സൂചിക മൂവിംഗ് ശരാശരികള്‍ക്ക് താഴെ; നിഫ്റ്റിക്ക് പിന്തുണ 22,500; പ്രതിരോധം 22,625

നിഫ്റ്റി 5.80 പോയിന്റ് (0.03 ശതമാനം) താഴ്ന്ന് 22,547.55 ൽ അവസാനിപ്പിച്ചു. സൂചിക സപ്പോർട്ട് ലെവൽ 22,500 ന് താഴെ പോയാൽ ഇടിവ് തുടരാം.

നിഫ്റ്റി താഴ്ന്ന് 22,516.40 ൽ വ്യാപാരം തുടങ്ങി. രാവിലെ 22,625.30 വരെ കയറി. തുടർന്ന് സൂചിക പാർശ്വ നീക്കത്തിലായി. 22,547.55 ൽ ക്ലോസ് ചെയ്തു. മീഡിയ, ഓട്ടോ, എഫ്എംസിജി, ഫിനാൻഷ്യൽ സർവീസസ് എന്നിവയാണ് കൂടുതൽ നേട്ടമുണ്ടാക്കിയ മേഖലകൾ, കൂടുതൽ നഷ്ടം നേരിട്ടത് മെറ്റൽ, റിയൽറ്റി, പി‌എസ്‌യു ബാങ്കുകൾ, ഐടി എന്നിവയ്ക്കാണ്. വിശാലവിപണി നെഗറ്റീവ് ആയി തുടർന്നു.1004 ഓഹരികൾ മുന്നേറി, 1744 ഓഹരികൾ ഇടിഞ്ഞു, 132 എണ്ണം മാറ്റമില്ലാതെ നിന്നു. 

നിഫ്റ്റിക്ക് കീഴിൽ കൂടുതൽ നേട്ടമുണ്ടാക്കിയത് മഹീന്ദ്ര ആൻഡ് മഹീന്ദ്ര, ഭാരതി എയർടെൽ, ബജാജ് ഫിനാൻസ്, നെസ്‌ലെ എന്നിവയാണ്. കൂടുതൽ നഷ്ടം ഹിൻഡാൽകോ, ഡോ. റെഡ്ഡീസ്, ട്രെൻ്റ്, സൺ ഫാർമ എന്നിവയ്ക്കാണ്.

സാങ്കേതികമായി, മൊമെന്റം സൂചകങ്ങൾ ഓവർസോൾഡ് മേഖലയിൽ  തുടരുന്നു. സൂചിക ഹ്രസ്വകാല, ദീർഘകാല മൂവിംഗ് ആവറേജുകൾക്ക് താഴെയാണ്. പ്രതിദിന ചാർട്ടിൽ സൂചിക വെെറ്റ് കാൻഡിൽ സ്റ്റിക്ക് രൂപപ്പെടുത്തി, കഴിഞ്ഞ ദിവസത്തെ ക്ലോസിംഗിനു താഴെ ക്ലോസ് ചെയ്തു. ഇതെല്ലാം സൂചിപ്പിക്കുന്നത് മൊമെന്റം ബെയറുകൾക്ക് അനുകൂലമായി തുടരുന്നു എന്നാണ്. താഴ്ന്ന ഭാഗത്ത്, പ്രധാന പിന്തുണ 22,500ലാണ്. സൂചിക ഈ ലെവലിനു താഴെ നീങ്ങുകയാണെങ്കിൽ, വരും ദിവസങ്ങളിൽ ഡൗൺട്രെൻഡ് തുടരാം. 

മൊത്തത്തിലുള്ള ട്രെൻഡ് ബെയറിഷ് ആയി തുടരുന്നെങ്കിലും നിഫ്റ്റി ഓവർസോൾഡ് മേഖലയിൽ ആണ്. അതിനാൽ ഒരു ഹ്രസ്വകാല റീബൗണ്ട് തള്ളിക്കളയാനാവില്ല. ഏറ്റവും അടുത്തുള്ള ഇൻട്രാഡേ പ്രതിരോധം 22,625 ലാണ്. ഒരു പുൾബാക്ക് റാലിക്ക് സൂചിക ഈ ലെവലിനു മുകളിൽ വ്യാപാരം നടത്തി നിലനിർത്തണം. 

ഇൻട്രാഡേ ലെവലുകൾ: 

പിന്തുണ 22,520 -22,430 -22,330

പ്രതിരോധം 22,625 -22,725 -22,825

 (15-മിനിറ്റ് ചാർട്ടുകൾ)

പൊസിഷണൽ ട്രേഡിംഗ്: 

പിന്തുണ 22,500 -22,000 

പ്രതിരോധം 22,800 -23,250.

ബാങ്ക് നിഫ്റ്റി

ബാങ്ക് നിഫ്റ്റി 43.60 പോയിന്റ് നഷ്ടത്തോടെ 48,608.45 ൽ ക്ലോസ് ചെയ്തു. സാങ്കേതിക പാരാമീറ്ററുകൾ നെഗറ്റീവ് പ്രവണത കാണിക്കുന്നു. സൂചിക ഹ്രസ്വകാല, ദീർഘകാല മൂവിംഗ് ശരാശരിക്ക് താഴെയാണ്. സൂചിക ദൈനംദിന ചാർട്ടിൽ ചെറിയ ബ്ലായ്ക്ക് കാൻഡിൽസ്റ്റിക്ക് രൂപപ്പെടുത്തി 48,750 ൽ റെസിസ്റ്റൻസ് ലെവലിനു താഴെ തുടരുന്നു. സൂചിക ഈ ലെവലിനു താഴെ നീങ്ങിയാൽ  വരും ദിവസങ്ങളിലും ഇടിവ് തുടരാം. ഏറ്റവും അടുത്തുള്ള ഇൻട്രാഡേ സപ്പോർട്ട് 48,600 ലാണ്. പോസിറ്റീവ് ട്രെൻഡിലാകാൻ സൂചിക 48,800 എന്ന ഇൻട്രാഡേ റെസിസ്റ്റൻസ് മറികടക്കേണ്ടതുണ്ട്.

ഇൻട്രാഡേ ട്രേഡർമാർക്ക്

പിന്തുണ  48,600 -48,400 -48,200 

പ്രതിരോധം 48,800 -49,050 -49,250

(15 മിനിറ്റ് ചാർട്ടുകൾ). 

പൊസിഷനൽ ട്രേഡർമാർക്ക്

പിന്തുണ 47,750 -47,000 

പ്രതിരോധം 48,750 -50,000.