സീറോധ മ്യൂച്വല്ഫണ്ട് പുതിയ ഗോള്ഡ് എക്സ്ചേഞ്ച് ട്രേഡഡ് ഫണ്ട് (ഇ.ടി.എഫ്) അവതരിപ്പിച്ചു. സ്വര്ണത്തില് നിക്ഷേപിക്കാനാഗ്രഹിക്കുന്നവര്ക്ക് പ്രയോജനപ്പെടുത്താവുന്ന ഓപ്പണ് എന്ഡഡ്, ലോ-കോസ്റ്റ് ഇ.ടി.എഫാണ് സീറോധ ഗോള്ഡ് ഇ.ടി.എഫ്. ഇന്ന് ആരംഭിച്ച ന്യൂഫണ്ട് ഓഫര് 24ന് അവസാനിക്കും.
എന്.എഫ്.ഒ പ്രകാരമുള്ള യൂണിറ്റുകള് അലോട്ട് ചെയ്ത് അഞ്ച് വ്യാപാരദിനങ്ങള്ക്ക് ശേഷം നേരിട്ട് എക്സ്ചേഞ്ചുകള് വഴി ഗോള്ഡ് ഇ.ടി.എഫ് വാങ്ങാനാകും. മാര്ച്ച് ഒന്നിനാണ് ഫണ്ട് എന്.എസ്.ഇയിലും ബി.എസ്.ഇയിലും ലിസ്റ്റ് ചെയ്യുക.
ഫണ്ടിന്റെ നിക്ഷേപം
ഭൗതിക രൂപത്തിലുള്ള സ്വര്ണത്തിന്റെ വിലയ്ക്ക് ആനുപാതികമായ നേട്ടമാണ് ഫണ്ട് ലക്ഷ്യമിടുന്നത്. സീറോധ ഗോള്ഡ് ഇ.ടി.എഫിന്റെ 95-100 ശതമാനവും ഭൗതിക സ്വര്ണത്തിലും സ്വര്ണ അനുബന്ധ മാര്ഗങ്ങളിലുമാണ് നിക്ഷേപിക്കുന്നത്. 5 ശതമാനം വരെ മണിമാര്ക്കറ്റ്, കാഷ് അധിഷ്ഠിത മാര്ഗങ്ങളിലും നിക്ഷേപിക്കുന്നു.
ഏറ്റവും കുറഞ്ഞ നിക്ഷേപം
ഗോള്ഡ് ഇ.ടി.എഫില് നിക്ഷേപിക്കാവുന്ന ഏറ്റവും കുറഞ്ഞതുക 500 രൂപ. തുടര്ന്ന് 100ന്റെ ഗുണിതങ്ങളായി നിക്ഷേപിക്കാം. 6,30,000 യൂണിറ്റ് വരെയാണ് നിക്ഷേപം. പദ്ധതിയില് നിന്ന് പുറത്തുകടക്കാന് എക്സിറ്റ് ലോഡ് ഇല്ല. ലിസ്റ്റിംഗിനു ശേഷം എക്സ്ചേഞ്ച് വഴി എറ്റവും കുറഞ്ഞത് ഒരു യൂണിറ്റ് മുതല് വാങ്ങാം. ഇ.ടി.എഫിന്റെ അറ്റ ആസ്തി മൂല്യം (NAV) 10 രൂപയാണ്.
ഗോള്ഡ് ഇ.ടി.എഫുകള്ക്ക് അടുത്ത കാലാത്തായി സ്വീകാര്യത വര്ധിക്കുന്നുണ്ട്. ജനുവരിയില് 657 കോടി രൂപയുടെ നിക്ഷേപമാണ് ഗോള്ഡ് ഇ.ടി.എഫിലേക്കെത്തിയത്. മുന് മാസത്തെ അപേക്ഷിച്ച് ഏഴ് മടങ്ങ് വളര്ച്ചയാണ് നിക്ഷേപത്തിലുണ്ടായിരിക്കുന്നതെന്ന് അസോസിയേഷന് ഓഫ് മ്യൂച്വല് ഫണ്ട്സ് ഇന് ഇന്ത്യയുടെ കണക്കുകള് വ്യക്തമാക്കുന്നു.
(Equity investing is subject to market risk. Always do your own research or consult a financial expert before investing)
Read DhanamOnline in English
Subscribe to Dhanam Magazine