ സഖില് സുരേഷ് തുടങ്ങിയവരാണ് വിവിധ സെഷനുകളില് സംസാരിക്കുന്നത്.
Read DhanamOnline in English
Subscribe to Dhanam Magazine