പുതിയ വ്യാപാര ആഴ്ചയിൽ (2026 ജൂലൈ 20-24) 83 ലിസ്റ്റഡ് കമ്പനികളാണ് ഡിവിഡന്റ് കൈമാറുന്നതിനുള്ള റെക്കോഡ് തീയതികൾ നിശ്ചയിച്ചിരിക്കുന്നത്. ആബട്ട് ഇന്ത്യയുടെ ഓഹരിയൊന്നിന് ₹656 എന്ന ബമ്പർ ഡിവിഡന്റ് ആണ് മുഖ്യ ആകർഷണം. ഹോക്കിൻസ് കുക്കേഴ്സ്, ഇക്ര, വോൾട്ടാമ്പ് ട്രാൻസ്ഫോർമേഴ്സ്, ഹീറോ മോട്ടോകോർപ് തുടങ്ങിയ മുൻനിര ഓഹരികളും ഉയർന്ന ഡിവിഡന്റ് പ്രഖ്യാപിച്ചിട്ടുണ്ട്.
ഇന്ത്യൻ ഓഹരി വിപണിയിൽ 2026 ജൂലൈ 20 മുതൽ 24 വരെയുള്ള വരുന്ന വ്യാപാര ആഴ്ചയിൽ ലാഭവിഹിതം (Dividend) നൽകാനായി 83 ലിസ്റ്റഡ് കമ്പനികളാണ് റെക്കോഡ് തീയതികൾ നിശ്ചയിച്ചിരിക്കുന്നത്. ഇക്കൂട്ടത്തിൽ 15 കമ്പനികൽ നൽകുന്ന പ്രതിയോഹരി ഡിവിഡന്റ് തുക 10 രൂപയിലധികമാണ്. ബഹുരാഷ്ട്ര ഫാർമ കമ്പനിയായ ആബട്ട് ഇന്ത്യ (BSE: 500488, NSE: ABBOTINDIA) പ്രഖ്യാപിച്ച പ്രതിയോഹരി 656 രൂപ എന്ന ബമ്പർ ഡിവിഡന്റാണ് പുതിയ വ്യാപാര ആഴ്ചയിലെ മുഖ്യ ആകർഷണം.
ഹോക്കിൻസ് കുക്കേഴ്സ് (BSE: 508486, NSE: HAWKINCOOK), ഇക്ര (BSE: 532835, NSE: ICRA), വോൾട്ടാമ്പ് ട്രാൻസ്ഫോർമേഴ്സ് (BSE: 532757, NSE: VOLTAMP) എന്നിവയും ഉയർന്ന തുക നൽകുന്ന ഡിവിഡന്റ് ഓഹരികളുടെ പട്ടികയിലുണ്ട്. ലാഭവിഹിതത്തിനുള്ള അർഹത നേടാൻ നിക്ഷേപകർ റെക്കോഡ് തീയതിക്ക് (Record Date) ഒരുദിവസം മുൻപേയെങ്കിലും ഓഹരികൾ വാങ്ങുകയോ കൈവശമുള്ള ഓഹരികളാണെങ്കിൽ റെക്കോഡ് തീയതി കഴിയുന്നതു വരെയോ സൂക്ഷിക്കേണ്ടതുണ്ട്.
ആബട്ട് ഇന്ത്യ ലിമിറ്റഡ്: പ്രതിയോഹരി 656 രൂപ വീതമാണ് ഈ കമ്പനി ഡിവിഡന്റ് ഇനത്തിൽ നൽകുന്നത്. ഇതിൽ 131 രൂപയുടെ സ്പെഷ്യൽ ഡിവിഡന്റും 525 രൂപയുടെ ഫൈനൽ ഡിവിഡന്റും ഉൾപ്പെടുന്നു. റെക്കോഡ് തീയതി: ജൂലൈ 24.
ഹോക്കിൻസ് കുക്കേഴ്സ് ലിമിറ്റഡ്: പ്രതിയോഹരി 140 രൂപ വീതം ഫൈനൽ ഡിവിഡന്റ് ആയി ൽകുന്നു. റെക്കോഡ് തീയതി: ജൂലൈ 22.
ഇക്ര ലിമിറ്റഡ്: മൊത്തം 105 രൂപയാണ് പ്രതിയോഹരി ലാഭവിഹിതമായി കൈമാറുന്നത്. ഇതിൽ 35 രൂപയുടെ സ്പെഷ്യൽ ഡിവിഡന്റും 70 രൂപയുടെ ഫൈനൽ ഡിവിഡന്റും അടങ്ങിയിരിക്കുന്നു. റെക്കോഡ് തീയതി: ജൂലൈ 23.
വോൾട്ടാമ്പ് ട്രാൻസ്ഫോർമേഴ്സ്: ഓഹരിയൊന്നിന് 100 രൂപ വീതം ഫൈനൽ ഡിവിഡന്റ് ആയി നൽകുന്നു. റെക്കോഡ് തീയതി: ജൂലൈ 24.
