ഒരു ഓഹരിയിൽ ₹270 വരെ ലാഭവിഹിതം കിട്ടും; ഈയാഴ്ച വമ്പൻ ഡിവിഡന്റ് നൽകുന്ന 21 ഓ​ഹരികൾ

ആകർഷകമായ നിലവാരത്തിൽ ഡിവിഡന്റ് (ലാഭവിഹിതം) പ്രഖ്യാപിച്ചിട്ടുള്ള ഏതാനും പ്രമുഖ ലി​സ്റ്റഡ് കമ്പനികളുടെ എക്സ്-ഡിവിഡന്റ് തീയതി (Ex-dividend date) ഈ വ്യാപാര ആഴ്ചയിൽ (ഓ​ഗ​സ്റ്റ് 3-7) കടന്നുവരികയാണ്. നിശ്ചിത തീയതിക്ക് മുൻപ് ഓഹരികൾ വാങ്ങുന്നവർക്കോ റെക്കോഡ് തീയതിയിൽ ഓഹരികൾ കൈവശമുള്ളവർക്കോ ഈ ഡിവിഡന്റിന് അർഹതയുണ്ടാകുക. പോർട്ട്ഫോളിയോയിൽ നിന്നും ഒരു അധികവരുമാനം നേടണമെന്ന് ആഗ്രഹിക്കുന്നവർക്ക് മുടങ്ങാതെ ഡിവിഡന്റ് ലഭിക്കുന്ന ഓഹരികൾ പ്രയോജനപ്പെടും.

ഈ ആഴ്ചയിൽ മൊത്തം 95-ലധികം ​കമ്പനികളാണ് നിക്ഷേപകർക്ക് ഡിവിഡന്റ് വിതരണം ചെയ്യുന്നത്. ഇതിൽ 3 കമ്പനികളാകട്ടെ പ്രതിയോഹരി ലാഭവിഹിതമായി 100 രൂപയിലധികമുള്ള തുകയാണ് നൽകുന്നത്. ഈയാഴ്ചയിൽ 10 രൂപയിലധികം പ്രതിയോ​ഹരി ഡിവിഡന്റ് നൽകുന്ന 21 ഓഹരികളുടെ വിശദാംശങ്ങൾ നോക്കാം.

ഡിവിഡന്റ് - 100 രൂപയിലധികമുള്ള ഓഹരികൾ

• ബോഷ്: ജർമ്മൻ ബഹുരാഷ്ട്ര എൻജിനീയറിങ് & ടെക്നോളജി കമ്പനിയായ ബോഷ് (BSE: 500530, NSE: BOSCHLTD) ഫൈനൽ ഡിവിഡന്റ് ഇനത്തിൽ പ്രതിയോഹരി 270 രൂപ വീതമാണ് നിക്ഷേപകർക്ക് നൽകാൻ പോകുന്നത്. ഇതിനുള്ള റെക്കോഡ് തീയതി ഓ​ഗ​സ്റ്റ് 4 ആണ്. താരതമ്യേന ഉയർന്ന നിലയിൽ എല്ലാ വർഷവും മികച്ച പ്രതിയോഹരി ഡിവിഡന്റ് കൈമാറുന്ന ഓഹരിയുമാണിത്.

• ദിശ ഇന്ത്യ: വിവിധതരം വ്യാവസായിക ഉപകരണങ്ങൾ നിർമിക്കുന്ന പ്രമുഖ സ്മോൾ ക്യാപ് കമ്പനിയാണ് ദിശ ഇന്ത്യ ലിമിറ്റഡ് (BSE: 500068, NSE: DISAQ). ഫൈനൽ ഡിവി‍ഡന്റ് ആയി ഓഹരിയൊന്നിന് 200 രൂപ വീതമാണ് നിക്ഷേപകർക്ക് കൈമാറാൻ പോകുന്നത്. ഇതിന്റെ ഭാ​ഗമായുള്ള റെക്കോഡ് തീയതി ഓ​ഗ​സ്റ്റ് 5 ആണ്. സമീപകാലത്ത് ദിശ ഇന്ത്യയുടെ ഡിവിഡന്റ് തുകയിൽ ക്രമാനു​ഗത വർധന പ്രകടനമാണ്.

• മാരുതി സുസൂക്കി: രാജ്യത്തെ ഏറ്റവും വലിയ യാത്രാവാഹന നിർമാതാക്കളാണ് മാരുതി സുസൂക്കി ഇന്ത്യ ലിമിറ്റഡ് (BSE: 532500, NSE: MARUTI). ഫൈനൽ ഡിവി‍ഡന്റ് ഇനത്തിൽ പ്രതിയോഹരി 140 രൂപ വീതമാണ് നിക്ഷേപകർക്ക് നൽകാൻ പോകുന്നത്. ഇതിനുള്ള റെക്കോ‍‍‍ഡ് തീയതി ഓ​ഗ​സ്റ്റ് 7 ആണ്. സമീപകാലത്ത് പ്രതിയോഹരി ഡിവി‍ഡ‍ന്റ് തുകയിൽ വളർച്ച പ്രകടമാണ്.

ഡിവിഡന്റ്: 50 മുതൽ 100 രൂപ വരെ നൽകുന്ന ഓഹരികൾ

• ബേയർ ക്രോപ്സയൻസ് (Bayer Cropscience Ltd) — പ്രതിയോഹരി 60 രൂപ വീതം ഫൈനൽ ഡിവിഡന്റ് നൽകുന്നു. ഇതിനുള്ള റെക്കോഡ് ഓ​ഗ​സ്റ്റ് 5 ആണ്. ഒരു സാമ്പത്തിക വർഷത്തിനിടെ ഒന്നിലധികം തവണ ഡിവി‍ഡന്റ് നൽകുന്ന ഓഹരിയുമാണിത്.

