നിത്യ ജീവിതത്തില് നിങ്ങള് സ്ഥിരമായി വാങ്ങുകയും ഉപയോഗിക്കുകയും ചെയ്യുന്ന കമ്പനികളുടെ ഓഹരികള് വിപണിയില് ലഭ്യമാണെങ്കില് നിക്ഷേപത്തിനായി പരിഗണിക്കാം.
വാങ്ങാനുദേശിക്കുന്ന കമ്പനി ഉള്പ്പെടുന്ന വ്യവസായ മേഖല അടുത്ത പത്ത് വര്ഷത്തേക്ക് വളര്ച്ചാ സാധ്യതയുള്ളതാണെന്ന് ഉറപ്പാക്കുക. ഉദാഹരണമായി ഒരു ബാറ്ററി കമ്പനിയുടെ ഓഹരികള് വാങ്ങുന്നതിന് മുമ്പ് ബാറ്ററികളുടെ ഭാവി വിപണന സാധ്യതകള് പരിശോധിക്കുക.
പ്രൊമോട്ടര്മാര്ക്ക് അന്പത് ശതമാനത്തിലധികം ഓഹരി പങ്കാളിത്തമുള്ള കമ്പനികള് തെരഞ്ഞെടുക്കാം. കൂടാതെ പ്രൊമോട്ടര്മാരുടെ പ്രവര്ത്തന പരിചയവും കാര്യപ്രാപ്തി
യും വിലയിരുത്തുന്നത് നന്നായിരിക്കും.
കമ്പനിയുടെ തൊട്ടു മുമ്പുള്ള കുറച്ച് വര്ഷങ്ങളിലെ വില്പ്പനയും ലാഭക്ഷമതയും പരിശോധിക്കുക. സ്ഥിരമായി ലാഭം നേടുന്നതും ലാഭക്ഷമത വര്ധിച്ച് വരുന്നതുമായ കമ്പനികള് തെരഞ്ഞെടുക്കുക.
ദീര്ഘകാല നിക്ഷേപകര്ക്ക് മൂലധന വളര്ച്ചയോടൊപ്പം ലാഭവിഹിതവും ലക്ഷ്യം വെക്കാം. ഇതിനായി കമ്പനിയുടെ മുന്കാല ഡിവിഡന്ഡ് യീല്ഡ്, ഡിവിഡന്ഡ് പേ ഔട്ട്
റേഷ്യോകള് പരിശോധിക്കുക.
അസ്വാഭാവികമായ വ്യതിയാനങ്ങളില്ലാത്തതും വില വര്ദ്ധിച്ച് വരുന്നതുമായ ഓഹരികള് തെരഞ്ഞെടുക്കുക.
ദീര്ഘകാല കടം കുറവുള്ള (Long term debt equity ratio : Below 0.5) കമ്പനികള് തെരഞ്ഞെടുക്കുക.
കമ്പനിയുടെ കുറച്ച് വര്ഷങ്ങളിലെ ഓഹരി-വരുമാന അനുപാതം പരിശോധിച്ച് മികച്ചതാണെന്ന് ഉറപ്പ് വരുത്തുക.
കമ്പനിയുടെ വില-വരുമാന അനുപാതം കമ്പനി ഉള്പ്പെടുന്ന വ്യവസായ മേഖലയുടെ റേഷ്യോയുമായി ഒത്തു പോകുന്നതോ ഉയര്ന്നതോ ആണെന്ന് ഉറപ്പാക്കുക.
കമ്പനിയുടെ ഉല്പ്പന്നങ്ങള് സാങ്കേതികമായി മികച്ചതാണെന്നും ഉല്പ്പന്ന നിരയില് പുതിയ ഉല്പ്പന്നങ്ങള് കൂട്ടിച്ചേര്ക്കപ്പെടുന്നുണ്ട് എന്നും ഉറപ്പാക്കുക.
Read DhanamOnline in English
Subscribe to Dhanam Magazine