കേരളത്തില് അഞ്ച് ദിവസം മാറ്റമില്ലാതെ തുടര്ന്ന സ്വര്ണ വിലയില് ഇന്ന് നേരിയ കുറവ്. ഗ്രാമിന് 10 രൂപ കുറഞ്ഞ് 5,770 രൂപയും പവന് 80 രൂപ കുറഞ്ഞ് 46,160 രൂപയുമായി.
ഈ മാസത്തെ ഏറ്റവും ഉയര്ന്ന സ്വര്ണ വില ജനുവരി രണ്ടിനായിരുന്നു. പവന് 47,000 രൂപയും ഗ്രാമിന് 5,875 രൂപയുമായിരുന്നു അന്ന്.
ജനുവരി 18ന് ആയിരുന്നു ഏറ്റവും കുറഞ്ഞ വില ഗ്രാമിന് 5,740 രൂപയും പവന് 45,920 രൂപയുമായിരുന്നു അന്ന്. ആഗോള വിപണിയിലെ വില ചാഞ്ചാട്ടങ്ങള്ക്കൊപ്പമാണ് കേരളത്തിലെ സ്വര്ണ വിലയിലും പ്രകടമായ മാറ്റങ്ങളുണ്ടായത്.
ആഗോള വിപണി
ഇന്നലെ 2,013 ഡോളറില് താഴ്ന്ന് വ്യാപാരമവസാനിപ്പിച്ച സ്പോട്ട് സ്വര്ണ വില നേരിയ നേട്ടത്തിലാണ് വ്യാപാരം തുടരുന്നത്. നിലവില് 2,015.6 ഡോളറിലാണ് സ്പോട്ട് സ്വര്ണ വില നില്ക്കുന്നത്.
18 കാരറ്റും വെള്ളിയും
ഇന്ന് 18 കാരറ്റ് സ്വര്ണ വിലയിലും നേരിയ ഇടിവുണ്ടായി. അഞ്ച് രൂപ കുറഞ്ഞ് ഗ്രാമിന് 4,775 രൂപയാണ് വില. വെള്ളി വില ഏതാനും ദിവസങ്ങളായി മാറ്റമില്ലാതെ തുടരുന്നു, ഗ്രാമിന് 77 രൂപ.
Read DhanamOnline in English
Subscribe to Dhanam Magazine