ഓഹരിവിപണി താഴ്ന്ന നിലയിൽ തുടരുമോ ?

നിഫ്റ്റി 34 പോയിന്റ് (0.20 ശതമാനം) താഴ്ന്ന് 16,951.70 ലാണ് ക്ലോസ് ചെയ്തത്. നിഫ്റ്റി 16,950 ന് താഴെ ട്രേഡ് ചെയ്തു നിലനിന്നാൽ വരും ദിവസങ്ങളിലും ഇടിവ് തുടരാം.

നിഫ്റ്റി ഉയർന്ന് 17,031.80-ൽ രാവിലെ വ്യാപാരം തുടങ്ങി. ഇൻട്രാഡേയിലെ ഉയർന്ന നില 17,061.80 പരീക്ഷിച്ചു. 16,951.70 ൽ ക്ലോസ് ചെയ്യുന്നതിനുമുമ്പ് 16,913.80 എന്ന താഴ്ന്ന നില പരീക്ഷിക്കുകയും ചെയ്തു.

ബാങ്ക്, പ്രൈവറ്റ് ബാങ്ക്, ഫിനാൻഷ്യൽ സർവീസ് എന്നിവയാണ് നേട്ടമുണ്ടാക്കിയ മേഖലകൾ. മാധ്യമങ്ങൾ, റിയൽ എസ്റ്റേറ്റ്, ഓട്ടോ, ഐടി എന്നിവയ്ക്കായിരുന്നു ഏറ്റവും നഷ്ടം. വിപണിഗതി നെഗറ്റീവ് ആയിരുന്നു. 559 ഓഹരികൾ ഉയർന്നു, 1650 ഓഹരികൾ ഇടിഞ്ഞു, 150 എണ്ണം മാറ്റമില്ലാതെ തുടർന്നു.

നിഫ്റ്റിയിൽ ഇൻഡസ് ഇൻഡ് ബാങ്ക്, യുപിഎൽ, ഡോ. റെഡ്ഡീസ്, പവർ ഗ്രിഡ് എന്നിവയാണ് ഏറ്റവും കൂടുതൽ നേട്ടമുണ്ടാക്കിയത്. അദാനി എന്റർപ്രൈസസ്, അദാനി പോർട്സ്, ടെക് മഹീന്ദ്ര, ഹീറോ മോട്ടോ കോർപ് എന്നിവ നഷ്ടത്തിലായി.

മൊമെന്റം സൂചകങ്ങൾ നെഗറ്റീവ് ചായ്‌വ് കാണിക്കുന്നു. ഹ്രസ്വകാല, ദീർഘകാല മൂവിംഗ് ശരാശരികൾ ഇപ്പോഴും താഴേയ്ക്കുള്ള പക്ഷപാതം സൂചിപ്പിക്കുന്നു. സൂചിക പ്രതിദിന ചാർട്ടിൽ ബ്ലായ്ക്ക് കാൻഡിൽ രൂപപ്പെടുത്തി, അത് താഴ്ന്ന നിലയ്ക്ക് സമീപം അടച്ചു. ഇവ സൂചിപ്പിക്കുന്നത് കൂടുതൽ ഇടിവിനുള്ള സാധ്യതയാണ്.

നിഫ്റ്റിക്ക് 16,913 ലെവലിൽ ഇൻട്രാഡേ പിന്തുണയുണ്ട്. നിഫ്റ്റി ഈ ലെവലിന് താഴെ ട്രേഡ് ചെയ്തു നിലനിന്നാൽ ഡൗൺ ട്രെൻഡ് തുടരാം. അല്ലെങ്കിൽ, ഇത് കുറച്ച് ദിവസത്തേക്ക് ഈ നിലയ്ക്ക് മുകളിൽ സമാഹരിക്കപ്പെട്ടേക്കാം. പുൾബായ്ക്ക് റാലിക്ക്, സൂചിക 17,100-ന് മുകളിൽ നീങ്ങേണ്ടതുണ്ട്. നിഫ്റ്റിക്ക് 16750-ൽ ഹ്രസ്വകാല പിന്തുണയുണ്ട്, പ്രതിരോധം 17300-ലാണ്.

ഇൻട്രാഡേ സപ്പോർട്ട് ലെവലുകൾ 16,917-16,875-16,825

റെസിസ്റ്റൻസ് ലെവലുകൾ

16,985-17,085-17,150

(15 മിനിറ്റ് ചാർട്ടുകൾ)

ബാങ്ക് നിഫ്റ്റി

ബാങ്ക് നിഫ്റ്റി 136.60 പോയിന്റ് നേട്ടത്തിൽ 39,567.90 ലാണ് ക്ലോസ് ചെയ്തത്. സാങ്കേതികമായി, സൂചിക ഹ്രസ്വകാല മൂവിംഗ് ശരാശരിക്ക് താഴെയാണ്. കൂടാതെ മൊമെന്റം സൂചകങ്ങളും നെഗറ്റീവ് പ്രവണത സൂചിപ്പിക്കുന്നു. സൂചിക ഒരു ഡോജി മെഴുകുതിരി രൂപപ്പെടുത്തി കഴിഞ്ഞ ദിവസത്തെ ക്ലോസിംഗിനു മുകളിൽ ക്ലോസ് ചെയ്തു. ഇന്ന് 39,300 ലെവലിന് താഴെ നീങ്ങിയാൽ, വരും ദിവസങ്ങളിൽ കൂടുതൽ ഇടിവ് പ്രതീക്ഷിക്കാം. ഒരു പോസിറ്റീവ് ട്രെൻഡിന്, സൂചിക 39,800 ന് മുകളിൽ നീങ്ങേണ്ടതുണ്ട്.

ഇൻട്രാഡേ സപ്പോർട്ട് ലെവലുകൾ 39,300 -39,100 -38,950

പ്രതിരോധ നിലകൾ

39,720 -39,900 -40,100

(15 മിനിറ്റ് ചാർട്ടുകൾ).