വിപണിയിൽ പോസിറ്റീവ് പ്രവണത തുടരുമോ?

നിഫ്റ്റി 119.1 പോയിന്റ് (0.70 ശതമാനം) ഉയർന്ന് 17,107.50 ലാണ് ക്ലോസ് ചെയ്തത്. 17130 ന് മുകളിൽ വ്യാപാരം തുടരുകയും നിലനിർത്തുകയും ചെയ്താൽ, പോസിറ്റീവ് ട്രെൻഡ് ഇന്നും തുടരാം.

നിഫ്റ്റി രാവിലെ ഗണ്യമായി ഉയർന്നു വ്യാപാരം തുടങ്ങി. ഉടനീളം പോസിറ്റീവ് ആക്കം തുടർന്നു. നിഫ്റ്റി 17,107.50 ൽ ക്ലോസ് ചെയ്യുന്നതിനുമുമ്പ് ഇൻട്രാഡേയിലെ ഉയർന്ന നില 17,127.70-ൽ പരീക്ഷിച്ചു. ബാങ്കുകൾ, ഫിനാൻഷ്യൽ സർവീസ്, മീഡിയ, മെറ്റൽ എന്നിവ മികച്ച നേട്ടമുണ്ടാക്കിയപ്പോൾ, ഐടി, എഫ്എംസിജി, ഫാർമ, റിയൽ എസ്റ്റേറ്റ് മേഖലകൾ താഴ്ന്നു ക്ലോസ് ചെയ്തു. 1314 ഓഹരികൾ ഉയർന്നു, 870 ഓഹരികൾ ഇടിഞ്ഞു, 170 എണ്ണം മാറ്റമില്ലാതെ തുടർന്നു.

നിഫ്റ്റിയിൽ എച്ച്ഡിഎഫ്സി ലൈഫ്, റിലയൻസ്, ബജാജ് ഫിനാൻസ്, ബജാജ് ഓട്ടോ എന്നിവ ഏറ്റവും കൂടുതൽ നേട്ടമുണ്ടാക്കിയപ്പോൾ ഹിന്ദുസ്ഥാൻ യൂണി ലീവർ, പവർ ഗ്രിഡ്, ബ്രിട്ടാനിയ , ടെക് മഹീന്ദ്ര എന്നിവ കൂടുതൽ നഷ്ടത്തിലായി.

മൊമെന്റം സൂചകങ്ങളും ഹ്രസ്വകാല, ദീർഘകാല മൂവിംഗ് ശരാശരികളും ഇപ്പോഴും താഴോട്ടുള്ള പക്ഷപാതം സൂചിപ്പിക്കുന്നു, എങ്കിലും, സൂചിക ദൈനംദിന ചാർട്ടിൽ വെെറ്റ് കാൻഡിൽ രൂപപ്പെടുത്തി ദിവസത്തിലെ ഉയർന്ന നിലയ്ക്കടുത്തു ക്ലോസ് ചെയ്തു. നിഫ്റ്റിക്ക് 17,130 ലെവലിൽ ഇൻട്രാഡേ പ്രതിരോധമുണ്ട്. നിഫ്റ്റി ഈ നിലയ്ക്ക് മുകളിൽ നിലനിൽക്കുകയാണെങ്കിൽ, പോസിറ്റീവ് ട്രെൻഡ് ഇന്നും തുടരാം. അടുത്ത ഹ്രസ്വകാല പ്രതിരോധം 17,300 ലെവലിൽ തുടരുന്നു. നിഫ്റ്റി ഇൻട്രാഡേ പിന്തുണയായ 17,025 ലെവലിന് താഴെ ട്രേഡ് ചെയ്തു നിലനിന്നാൽ താഴേക്കു നീങ്ങും.

പിന്തുണ - പ്രതിരോധ നിലകൾ

ഇൻട്രാഡേ സപ്പോർട്ട് ലെവലുകൾ 17,025-16,950-16,900

റെസിസ്റ്റൻസ് ലെവലുകൾ

17,130-17,200-17,270

(15 മിനിറ്റ് ചാർട്ടുകൾ)

ബാങ്ക് നിഫ്റ്റി

ഹ്രസ്വകാല പ്രവണത - പോസിറ്റീവ്

ബാങ്ക് നിഫ്റ്റി 532.75 പോയിന്റ് നേട്ടത്തിൽ 39,894.70 ലാണ് ക്ലോസ് ചെയ്തത്. സാങ്കേതികമായി സൂചിക ഹ്രസ്വകാല സിംപിൾ മൂവിംഗ് ശരാശരിക്ക് താഴെയാണ്. എന്നാൽ മൊമെന്റം സൂചകങ്ങൾ അല്പം പോസിറ്റീവ് പക്ഷപാതം സൂചിപ്പിക്കുന്നു. സൂചിക വെെറ്റ് കാൻഡിൽ രൂപപ്പെടുത്തി 39,800 എന്ന ഹ്രസ്വകാല പ്രതിരോധത്തിന് മുകളിൽ ക്ലോസ് ചെയ്തു. ഈ നിലവാരത്തിന് മുകളിൽ അത് തുടരുകയാണെങ്കിൽ, വരും ദിവസങ്ങളിൽ കൂടുതൽ പോസിറ്റീവ് ട്രെൻഡ് പ്രതീക്ഷിക്കാം. ഹ്രസ്വകാല പ്രതിരോധം 40,800 ലെവലിൽ തുടരും.

ഇൻട്രാഡേ സപ്പോർട്ട് ലെവലുകൾ 39,700 -39,400 -39,200

പ്രതിരോധ നിലകൾ

39,960 -40,200 -40,475

(15 മിനിറ്റ് ചാർട്ടുകൾ)