അമേരിക്ക-ഇറാൻ യുദ്ധത്തെത്തുടർന്നുണ്ടായ ആഗോള ഭൗമരാഷ്ട്രീയ സാഹചര്യങ്ങൾ ഇന്ത്യൻ ഓഹരി വിപണിയിൽ വലിയ സമ്മർദമാണ് സൃഷ്ടിച്ചിരിക്കുന്നത്. ഓഹരി വിലയിലുണ്ടാകുന്ന വർദ്ധനവിൽ (Capital gains) അനിശ്ചിതത്വം നിലനിൽക്കുന്ന സാഹചര്യത്തിൽ, കമ്പനികളുടെ ലാഭവിഹിതം അഥവാ ഡിവിഡന്റ് വഴി സ്ഥിരവരുമാനം നേടാന് നിക്ഷേപകർക്ക് താൽപ്പര്യം തോന്നുക സ്വാഭാവികമാണ്. ഉറപ്പായ ഡിവിഡന്റ് യീൽഡ് നൽകുന്ന അഞ്ച് മികച്ച ഓഹരികളാണ് ഇവിടെ പരിശോധിക്കുന്നത്.
വേദാന്ത (Vedanta): 2.6 ലക്ഷം കോടി രൂപയിലധികം വിപണി മൂല്യമുള്ള ഈ കമ്പനി 6.3 ശതമാനം ഡിവിഡന്റ് യീൽഡാണ് നല്കുന്നത്. 2026 സാമ്പത്തിക വർഷത്തിൽ ഇതുവരെ മൂന്ന് തവണയായി ആകെ 34 രൂപ ഡിവിഡന്റ് വേദാന്ത പ്രഖ്യാപിച്ചു.
ആർഇസി (REC): 5.98 ശതമാനം ഡിവിഡന്റ് യീൽഡുള്ള ഈ പൊതുമേഖലാ ഊർജ കമ്പനി, നിലവിലെ സാമ്പത്തിക വർഷത്തിൽ ആകെ 19.60 രൂപ ഡിവിഡന്റായി നൽകിയിട്ടുണ്ട്.
കോൾ ഇന്ത്യ (Coal India): 5.7 ശതമാനം യീൽഡ് നൽകുന്ന ഈ പൊതുമേഖലാ ഭീമൻ 2026 സാമ്പത്തിക വർഷത്തിൽ നാല് തവണയായി ആകെ 26.40 രൂപ ഡിവിഡന്റ് പ്രഖ്യാപിച്ചു.
ഹിന്ദുസ്ഥാൻ സിങ്ക് (Hindustan Zinc): 5.3 ശതമാനം ഡിവിഡന്റ് യീൽഡുള്ള ഈ കമ്പനി കഴിഞ്ഞ 12 മാസത്തിനിടയിൽ ഓഹരിയൊന്നിന് 10 രൂപ വീതം ഡിവിഡന്റ് വിതരണം ചെയ്തു.
ഗെയിൽ ഇന്ത്യ (GAIL India): 5.1 ശതമാനം ഡിവിഡന്റ് യീൽഡുള്ള ഗെയിൽ കഴിഞ്ഞ ഒരു വർഷത്തിനിടയിൽ ഓഹരിയൊന്നിന് 6 രൂപ വീതം ഡിവിഡന്റ് നൽകി.
സുസ്ഥിരമായ ബിസിനസ് മോഡലും മികച്ച പണമൊഴുക്കും (Cash flow) ഉള്ള കമ്പനികളാണ് സാധാരണയായി കൃത്യമായി ഡിവിഡന്റ് നൽകുന്നത്. ഓഹരി വിലകളിൽ ഇടിവുണ്ടാകുമ്പോൾ ഇത്തരം ഡിവിഡന്റ് പേഔട്ടുകൾ നിക്ഷേപകർക്ക് ആശ്വാസകരമായ സുരക്ഷാ കവചമാണ്.
Disclaimer: മേൽസൂചിപ്പിച്ച വിവരങ്ങള് പഠനാവശ്യാർത്ഥം പങ്കുവെച്ചതാണ്. ഓഹരി നിക്ഷേപം വിപണിയുടെ നഷ്ടസാധ്യതകൾക്ക് വിധേയമാണ്. നിക്ഷേപത്തിന് മുൻപ് സ്വന്തം നിലയിൽ കൂടുതൽ പഠിക്കുകയോ അല്ലെങ്കിൽ സെബി അംഗീകൃത സാമ്പത്തിക വിദഗ്ധരുടെ സേവനം തേടുകയോ ചെയ്യാവുന്നതാണ്.
High-dividend yield stocks including Vedanta and Coal India offer stable income opportunities amid market volatility.
Read DhanamOnline in English
Subscribe to Dhanam Magazine