പുതിയ തന്ത്രങ്ങളുമായി ഇന്ത്യയിലെ ആദ്യത്തെ സ്വർണാഭരണ ഓംനി ചാനൽ കമ്പനി

രാജ്യത്തെ ആദ്യ സ്വർണാഭരണ ഓംനി ചാനൽ (omni channel) കമ്പനിയായ കാരറ്റ് ലെയിൻ (CaratLane) പുതിയ തന്ത്രങ്ങൾ ആവിഷ്കരിച്ച് വിപണിയിൽ മുന്നേറ്റം നടത്തുകയാണ്. 2022 -23 ആദ്യ പാദത്തിൽ വരുമാനം 204 % വർധിച്ച് 483 കോടി രൂപയായി. അറ്റാദായം 5.5 % വർധിച്ച് 26.7 കോടി രൂപ. നികുതിക്കും, പലിശക്കും മുൻപുള്ള ആദായം 34 കോടി രൂപ. അന്താരാഷ്ട്ര ബിസിനസിൽ നിന്നുള്ള വരുമാനം 1.6 ദശലക്ഷം യു എസ് ഡോളർ -അതിൽ 95 % ബിസിനസും അമേരിക്കയിൽ നിന്ന്.

ഓംനി ചാനൽ വ്യാപാരം എന്നാൽ ഓൺലൈൻ -ഓഫ്‌ലൈൻ ബിസിനസിന് ഒരു പോലെ പ്രാധാന്യം നൽകുന്ന സമ്പ്രദായമാണ്. ആദ്യ പാദത്തിൽ 5 പുതിയ റീറ്റെയ്ൽ ഔട്ട് ലെറ്റുകൾ ആരംഭിച്ചു. മൊത്തം സ്റ്റോറുകളുടെ എണ്ണം 53 നഗരങ്ങളിലായി 143 എണ്ണമായി. മൊത്തം വിസ്തീർണം 1.42 ലക്ഷം ചതുരശ്ര അടി.

പുതിയ തന്ത്രങ്ങൾ

• ഡൽഹിയിൽ കുട്ടികൾക്ക് കാത് കുത്തൽ സേവനങ്ങൾ ആരംഭിച്ചു. പ്രാരംഭ പ്രതികരണം മികച്ചതാണ്.

• പിറന്നാൾ, വാർഷിക ആഘോഷങ്ങൾക്ക് സമ്മാനമായി നൽകാൻ കഴിയുന്ന വിവിധ തരം ചെറിയ ആഭരണങ്ങൾ പുറത്തിറക്കി.
• ആദ്യ ശമ്പളത്തിന് സമ്മാനം നൽകുന്നത് പ്രോത്സാഹിപ്പിക്കാൻ #MyFirstSalary എന്ന ഹാഷ് ടാഗ് പ്രചാരണം ട്വിറ്ററിൽ ജനപ്രീതിയിൽ ദേശിയമായി രണ്ടാം സ്ഥാനം നേടി (2.5 ദശലക്ഷം പേർ വീക്ഷിച്ചു, ഇടപഴകൽ നിരക്ക് (engagement rate ) 1.4 %.
• ഉത്സവ കാലത്തേക്ക് 200 പുതിയ ആഭരണ ഡിസൈനുകൾ പുറത്തിറക്കി- നെക് വെയർ സ്റ്റഡ്സ്‌ എന്നിവക്ക് എന്നിവയ്ക്ക് പ്രാമുഖ്യം.
• ശായ എന്ന ബ്രാൻഡിൽ കൈ കൊണ്ട് നിർമിച്ച വെള്ളി ആഭരണങ്ങൾ വിപണനം ചെയ്യുന്നു. അതിൽ നിന്നുള്ള വരുമാനം 122 ശതമാനം വർധിച്ച് 7.2 കോടി രൂപ യായി. ശായ യുടെ 13 സ്റ്റോറുകൾ പ്രവർത്തിക്കുന്നുണ്ട്.