അടുത്ത ഒരു മാസം; തിളങ്ങാവുന്ന 5 മൊമന്റം സ്മോൾ ക്യാപ് ഓഹരികൾ; ലക്ഷ്യവിലയും ​സ്റ്റോപ്പ് ലോസും അറിയാം

ശക്തമായ ത്രൈമാസ വിൽപന വളർച്ചയും ഇരട്ടയക്ക വരുമാന അനുപാതങ്ങളും (Return Ratios) കാഴ്ചവെച്ച സ്മോൾ ക്യാപ് വിഭാ​ഗത്തിൽ നിന്നുള്ള അഞ്ച് ഓഹരികളാണ് ഈ ഒക്ടോബറിലെ മൊമന്റം ലിസ്റ്റിൽ ഇടംപിടിച്ചിരിക്കുന്നത്. ഇ-മുദ്ര (eMudhra), ഇന്നോവ കാപ്‌ടാബ് (Innova Captab), യഥാർത്ഥ് ഹോസ്പിറ്റൽ (Yatharth Hospital), റെഡിംഗ്ടൺ (Redington), സെയ്‌ഗാൾ ഇന്ത്യ (Ceigall India) എന്നീ കമ്പനികൾ 26 ശതമാനം മുതൽ 47 ശതമാനം വരെ വാർഷിക വിൽപന വളർച്ചയാണ് തങ്ങളുടെ പാദഫലങ്ങളിൽ രേഖപ്പെടുത്തിയത്.

ഓഹരികളിൽ പൊസിഷൻ എടുക്കുന്നതിന് മുൻപ് നിക്ഷേപകർക്ക് അനുകൂലമായ റിസ്ക്-റിവാർഡ് അനുപാതം വിലയിരുത്താൻ സഹായിക്കുന്ന നിലവിലെ വിപണി വില (CMP), സ്റ്റോപ്പ്-ലോസ് (Stop-loss), ലക്ഷ്യവില (Target) എന്നിവ താഴെ നൽകുന്നു.

1. ഇ-മുദ്ര

ഡിജിറ്റൽ സുരക്ഷാ-ഐടി സേവന രംഗത്ത് പ്രവർത്തിക്കുന്ന കമ്പനിയായ ഇ-മുദ്ര ലിമിറ്റഡ് (BSE: 543533, NSE: EMUDHRA) 31.67 ശതമാനം മികച്ച ത്രൈമാസ വിൽപന വളർച്ച കൈവരിച്ചു. ഓഹരിയുടെ ആർ.ഒ.സി.ഇ (ROCE) 15.69 ശതമാനവും ആർ.ഒ.ഇ (ROE) 12.63 ശതമാനം വീതവുമാണ്. നിലവിൽ കമ്പനിയുടെ വിപണി മൂലധനം ഏകദേശം 4,700 കോടി രൂപയാണ്.

• നിലവിൽ ഇ-മുദ്ര ഓഹരിയുടെ വില: 570 രൂപ.

• സമീപ ഭാവിയിലേക്കുള്ള ലക്ഷ്യവില: 878 രൂപ (54% നേട്ട സാധ്യത).

• ഓഹരിയിലെ സ്റ്റോപ്പ്-ലോസ്: 483 രൂപ.

2. ഇന്നോവ കാപ്‌ടാബ്

ഫാർമസ്യൂട്ടിക്കൽ കമ്പനിയായ ഇന്നോവ കാപ്‌ടാബ് (BSE: 544067, NSE: INNOVACAP) 42.28 ശതമാനം ത്രൈമാസ വിൽപന വളർച്ചയും 14.96 ശതമാനം ആർ.ഒ.സി.ഇയും 13.69 ശതമാനം നിരക്കിൽ ആർ.ഒ.ഇയും രേഖപ്പെടുത്തി. കമ്പനിയുടെ നിലവിലെ വിപണി മൂലധനം ഏകദേശം 6,300 കോടി രൂപയാണ്. ഫാർമ മേഖലയിലെ ശരാശരി പി.ഇ അനു 30.35 ആയിരിക്കെ, ഇന്നോവ കാപ്‌ടാബ് ഓഹരിയുടെ പി.ഇ അനുപാതം 40.02 മടങ്ങിലാണ്. എന്നാൽ 1.41 എന്ന പി.ഇ.ജി അനുപാതം ഈ പ്രീമിയം നിരക്കിനെ ഒരുപരിധി വരെ ന്യായീകരിക്കുന്നുണ്ട്.