• ലുമാക്സ് ഇൻഡസ്ട്രീസ് (Lumax Industries Ltd) — ഓഹരിയൊന്നിന് 55 രൂപ വീതം ഫൈനൽ ഡിവിഡന്റ് നൽകുന്നു. ഇതിനുള്ള റെക്കോഡ് ഓ​ഗ​സ്റ്റ് 6 ആണ്.

• ചെന്നൈ പെട്രോളിയം (Chennai Petroleum Corporation Ltd) — പ്രതിയോഹരി 54 രൂപ വീതം ഫൈനൽ ഡിവിഡന്റ് നൽകുന്നു. ഇതിനുള്ള റെക്കോഡ് ഓ​ഗ​സ്റ്റ് 7 ആണ്.

ഡിവിഡന്റ്: 10 മുതൽ 50 രൂപ വരെ നൽകുന്ന ഓഹരികൾ

• ഐ.സി.ഐ.സി.ഐ ബാങ്ക് — 12 രൂപ ഡിവിഡന്റ് — ഓ​ഗസ്റ്റ് 3-ന് റെക്കോഡ് തീയതി

• ലക്ഷ്മി എൻജിനീയറിങ് & വെയർഹൗസിങ് — 10 രൂപ ഡിവിഡന്റ് — ഓ​ഗസ്റ്റ് 3-ന് റെക്കോഡ് തീയതി

• ടി.സി.പി.എൽ പാക്കേജിങ് — 25 രൂപ ഡിവിഡന്റ് — ഓ​ഗസ്റ്റ് 4-ന് റെക്കോഡ് തീയതി

• അജന്ത ഫാർമ — 32 രൂപ ഡിവിഡന്റ് — ഓ​ഗസ്റ്റ് 5-ന് റെക്കോഡ് തീയതി

• ഹ്യുണ്ടായ് മോട്ടോ‌ർ ഇന്ത്യ — 21 രൂപ ഡിവിഡന്റ് — ഓ​ഗസ്റ്റ് 5-ന് റെക്കോഡ് തീയതി

• ​ഗാന്ധി സ്പെഷ്യൽ ടൂബ്സ് — 15 രൂപ ഡിവിഡന്റ് — ഓ​ഗസ്റ്റ് 5-ന് റെക്കോഡ് തീയതി

• ​ഗുഡീയർ ഇന്ത്യ — 26.50 രൂപ ഡിവിഡന്റ് — ഓ​ഗസ്റ്റ് 5-ന് റെക്കോഡ് തീയതി

• ഓട്ടോമോട്ടീവ് ആക്സിൽസ് — 32 രൂപ ഡിവിഡന്റ് — ഓ​ഗസ്റ്റ് 5-ന് റെക്കോഡ് തീയതി

• ടേ​സ്റ്റി ബൈറ്റ് ഈറ്റബിൾസ് — 10 രൂപ ഡിവിഡന്റ് — ഓ​ഗസ്റ്റ് 6-ന് റെക്കോഡ് തീയതി

• റാണെ ഹോൾഡിം​ഗ്സ് — 47 രൂപ ഡിവിഡന്റ് — ഓ​ഗസ്റ്റ് 6-ന് റെക്കോഡ് തീയതി

• ജാഷ് ​ഗേജിം​ഗ് ടെക്നോളജീസ് — 10 രൂപ ഡിവിഡന്റ് — ഓ​ഗസ്റ്റ് 7-ന് റെക്കോഡ് തീയതി

• അവന്തി ഫീഡ്സ് — 10 രൂപ ഡിവിഡന്റ് — ഓ​ഗസ്റ്റ് 7-ന് റെക്കോഡ് തീയതി

• വീനസ് റെമഡീസ് — 10 രൂപ ഡിവിഡന്റ് — ഓ​ഗസ്റ്റ് 7-ന് റെക്കോഡ് തീയതി

• യുണൈറ്റഡ് ബ്രുവറീസ് — 10 രൂപ ഡിവിഡന്റ് — ഓ​ഗസ്റ്റ് 7-ന് റെക്കോഡ് തീയതി

• പി.ഐ ഇൻഡസ്ട്രീസ് — 10 രൂപ ഡിവിഡന്റ് — ഓ​ഗസ്റ്റ് 7-ന് റെക്കോഡ് തീയതി

• ​ഗ്രാസിം ഇൻഡസ്ട്രീസ് — 10 രൂപ ഡിവിഡന്റ് — ഓ​ഗസ്റ്റ് 7-ന് റെക്കോഡ് തീയതി

(Disclaimer: പഠനാവശ്യം മുന്‍നിര്‍ത്തി പങ്കുവെക്കുന്ന ഈ വിവരങ്ങള്‍ നിക്ഷേപ തീരുമാനങ്ങള്‍ക്കുള്ള ശുപാര്‍ശയല്ല. ഓഹരി നിക്ഷേപം വിപണിയുടെ ലാഭനഷ്ട സാധ്യതകള്‍ക്ക് വിധേയമായതിനാല്‍ നിക്ഷേപത്തിന് മുമ്പ് സ്വന്തം നിലയില്‍ കമ്പനിയെ കുറിച്ച് കൂടുതല്‍ പഠിക്കുകയോ, സെബി (SEBI) അംഗീകൃത സാമ്പത്തിക വിദഗ്ധരുടെ സേവനം തേടുകയോ ചെയ്യേണ്ടതുണ്ട്.)