സംസ്ഥാനത്ത് ഏപ്രില് ഒന്നു മുതല് ഹോട്ടല് ജീവനക്കാര്ക്ക് ഹെല്ത്ത് കാര്ഡ് നിര്ബന്ധമാണെന്ന് മന്ത്രി വീണ ജോര്ജ്. ഇത് എടുക്കുന്നതിനായി നേരത്തെ രണ്ടുതവണ തീയതി നീട്ടിനല്കിയിരുന്നു. സംസ്ഥാനത്ത് ഭക്ഷണം പാകം ചെയ്യുന്നതും വിതരണം ചെയ്യുന്നതും വില്പന നടത്തുന്നതുമായ എല്ലാ സ്ഥാപനങ്ങളിലേയും ഭക്ഷ്യവസ്തുക്കള് കൈകാര്യം ചെയ്യുന്ന എല്ലാ ജീവനക്കാരും ഹെല്ത്ത് കാര്ഡ് എടുക്കണം. ഇത് എടുക്കാത്തവര്ക്കെതിരേ ഒന്നാം തീയതി മുതല് നടപടി സ്വീകരിക്കും.
ലഭിക്കുന്നത് ഇങ്ങനെ
എല്ലാ രജിസ്ട്രേഡ് മെഡിക്കല് പ്രാക്ടീഷണര്മാര്ക്കും ആവശ്യമായ പരിശോധനകള് നടത്തി ഹെല്ത്ത് കാര്ഡ് നല്കാം. സര്ട്ടിഫിക്കറ്റില് ഡോക്ടറുടെ ഒപ്പും സീലും ഉണ്ടായിരിക്കണം. ഒരു വര്ഷമാണ് ഹെല്ത്ത് കാര്ഡിന്റെ കാലാവധി. ഹെല്ത്ത് കാര്ഡ് ലഭിക്കാന് ആരോഗ്യവകുപ്പ് നിര്ദേശിച്ച ടൈഫോയ്ഡ് വാക്സിന് കിട്ടാനില്ലാത്തതും തീയതി നീട്ടാന് കാരണമായി.
ഹെല്ത്ത് കാര്ഡ് നല്കുന്നതിന് ടൈഫോയ്ഡ് വാക്സിന്, വിരശല്യത്തിനുള്ള ഗുളിക എന്നിവ നിര്ബന്ധമായും സ്വീകരിക്കണമെന്ന് ആരോഗ്യവകുപ്പ് ഡയറക്ടറുടെ ഉത്തരവില് വ്യക്തമാക്കിയിരുന്നു. കാരുണ്യ ഫാര്മസികള് വഴി കുറഞ്ഞ വിലയില് ടൈഫോയ്ഡ് വാക്സിന് ലഭ്യമാക്കിയതായി ആരോഗ്യ വകുപ്പ് അറിയിച്ചു.
Read DhanamOnline in English
Subscribe to Dhanam Magazine