അമേരിക്കയിലെയും യൂറോപ്പിലെയും ബാങ്കിംഗ് പ്രതിസന്ധികളുടെ പശ്ചാത്തലത്തില് ക്രിപ്റ്റോകറന്സികളിലേക്ക് വന്തോതില് നിക്ഷേപമൊഴുകുന്നു. ഓഹരികളില് നിക്ഷേപിച്ചവര്, സുരക്ഷിത നിക്ഷേപമെന്നോണം ക്രിപ്റ്റോകറന്സികളിലേക്കും മറ്റും നിക്ഷേപം മാറ്റുകയാണ്.
ഏറ്റവും സ്വീകാര്യതയുള്ള ക്രിപ്റ്റോകറന്സിയായ ബിറ്റ്കോയിന്റെ വില ഇന്നലെ 9 മാസത്തെ ഉയരമായ 28,474 ഡോളറിലെത്തി (ഏകദേശം 23.34 ലക്ഷം രൂപ). കഴിഞ്ഞയാഴ്ച ബിറ്റ്കോയിന്റെ മൂല്യം 26 ശതമാനം ഉയര്ന്നിരുന്നു; കഴിഞ്ഞ 10 ദിവസത്തെ മാത്രം നേട്ടം 35 ശതമാനമാണ്.
സ്വീകാര്യതയില് രണ്ടാമതുള്ള ക്രിപ്റ്റോകറന്സിയായ എതറിന്റെ മൂല്യം 7 മാസത്തെ ഉയരത്തിലെത്തി. ഇന്നലെ മൂല്യം 1846.50 ഡോളറായിരുന്നു (1.51 ലക്ഷം രൂപ).
Read DhanamOnline in English
Subscribe to Dhanam Magazine