വരുന്ന ആഴ്ചയിൽ ഈ വിഭാഗത്തിലെ ഡിവിഡന്റ് ഓഹരികളിൽ, രാജ്യത്തെ ഏറ്റവും വലിയ ഇരുചക്ര വാഹന നിർമ്മാതാക്കളായ ഹീറോ മോട്ടോകോർപ് (BSE: 500182, NSE: HEROMOTOCO) മാത്രമാണ് ഇടം നേടിയിട്ടുള്ളത്. പ്രതിയോഹരി 75 രൂപ വീതമാണ് ഫൈനൽ ഡിവിഡന്റ് പ്രഖ്യാപിച്ചിട്ടുള്ളത്. കഴിഞ്ഞ ഉത്സവ സീസണിലെ മികച്ച വരുമാനം നേടിയതിന്റെ പാരിതോഷികമായാണ് ഓഹരി ഉടമകൾക്ക് ഈ ഉയർന്ന പേഔട്ട് നൽകുന്നത്. ഡിവിഡന്റ് കൈമാറുന്നതിന്റെ ഭാഗമായുള്ള റെക്കോഡ് തീയതി ജൂലൈ 24 ആണ്.
എല്ലാ വർഷവും മുടങ്ങാതെ താരതമ്യേന ഉയർന്ന പ്രതിയോഹരി ലാഭവിഹിതം കൈമാറുന്ന ഹീറോ മോട്ടോകോർപിന്റെ നിലവിലെ ഡിവിഡന്റ് യീൽഡ് 3.77 ശതമാനമാണ്. ആകർഷകമായ നിരക്കാണിത്.
ടെലികോം, കെമിക്കൽസ്, അസറ്റ് മാനേജ്മെന്റ്, ഫാർമ തുടങ്ങിയ വിവിധ മേഖലകളിൽ നിന്നുള്ള പ്രമുഖ ഓഹരികൾ ഈ പരിധിയിലുള്ള ലാഭവിഹിതം നൽകുന്നുണ്ട്.
ഫിയം ഇൻഡസ്ട്രീസ് (₹40), ഇന്തോ ബോറാക്സ് & കെമിക്കൽസ് (₹40 = സ്പെഷ്യൽ ഡിവിഡന്റ് ₹30 + ഫൈനൽ ഡിവിഡന്റ് ₹10), ന്യൂലാൻഡ് ലബോറട്ടറീസ് (₹34), ഡിവിസ് ലാബ്സ് (₹30), ആദിത്യ ബിർള സൺ ലൈഫ് എ.എം.സി (₹25.5), ഇസാബ് ഇന്ത്യ (₹25), എൽസിഡ് ഇൻവെസ്റ്റ്മെന്റ്സ് (₹25), ഭാരതി എയർടെൽ (₹24), തങ്കമയിൽ ജ്വല്ലറി (₹18), സാസ്കെൻ ടെക്നോളജീസ് (₹13), ക്രവാറ്റെക്സ് (₹13), ബിർള കോർപ്പറേഷൻ (₹12.5), ഡാറ്റാ പാറ്റേൺസ് ഇന്ത്യ (₹10).
ഉയർന്ന ഡിവിഡന്റ് തുക കണ്ട് മാത്രം ഒരു ഓഹരിയിൽ നിക്ഷേപിക്കരുത്. അത് ഓഹരി വിലയുമായി (Dividend Yield) താരതമ്യം ചെയ്യണം. എക്സ്-ഡിവിഡന്റ് തീയതി (Ex-Dividend Date) കൃത്യമായി ട്രാക്ക് ചെയ്യുക, കാരണം ഈ തീയതിക്ക് ശേഷം ഓഹരി വിലയിൽ ഡിവിഡന്റ് തുകയ്ക്ക് തുല്യമായ കുറവുണ്ടാകാറുണ്ട്.
കൂടാതെ അബോട്ട് ഇന്ത്യ, ഇക്ര എന്നിവ നൽകുന്നതു പോലെയുള്ള സ്പെഷ്യൽ ഡിവിഡന്റുകൾ, കമ്പനികളുടെ കൈവശം അധികമായി എത്തിച്ചേരുന്ന പണം ഓഹരി ഉടമകൾക്ക് വിതരണം ചെയ്യുന്നതിന്റെ ഭാഗമായുള്ള നടപടിയാണ്, അത് എല്ലാ വർഷവും തുടരണമെന്നില്ല. അതിനാൽ ഡിവിഡന്റ് വരുമാനത്തിനൊപ്പം കമ്പനിയുടെ അടിസ്ഥാന സാമ്പത്തിക ഭദ്രതയും (Fundamentals) വളർച്ചാ സാധ്യതയും വിലയിരുത്തി വേണം നിക്ഷേപ തീരുമാനം എടുക്കേണ്ടത്.
(Disclaimer: പഠനാവശ്യം മുന്നിര്ത്തി പങ്കുവെക്കുന്ന ഈ വിവരങ്ങള് നിക്ഷേപ തീരുമാനങ്ങള്ക്കുള്ള ശുപാര്ശയല്ല. ഓഹരി നിക്ഷേപം വിപണിയുടെ ലാഭനഷ്ട സാധ്യതകള്ക്ക് വിധേയമായതിനാല് നിക്ഷേപത്തിന് മുമ്പ് സ്വന്തം നിലയില് കമ്പനിയെ കുറിച്ച് കൂടുതല് പഠിക്കുകയോ, സെബി (SEBI) അംഗീകൃത സാമ്പത്തിക വിദഗ്ധരുടെ സേവനം തേടുകയോ ചെയ്യേണ്ടതുണ്ട്.)
Read DhanamOnline in English
Subscribe to Dhanam Magazine