ടാറ്റ ഗ്രൂപ്പില് നിന്ന് പിന്വാങ്ങാന് ഷപ്പൂര്ജി പല്ലോണ്ജി ഗ്രൂപ്പ് സമര്പ്പിച്ചിരിക്കുന്ന പദ്ധതി അംഗീകരിക്കപ്പെട്ടാല് നികുതിയനത്തില് സര്ക്കാരിന് വന് തുക ലഭിക്കുമെന്ന് നികുതി വിദഗ്ധര്. എസ്പി ഗ്രൂപ്പിന്റെ സാരഥികളായ മിസ്ട്രി കുടുംബം ടാറ്റയില് നിന്ന് പിന്വാങ്ങുന്നതിന്റെ ഭാഗമായി കാപ്പിറ്റല് ഗെയ്ന് ടാക്സ് അടക്കേണ്ടി വരും. ഇതിനായി ടാറ്റ ഗ്രൂപ്പിലെ ലിസ്റ്റഡ് കമ്പനിയിലെ മിസ്ട്രി കുടുംബത്തിന്റെ ഓഹരികള് ഒരു ഭാഗം വില്പ്പന നടത്തേണ്ടി വന്നേക്കുമെന്നാണ് നിയമവൃത്തങ്ങളെ ഉദ്ധരിച്ച് ബിസിനസ് സ്റ്റാര്ഡേര്ഡ് റിപ്പോര്ട്ട് ചെയ്യുന്നത്.
ടാറ്റ സണ്സില് 18.4 ശതമാനം ഓഹരി പങ്കാളിത്തമാണ് എസ്പി ഗ്രൂപ്പിനുള്ളത്. ഇതിന് 1.78 ട്രില്യണ് രൂപയാണ് മൂല്യം കല്പ്പിക്കുന്നത്.
ടാറ്റ ബ്രാന്ഡിന്റെ മൂല്യം 20 ബില്യണ് ഡോളറാണെന്നാണ് ഏറ്റവും പുതിയ വാല്യുവേഷന് കണക്കുകള് ചൂണ്ടിക്കാട്ടുന്നത്. ഈ ബ്രാന്ഡ് വാല്യുവിന് അനുസരിച്ച്, തങ്ങളുടെ ഓഹരി പങ്കാളിത്തത്തിന് തത്തുല്യമായ മൂല്യം ലഭിക്കാനുള്ള പദ്ധതിയാണ് മിസ്ട്രി സമര്പ്പിച്ചിരിക്കുന്നത്. മിസ്ട്രി കുടുംബത്തിന്റെ ഓഹരികള് തിരിച്ചുവാങ്ങാമെന്ന് സുപ്രിംകോടതിയില് വ്യക്തമാക്കിയ ടാറ്റ, മിസ്ട്രിയുടെ പുതിയ പദ്ധതിയോടുള്ള പ്രതികരണം പുറത്തുവിട്ടിട്ടില്ല. കോടതിയില് ഇക്കാര്യത്തെ കുറിച്ചുള്ള മറുപടി നല്കുമെന്നാണ് ടാറ്റയോട് അടുത്ത വൃത്തങ്ങളെ ഉദ്ധരിച്ച് ദേശീയ മാധ്യമങ്ങള് റിപ്പോര്ട്ട് ചെയ്യുന്നത്.
ഡെയ്ലി ന്യൂസ് അപ്ഡേറ്റുകള്, Podcasts, Videos എന്നിവ നിങ്ങളുടെ ഫോണിൽ ലഭിക്കാൻ join Dhanam Telegram Channel – https://t.me/dhanamonline
Dhanam YouTube Channel – youtube.com/dhanammagazine
Read DhanamOnline in English
Subscribe to Dhanam Magazine