സംസ്ഥാനത്തെ സ്വര്ണവിലയില് ഇന്ന് നേരിയ ആശ്വാസം. ഗ്രാമിന് 10 രൂപ കുറഞ്ഞ് 10,190 രൂപയിലെത്തി. പവന് 80 രൂപ കുറഞ്ഞ് 81,520 രൂപയായി. കഴിഞ്ഞ ദിവസം പവന് 81,600 രൂപയിലെത്തിയിരുന്നു. സംസ്ഥാനത്ത് ഇതുവരെ രേഖപ്പെടുത്തിയ ഏറ്റവും കൂടിയ തുകയായിരുന്നു ഇന്നലത്തേത്. കനം കുറഞ്ഞ സ്വര്ണാഭരണങ്ങള് നിര്മിക്കാന് ഉപയോഗിക്കുന്ന 18 കാരറ്റ് സ്വര്ണം ഗ്രാമിന് 5 രൂപ കുറഞ്ഞ് 8,370 രൂപയിലെത്തി. 14 കാരറ്റ് ഗ്രാമിന് 6,520 രൂപയിലും 9 കാരറ്റ് ഗ്രാമിന് 4,205 രൂപയിലുമാണ് വ്യാപാരം. വെള്ളിവില ഗ്രാമിന് 135 രൂപയില് തന്നെ തുടരുന്നു.
യു.എസ് ഫെഡറല് റിസര്വ് പലിശ നിരക്കുകള് കുറക്കുമെന്ന പ്രതീക്ഷ ശക്തമായതോടെയാണ് സ്വര്ണ വില കുതിച്ചുയര്ന്നത്. ബോണ്ടുകളുടെ പലിശ കുറച്ചാല് കൂടുതല് നിക്ഷേപകര് സ്വര്ണത്തിലേക്ക് തിരിയുമെന്നാണ് കണക്കാകുന്നത്. ഇതോടെ ഡിമാന്ഡും വിലയും ഉയരുകയും ചെയ്യും. തൊട്ടുമുന്വര്ഷത്തെ സമാനകാലയളവിനെ അപേക്ഷിച്ച് 40 ശതമാനത്തിന് മുകളിലാണ് സ്വര്ണവില ഉയര്ന്നത്. നിലവിലെ സാഹചര്യങ്ങള് പരിഗണിച്ചാല് സ്വര്ണ വില വീണ്ടും ഉയരാനാണ് സാധ്യതയെന്നും വിദഗ്ധര് പറയുന്നു.
യു.എസിലെ തൊഴില് കണക്കുകള് പ്രതീക്ഷിച്ച രീതിയില് ഉയരാത്തത് സാമ്പത്തിക പ്രതിസന്ധിയുടെ സൂചനകളാണെന്ന് വിലയിരുത്തലുണ്ട്. ഇതും സ്വര്ണവിലയെ സ്വാധീനിക്കുന്നുണ്ടെന്നാണ് വിലയിരുത്തല്. കൂടാതെ ജപ്പാന്, ഫ്രാന്സ്, നേപ്പാള് എന്നിവിടങ്ങളിലെ രാഷ്ട്രീയ അസ്ഥിരതകളും സുരക്ഷിത നിക്ഷേപമെന്ന നിലയില് സ്വര്ണത്തിന്റെ വില ഉയര്ത്തി. ഇന്ന് അന്താരാഷ്ട്ര വിപണിയില് ട്രോയ് ഔണ്സിന് 3,643 ഡോളറിലാണ് സ്വര്ണ വ്യാപാരം നടക്കുന്നത്.
ഇന്ന് ഒരു പവന് സ്വര്ണത്തിന്റെ വില 81,520 രൂപയാണെങ്കിലും ഇതേ തൂക്കത്തിലുള്ള സ്വര്ണാഭരണം വാങ്ങാന് കൂടുതല് തുക കൊടുക്കണം. കുറഞ്ഞത് അഞ്ച് ശതമാനം പണിക്കൂലിയെങ്കിലും മിക്ക ജുവലറികളും ഈടാക്കും. ഇതിന് പുറമെ സ്വര്ണത്തിനും പണിക്കൂലിക്കും മൂന്ന് ശതമാനം ജി.എസ്.ടി, ഹാള്മാര്ക്കിംഗ് ചാര്ജ് എന്നിവയും അധികമായി നല്കണം. എല്ലാ കണക്കുകളും ചേര്ത്ത് ഇന്ന് ഒരു പവന് സ്വര്ണാഭരണത്തിന് 88,250 രൂപയെങ്കിലും വേണം. ആഭരണങ്ങളുടെ ഡിസൈന് അനുസരിച്ച് കൂടുതല് പണിക്കൂലി ഈടാക്കാനും സാധ്യതയുണ്ട്. അങ്ങനെയെങ്കില് വിലയും വര്ധിക്കും.
Check today’s Kerala gold price update. Get the latest rates for 22K, 24K gold per gram and per sovereign, along with market insights and trends
Read DhanamOnline in English
Subscribe to Dhanam Magazine