മുത്തൂറ്റ് ഫിനാന്സിന്റെ ഉപകമ്പനിയായ ഏഷ്യ അസറ്റ് ഫിനാന്സ് പിഎല്സി 2026-ലെ റൈറ്റ്സ് ഇഷ്യുവിലൂടെ 1.5 ബില്യണ് ശ്രീലങ്കന് രൂപ സമാഹരിച്ചു. 1.3 മടങ്ങ് അധിക അപേക്ഷകള് ലഭിച്ച ഈ ഇഷ്യൂവില് 45,162,012 സാധാരണ വോട്ടിംഗ് ഓഹരികള് ഉള്പ്പെട്ടു. പുതിയ ഓഹരികള് സെപ്റ്റംബര് 14-ന് കൊളംബോ സ്റ്റോക്ക് എക്സ്ചേഞ്ചില് ലിസ്റ്റ് ചെയ്തു. സമാഹരിച്ച തുക മൂലധന അടിത്തറയും ബിസിനസ് വിപുലീകരണവും ശക്തിപ്പെടുത്തും.
മുത്തൂറ്റ് ഫിനാന്സ് ലിമിറ്റഡിന്റെ ഉപകമ്പനിയായ ഏഷ്യ അസറ്റ് ഫിനാന്സ് പിഎല്സി 2026-ലെ റൈറ്റ്സ് ഇഷ്യു വിജയകരമായി പൂര്ത്തിയാക്കി 1.5 ബില്യണ് ശ്രീലങ്കന് രൂപ സമാഹരിച്ചു. ഇഷ്യൂവിന് 1.3 മടങ്ങ് അധിക അപേക്ഷകളാണ് ലഭിച്ചത്. ഓഹരിയുടമകളുടെ മികച്ച പങ്കാളിത്തം വ്യക്തമാക്കുന്ന ഈ നേട്ടം ശ്രീലങ്കയിലെ കമ്പനിയുടെ ബിസിനസ്സ് വളര്ച്ചയ്ക്ക് ആവശ്യമായ മൂലധനം നല്കുകയും ചെയ്യും.
ഈ റൈറ്റ്സ് ഇഷ്യുവില് 45,162,012 സാധാരണ വോട്ടിംഗ് ഓഹരികളാണ് ഉള്പ്പെട്ടിരുന്നത്. ഇതുവഴി മൊത്തം 1,503.9 ദശലക്ഷം ശ്രീലങ്കന് രൂപ സമാഹരിച്ചു. പുതിയ ഓഹരികള് 2026 സെപ്റ്റംബര് 14-ന് കൊളംബോ സ്റ്റോക്ക് എക്സ്ചേഞ്ചില് ലിസ്റ്റ് ചെയ്തു.
നടപ്പ് സാമ്പത്തിക വര്ഷത്തിന്റെ ആദ്യ പാദത്തില് കമ്പനിയുടെ വായ്പാ പോര്ട്ട്ഫോളിയോ 51 ശതമാനം വാര്ഷിക വളര്ച്ചയോടെ 5,270 കോടി ശ്രീലങ്കന് രൂപയിലെത്തി. മുന്വര്ഷം ഇതേ കാലയളവിലിത് 3,492 കോടി ശ്രീലങ്കന് രൂപയായിരുന്നു.
മൊത്തം വരുമാനം 72 ശതമാനം വര്ധിച്ച് 357 കോടി ശ്രീലങ്കന് രൂപയായി. മുന്വര്ഷം ഇതേ കാലയളവിലിത് 207 കോടി ശ്രീലങ്കന് രൂപയായിരുന്നു. അറ്റാദായം 137 ശതമാനം വര്ധിച്ച് 43 കോടി ശ്രീലങ്കന് രൂപയായും ഉയര്ന്നു. മുന്വര്ഷം ഇതേ കാലയളവിലിത് 18 കോടി ശ്രീലങ്കന് രൂപയായിരുന്നു.
