സ്വകാര്യ വാണിജ്യ ബാങ്കായ ബന്ധന് ബാങ്ക് (Bandhan Bank) സേവിംഗ്സ്, കറന്റ് അക്കൗണ്ട്, വായ്പകള് തുടങ്ങിയ സേവനങ്ങള് ഉപഭോക്താക്കള്ക്ക് നല്കുന്ന പ്രമുഖ ധനകാര്യ സ്ഥാപനമാണ്. 2022-23 മാര്ച്ച് പാദത്തില് സാമ്പത്തിക ഫലം മെച്ചപ്പെട്ടത് ഓഹരിയില് മുന്നേറ്റമുണ്ടാക്കുമെന്ന് പ്രതീക്ഷിക്കുന്നു. അതിന് അനുകൂലമായ കാരണങ്ങള് നോക്കാം:
1. 2022-23 മാര്ച്ച് പാദത്തില് അറ്റ പലിശ വരുമാനം 18.8% (ത്രൈമാസ അടിസ്ഥാനത്തില്) വര്ധിച്ച് 2,472 കോടി രൂപയായി (വാര്ഷിക വളര്ച്ചയില് 2.7% കുറവ്). അറ്റ പലിശ മാര്ജിന് 0.8 % വര്ധിച്ച് 7.3 ശതമാനമായി (ത്രൈ മാസ അടിസ്ഥാനത്തില്).
2. പ്രവര്ത്തന ചെലവ് 9.5% വര്ധിച്ച് 1,305 കോടി രൂപയായി. ജീവനക്കാരുടെ ചെലവ് വര്ധിച്ചതാണ് പ്രവര്ത്തന ചെലവ് ഉയരാന് കാരണം.
3 .നിഷ്ക്രിയ ആസ്തികള് 23.9 കുറഞ്ഞ് 5,299 കോടി രൂപയായി. അറ്റ നിഷ്ക്രിയ ആസ്തികള് 1.2 ശതമാനമായി കുറഞ്ഞു.
4. വായ്പ ചെലവ് 3.5% കുറഞ്ഞ് 2.9 ശതമാനമായി. മൊത്തം വായ്പ വിതരണം 11.5% വാര്ഷിക വളര്ച്ചയോടെ 1,04,757 കോടി രൂപയായി. നിക്ഷേപങ്ങള് 12.2% വര്ധിച്ച് 1,08,069 കോടി രൂപയായി.
5. 2023-24 ല് 20 ശതമാനം വായ്പാ വളര്ച്ച പ്രതീക്ഷിക്കുന്ന. ഭവന വായ്പയില് 22-25 ശതമാനവും മൈക്രോ ഫിനാന്സില് 17-18 ശതമാനവും വളര്ച്ച കൈവരിക്കാന് സാധിക്കുമെന്ന് ബാങ്ക് കരുതുന്നു.
6.മാര്ച്ച് പാദത്തില് ഉപയോക്താക്കളുടെ എണ്ണം 14 ലക്ഷം വര്ധിച്ചു -മൊത്തം ഉപയോക്താക്കള് 3 കോടിയായി.
7. 2023-24 ല് റീറ്റെയ്ല് ബാങ്കിംഗ് ബിസിനസില് മികച്ച വളര്ച്ച നേടാന് സാധിച്ചേക്കും. അറ്റ പലിശ മാര്ജിന് 7- 7.5 % നേടാന് സാധിക്കും, വായ്പ ചെലവുകള് 2 ശതമാനമായി കുറയും.
8. പ്രശസ്ത ക്രിക്കറ്റ് താരം സൗരവ് ഗാംഗുലിയെ ബ്രാന്ഡ് അംബാസഡറായി 2023 ല് തിരഞ്ഞെടുത്തു. ബാങ്ക് ആരംഭിച്ചതു മുതലുള്ള ഉപയോക്താവാണ് അദ്ദേഹം. ഇത് റീറ്റെയ്ല് ബാങ്കിംഗ് വിഭാഗം കൂടുതല് ശക്തിപെടുത്തുമെന്ന് കരുതുന്നു.
നിക്ഷേപകര്ക്കുള്ള നിര്ദേശം -വാങ്ങുക (buy)
ലക്ഷ്യ വില 305 രൂപ
നിലവില് 256.50 രൂപ
Stock Recommendation by Geojit Financial Services.
(Equity investing is subject to market risk. Always do your own research before investing)
Read DhanamOnline in English
Subscribe to Dhanam Magazine