• നിലവിൽ ഇന്നോവ കാപ്‌ടാബ് ഓഹരിയുടെ വില: 1,110 രൂപ.

• സമീപ ഭാവിയിലേക്കുള്ള ലക്ഷ്യവില: 1,359 രൂപ (22% നേട്ട സാധ്യത).

• ഓഹരിയിലെ സ്റ്റോപ്പ്-ലോസ്: 1,072 രൂപ.

3. യഥാർത്ഥ് ഹോസ്പിറ്റൽ

നോയിഡ കേന്ദ്രീകരിച്ച് പ്രവർത്തിക്കുന്ന മൾട്ടി-കെയർ ആശുപത്രി ശൃംഖലയായ യഥാർത്ഥ് ഹോസ്പിറ്റൽ & ട്രോമ കെയർ സർവീസസ് (BSE: 543950, NSE: YATHARTH) കാഴ്ചവെച്ച ത്രൈമാസ വിൽപന വളർച്ച 47.36 ശതമാനമാണ്. ആർ.ഒ.സി.ഇ 12.37 ശതമാനവും ആർ.ഒ.ഇ 10.36 ശതമാനവുമായി രേഖപ്പെടുത്തുന്നു. ആരോഗ്യ മേഖലയിലെ ശരാശരി പി.ഇ അനുപാതം 44.32 ആയിരിക്കെ, യഥാർത്ഥ് ഹോസ്പിറ്റൽ ഓഹരി ഇതിലും താഴെ വ്യാപാരം ചെയ്യുന്നത് മൂല്യമതിപ്പിന്റെ കാഴ്ചപ്പാടിൽ നിക്ഷേപ സുരക്ഷിതത്വം നൽകുന്ന ഘടകമാണ്.

• നിലവിൽ യഥാർത്ഥ് ഹോസ്പിറ്റൽ ഓഹരിയുടെ വില: 1,022 രൂപ.

• സമീപ ഭാവിയിലേക്കുള്ള ലക്ഷ്യവില: 1,575 രൂപ (54% നേട്ട സാധ്യത).

• ഓഹരിയിലെ സ്റ്റോപ്പ്-ലോസ്: 788 രൂപ.

4. റെഡിംഗ്ടൺ

വിവിധ ഐടി, മൊബിലിറ്റി ഉത്പന്നങ്ങളുടെ വിതരണക്കാരാണ് റെഡിം​ഗ്ടൺ ഇന്ത്യ (BSE: 532805, NSE: REDINGTON). നിലവിൽ ഓഹരിയുടെ ആർ.ഒ.സി.ഇ 17.47 ശതമാനം, ആർ.ഒ.ഇ 16.89 ശതമാനം വീതവുമാണ്. ത്രൈമാസ വിൽപന വളർച്ച 25.62 ശതമാനമാണ്. സെക്ടറിലെ ശരാശരി പി.ഇ അനുപാതമായ 22.44-നേക്കാൾ താഴെയാണ് റെഡിംഗ്ടൺ ഓഹരി ഇപ്പോൾ വ്യാപാരം ചെയ്യപ്പെടുന്നത് എന്നത് മൂല്യനിർണയത്തിൽ അനുകൂല ഘടകമാണ്.

• നിലവിൽ റെഡിംഗ്ടൺ ഓഹരിയുടെ വില: 380 രൂപ.

• സമീപ ഭാവിയിലേക്കുള്ള ലക്ഷ്യവില: 555 രൂപ (46% നേട്ട സാധ്യത).

• ഓഹരിയിലെ സ്റ്റോപ്പ്-ലോസ്: 309 രൂപ.

5. സെയ്‌ഗാൾ ഇന്ത്യ

നിർമ്മാണ-ഇൻഫ്രാസ്ട്രക്ചർ കമ്പനിയായ സെയ്‌ഗാൾ ഇന്ത്യ (BSE: 544223, NSE: CEIGALL) 37.06 ശതമാനം മികച്ച വിൽപന വളർച്ചയും, 17.26 ശതമാനം ആർ.ഒ.സി.ഇയും, 15.71 ശതമാനം ആർ.ഒ.ഇയും കാഴ്ചവെച്ചു. കമ്പനിയുടെ നിലവിലെ വിപണി മൂലധനം ഏകദേശം 6,400 കോടി രൂപയാണ്. ഇൻഫ്രാസ്ട്രക്ചർ മേഖലയിലെ ശരാശരി പി.ഇ അനുപാതം 16.38 മടങ്ങിലായിക്കെ സെയ്‌ഗാൾ ഇന്ത്യയുടെ പി.ഇ അനുപാതം 20.37 മടങ്ങിലാണുള്ളത്. എങ്കിലും പി.ഇ.ജി അനുപാതം 0.85 ആയതിനാൽ വളർച്ചാ വേഗതയ്ക്ക് ആനുപാതികമായി ന്യായമായ മതിപ്പ് മൂല്യത്തിലാണ് (Valuations) ഓഹരിയുള്ളത്.

