അവധിക്കു ശേഷം വ്യാപാരം എങ്ങോട്ട് ?

നിഫ്റ്റി 129 പോയിന്റ് (0.79 ശതമാനം) ഉയർന്ന് 17,080.70 ലാണ് ക്ലോസ് ചെയ്തത്. നിഫ്റ്റി 17100-ന് മുകളിൽ വ്യാപാരം നടത്തി നിലനിർത്തിയാൽ വരും ദിവസങ്ങളിൽ കൂടുതൽ മുന്നേറ്റം പ്രതീക്ഷിക്കാം.

നിഫ്റ്റി നേട്ടത്തോടെ 16,977.30 ൽ വ്യാപാരം ആരംഭിച്ചു. രാവിലെ തന്നെ 16,940.60 എന്ന ഏറ്റവും താഴ്ന്ന നിലയിലെത്തി. ഉച്ചകഴിഞ്ഞു വ്യാപാരത്തിൽ നിഫ്റ്റി കുതിച്ചുയർന്ന് ഇൻട്രാഡേയിലെ ഉയർന്ന നില 17,126.20-ൽ പരീക്ഷിച്ചു. 17,080.70 ൽ ക്ലോസ് ചെയ്തു. എല്ലാ മേഖലകളും നേട്ടത്തിലാണു വ്യാപാരം അവസാനിപ്പിച്ചത്. പൊതുമേഖലാ ബാങ്ക്, മീഡിയ, റിയൽ എസ്റ്റേറ്റ്, മെറ്റൽ, ഓട്ടോ എന്നിവയാണ് മികച്ച നേട്ടമുണ്ടാക്കിയ മേഖലകൾ. 1457 ഓഹരികൾ ഉയർന്നു, 756 എണ്ണം ഇടിഞ്ഞു, 145 എണ്ണം മാറ്റമില്ലാതെ തുടർന്നു.

നിഫ്റ്റിയിൽ അദാനി എന്റർപ്രൈസസ്, അദാനി പോർട്സ്, ജെഎസ് ഡബ്ള്യു സ്റ്റീൽ, ഐഷർ മോട്ടോഴ്സ് എന്നിവ കൂടുതൽ നേട്ടമുണ്ടാക്കിയപ്പോൾ യുപിഎൽ, ഭാരതി എയർടെൽ, റിലയൻസ്, ഏഷ്യൻ പെയിന്റ്സ് എന്നിവ നഷ്ടത്തിലായി.

സാങ്കേതികമായി, നിഫ്റ്റി ഹ്രസ്വകാല, ദീർഘകാല മൂവിംഗ് ശരാശരിക്ക് താഴെയാണ്. എന്നാൽ മൊമെന്റം സൂചകങ്ങൾ അല്പം പോസിറ്റീവ് പക്ഷപാതം കാണിക്കുന്നു. സൂചിക പ്രതിദിന ചാർട്ടിൽ വൈറ്റ് കാൻഡിൽ രൂപപ്പെടുത്തി ഉയർന്ന നിലയ്ക്കടുത്ത് ക്ലോസ് ചെയ്തു. ഇവയെല്ലാം കൂടുതൽ ഉയർച്ചയുടെ സാധ്യതയാണ് സൂചിപ്പിക്കുന്നത്.

നിഫ്റ്റിക്ക് 17,125 ലെവലിൽ ഇൻട്രാഡേ പ്രതിരോധമുണ്ട്. നിഫ്റ്റി ഈ ലെവലിന് മുകളിൽ ട്രേഡ് ചെയ്തു നിലനിന്നാൽ സൂചിക 17,200 എന്ന ഹ്രസ്വകാല പ്രതിരോധം പരീക്ഷിച്ചേക്കാം. ഒരു ബുള്ളിഷ് പ്രവണതയ്ക്ക് നിഫ്റ്റി ഈ ലെവലിന് മുകളിൽ ക്ലോസ് ചെയ്യേണ്ടതുണ്ട്. അല്ലാത്തപക്ഷം 16,950 -17,200 എന്ന ട്രേഡിംഗ് ബാൻഡിൽ കുറച്ച് ദിവസത്തേക്ക് സമാഹരിക്കപ്പെട്ടേക്കാം.

പിന്തുണ - പ്രതിരോധനിലകൾ

ഇൻട്രാഡേ സപ്പോർട്ട് ലെവലുകൾ 17,100-17,050-16,950

റെസിസ്റ്റൻസ് ലെവലുകൾ

17,150-17,200-17,250

(15 മിനിറ്റ് ചാർട്ടുകൾ)

ബാങ്ക് നിഫ്റ്റി

ബാങ്ക് നിഫ്റ്റി 342.25 പോയിന്റ് നേട്ടത്തിൽ 39,910.15 ലാണ് ക്ലോസ് ചെയ്തത്. സാങ്കേതികമായി, സൂചിക അഞ്ച്, പതിനഞ്ച് ദിവസത്തെ സിംപിൾ മൂവിംഗ് ശരാശരിക്ക് മുകളിൽ ക്ലോസ് ചെയ്തു. മൊമന്റം സൂചകങ്ങൾ പോസിറ്റീവ് പക്ഷപാതം സൂചിപ്പിക്കുന്നു. സൂചിക ബുള്ളിഷ് മെഴുകുതിരി രൂപപ്പെടുത്തി 39,800 എന്ന മുൻ പ്രതിരോധത്തിന് മുകളിൽ ക്ലോസ് ചെയ്തു. ഈ നിലവാരത്തിന് മുകളിൽ അത് തുടരുകയാണെങ്കിൽ, വരും ദിവസങ്ങളിൽ കൂടുതൽ മുന്നേറ്റം പ്രതീക്ഷിക്കാം. അടുത്ത ഹ്രസ്വകാല പ്രതിരോധം 41,000 ലെവലിൽ തുടരും.

ഇൻട്രാഡേ സപ്പോർട്ട് ലെവലുകൾ 39,950 -39,700 -39,500

പ്രതിരോധ നിലകൾ

40,200 -40,400 -40,600

(15 മിനിറ്റ് ചാർട്ടുകൾ)