റൈറ്റ്സ് ഇഷ്യു വഴി സമാഹരിച്ച തുക ഏഷ്യ അസറ്റ് ഫിനാന്സിന്റെ മൂലധന അടിത്തറ കൂടുതല് ശക്തമാക്കാനും ബിസിനസ് വിപുലീകരണത്തിനും കരുത്തേകുമെന്ന് കമ്പനി വ്യക്തമാക്കി. വരുമാനത്തിലും ലാഭത്തിലും കൈവരിച്ച മികച്ച നേട്ടങ്ങളുടെ അടിസ്ഥാനത്തിലാണ് ഈ പുതിയ ഫണ്ട് സമാഹരണം.
റൈറ്റ്സ് ഇഷ്യൂവിന് 1.3 മടങ്ങ് അധിക അപേക്ഷകള് ലഭിച്ചത് കമ്പനിയെ സംബന്ധിച്ചിടത്തോളം വലിയൊരു നാഴികക്കല്ലാണെന്നും, കമ്പനിയുടെ വളര്ച്ചയില് ഓഹരിയുടമകള്ക്കുള്ള വിശ്വാസമാണ് ഇത് കാണിക്കുന്നതെന്നും മുത്തൂറ്റ് ഫിനാന്സ് മാനേജിംഗ് ഡയറക്ടര് ജോര്ജ്ജ് അലക്സാണ്ടര് മുത്തൂറ്റ് പറഞ്ഞു. സമാഹരിച്ച മൂലധനം ബിസിനസ് വിപുലീകരിക്കാന് സഹായിക്കുമെന്നും, ശ്രീലങ്കന് സാമ്പത്തിക സേവന രംഗത്ത് കൂടുതല് ശക്തമായ സാന്നിധ്യമാകാന് ഏഷ്യ അസറ്റ് ഫിനാന്സിന് ഇത് കരുത്തുനല്കുമെന്നും ഉപഭോക്താക്കള്ക്കും ഓഹരിയുടമകള്ക്കും മികച്ച മൂല്യം നല്കാനും ഏഷ്യ അസറ്റ് ഫിനാന്സിന്റെ ദീര്ഘകാല വളര്ച്ചയ്ക്കും മുത്തൂറ്റ് ഫിനാന്സ് പൂര്ണ്ണ പിന്തുണ നല്കുമെന്നും അദ്ദേഹം കൂട്ടിച്ചേര്ത്തു.
ശ്രീലങ്കയിലുടനീളം സാന്നിധ്യമുള്ള ഏഷ്യ അസറ്റ് ഫിനാന്സ് സ്വര്ണ്ണപ്പണയം, ലീസിംഗ്, മോര്ട്ട്ഗേജ് വായ്പകള്, ഗ്രൂപ്പ് വായ്പകള്, വ്യക്തിഗത വായ്പകള്, ബിസിനസ് വായ്പകള്, കോര്പ്പറേറ്റ് വായ്പകള്, മൈക്രോ വായ്പകള്, പബ്ലിക് ഡെപ്പോസിറ്റുകള് തുടങ്ങി വൈവിധ്യമാര്ന്ന സാമ്പത്തിക സേവനങ്ങള് നല്കിവരുന്നു. രാജ്യത്തെ വ്യക്തികള്ക്കും സ്ഥാപനങ്ങള്ക്കും എളുപ്പത്തില് ലഭ്യമാകുന്ന സാമ്പത്തിക സേവനങ്ങള്ക്കുള്ള വര്ദ്ധിച്ചുവരുന്ന ആവശ്യകതയാണ് കമ്പനിയുടെ ഈ തുടര്ച്ചയായ വളര്ച്ച വ്യക്തമാക്കുന്നത്.
Asia Asset Finance, the Sri Lankan subsidiary of Muthoot Finance, has successfully raised LKR 1.5 billion through an oversubscribed rights issue