• നിലവിൽ സെയ്‌ഗാൾ ഇന്ത്യ ഓഹരിയുടെ വില: 369 രൂപ.

• സമീപ ഭാവിയിലേക്കുള്ള ലക്ഷ്യവില: 513 രൂപ (39% നേട്ട സാധ്യത).

• ഓഹരിയിലെ സ്റ്റോപ്പ്-ലോസ്: 299 രൂപ.

ട്രേഡർമാർ ശ്രദ്ധിക്കേണ്ട പ്രധാന കാര്യങ്ങൾ

ഇവ ഹ്രസ്വകാല മൊമന്റം ട്രേഡിംഗ് ശുപാർശകളായതിനാൽ ലക്ഷ്യവിലയോളം തന്നെ പ്രാധാന്യം സ്റ്റോപ്പ്-ലോസ് നിലവാരങ്ങൾക്കും ഉണ്ട്. യഥാർത്ഥ് ഹോസ്പിറ്റലിന്റെ ഉയർന്ന സ്റ്റോപ്പ്-ലോസ് പരിധി വലിയ റിസ്ക് എടുക്കാൻ തയ്യാറുള്ളവർക്ക് മാത്രമുള്ളതാണ്. നിർദ്ദിഷ്ട സ്റ്റോപ്പ്-ലോസ് ഹിറ്റായാൽ കർശനമായി പൊസിഷനുകൾ ഒഴിവാക്കാൻ ശ്രദ്ധിക്കുക.

(Disclaimer: വിപണിയുടെ ഭാവി​ഗതിയെ സംബന്ധിച്ച കാഴ്ചപ്പാട് വിശദമാക്കുന്ന ടെക്നിക്കൽ അനാലിസിസ് പഠനാവശ്യാർത്ഥം പങ്കുവെച്ചതാണ്. ഇവിടെ നൽകിയ ടെക്നിക്കൽ അനാലിസിസ് ഇൻഡിക്കേറ്റർ ഉപയോ​ഗപ്പെടുത്തിയുള്ള ട്രേഡിൽ നിന്നും ഉറപ്പായും ലാഭം കിട്ടുമെന്ന പ്രതീക്ഷവെക്കരുത്. ഓഹരി വിപണിയിലെ നിക്ഷേപം ലാഭനഷ്ട സാധ്യതകൾക്ക് വിധേയമാണ്. പൂർവകാല പ്രകടനം ഭാവിയിൽ ലാഭം നേടിത്തരുമെന്നതിന് ഉറപ്പൊന്നുമല്ല. കൂടാതെ, സെബി അം​ഗീകൃത അനലി​സ്റ്റ് എന്ന പദവി, വിപണിയിൽ നിന്നും ലാഭം നേടിത്തരും എന്നതിനുളള ​ഗ്യാരണ്ടിയല്ലെന്നും നിക്ഷേപകർ ഓർക്കുക. ഓഹരിയിലോ ഡെറിവേറ്റീവ് കോൺട്രാക്ടുകളിലോ വ്യാപാരം ആരംഭിക്കുന്നതിന് മുമ്പേ, അതുമായി ബന്ധപ്പെട്ട റിസ്ക് ഘടകങ്ങൾ മനസ്സിലാക്കുക. നിക്ഷേപവുമായി ബന്ധപ്പെട്ട തീരുമാനം എടുക്കുന്നതിന് മുൻപ് സ്വന്തം നിലയിൽ കൂടുതൽ പഠനം നടത്തുകയോ സെബി അം​ഗീകൃത സാമ്പത്തിക വിദ​ഗ്ധരുടെ മാർ​ഗനിർദേശം തേടുകയോ നിങ്ങൾക്ക് ചെയ്യാവുന്നതാണ്. ബാലചന്ദ്രൻ ആർ.വി.യുടെ സെബി ആർ.ഐ.എ ലൈസൻസ് INA000021757 എന്നാകുന്നു.)