ഓരോ സെക്കൻഡിലും ഒന്നിലധികം തവണ ബിരിയാണിക്ക് ഓർഡർ ലഭിക്കുന്നുവെന്ന് സ്വിഗ്ഗിയുടെ സ്റ്റാറ്റ്ഇറ്റിസ്റ്റിക്സ് റിപ്പോർട്ടിന്റെ അഞ്ചാം പതിപ്പ് പറയുന്നു. ഇതിൽ തന്നെ ചിക്കൻ ബിരിയാണിക്കാണ് ഏറ്റവും പ്രിയം.
ചിക്കൻ ബിരിയാണി കഴിഞ്ഞാൽ വെജിറ്റബിൾ ബിരിയാണിക്കാണ് കൂടുതൽ ആവശ്യക്കാർ. ഏറ്റവും കൂടുതൽ ഓർഡറുകൾ വീടുകളിൽ നിന്ന് തന്നെയാണ്. "ആരോഗ്യകരമായ ഭക്ഷണം, സ്വയം പാചകത്തിന് കിറ്റുകൾ എന്നിവയ്ക്കും നല്ല ആവശ്യക്കാർ ഉണ്ടായിരുന്നു," ലൈവ്മിന്റ് സ്വിഗ്ഗിയെ ഉദ്ധരിച്ച് പറഞ്ഞു.
മസാല ദോസ, പനീർ ബട്ടർ മസാല, ചിക്കൻ ഫ്രൈഡ് റൈസ്, വെളുത്തുള്ളി ബ്രെഡ്സ്റ്റിക്കുകൾ എന്നിവയാണ് സ്വിഗ്ഗിയിൽ ഓർഡർ ചെയ്തിട്ടുള്ള മറ്റ് വിഭവങ്ങൾ. ലോക്ക്ഡഡൗൺ സമയത്ത് ഉപയോക്താക്കൾ അവരുടെ ജന്മദിനങ്ങൾ വീട്ടിൽ ആഘോഷിക്കുന്നതിനായി ആറ് ലക്ഷത്തിലധികം കേക്കുകൾ ഓർഡർ ചെയ്തു.
ബെംഗളൂരുവിലും ഭോപ്പാലിലും രണ്ട് ഉപയോക്താക്കൾ യഥാക്രമം 5,000 രൂപ വീതം അവരുടെ ഡെലിവറി എക്സിക്യൂട്ടീവുകൾക്ക് നൽകി. സ്വിഗ്ഗി ഡെലിവറി എക്സിക്യൂട്ടീവുകൾക്ക് ലഭിച്ച ഏറ്റവും ഉയർന്ന ടിപ്പ് ഇതാണ്.
ഈ വർഷം ഓഗസ്റ്റിൽ ആരംഭിച്ച സ്വിഗ്ഗിയുടെ പലചരക്ക്, അവശ്യവസ്തു വിതരണ സേവനമായ സ്വിഗ്ഗി ഇൻസ്റ്റാമാർട്ട് ഒരു തൽക്ഷണ വിജയമായി. ഇൻസ്റ്റാമാർട്ട് വഴി 1.6 ലക്ഷത്തിലധികം ഭക്ഷണ കിറ്റുകൾ കമ്പനി വിതരണം ചെയ്തു. 75,000 കിലോയിലധികം ഉള്ളി, മറ്റ് അടുക്കള അവശ്യവസ്തുക്കളായ ഉരുളക്കിഴങ്ങ്, വാഴപ്പഴം, മല്ലിയില, പാൽ എന്നിവ ഇൻസ്റ്റാമാർട്ട് വഴി ഓർഡർ ചെയ്തു.
2020 ജനുവരി മുതൽ ഡിസംബർ വരെ, 500-ൽ അധികം നഗരങ്ങളിലെ 1,00,000 റെസ്റ്റോറന്റ് പങ്കാളികളുമായും സ്റ്റോറുകളുമായും ചേർന്ന് സ്വിഗ്ഗി പ്രവർത്തിച്ചു. 2020 സെപ്റ്റംബറിൽ സമാരംഭിച്ച മറ്റൊരു പിക്ക് അപ്പ് സേവനമായ സ്വിഗ്ഗി ജീനി ഇപ്പോൾ 65 നഗരങ്ങളിൽ ലഭ്യമാണ്.
വീട്ടിൽ പാകം ചെയ്ത ഭക്ഷണം പ്രായമായ ബന്ധുക്കൾക്കും കോവിട് കാരണം ബുദ്ധിമുട്ടുന്ന സുഹൃത്തുക്കൾക്കും സഹപ്രവർത്തകർക്കും എത്തിക്കാനും 2020-ൽപലരും സ്വിഗ്ഗിയുടെ സഹായം തേടി. ഈ വർഷം വീടുകളിൽ ബേക്കിംഗിനോടുള്ള താൽപര്യം വർധിച്ചതു കാരണം ധാരാളം ആളുകൾ അതിനു വേണ്ട സാധനങ്ങൾ ഓർഡർ ചെയ്തു. സ്വിഗ്ഗി ജീനിയിൽ ഭക്ഷണവുമായി ബന്ധപ്പെട്ട 120,000 ജോലികൾ ഇവർക്ക് ലഭിച്ചു, സ്റ്റാറ്റ്ഇറ്റിസ്റ്റിക്സ് റിപ്പോർട്ട് പറയുന്നു.
അതേസമയം, ബെംഗളൂരു, ദില്ലി, മുംബൈ, ഹൈദരാബാദ് തുടങ്ങിയ മെട്രോകളിലെ ഉപഭോക്താക്കൾ സ്വിഗ്ഗിയുടെ 'ഹെൽത്ത് ഹബ്' തിരഞ്ഞെടുത്ത് ആരോഗ്യകരമായ ഭക്ഷണത്തിനായി ഈ വർഷം വളരെയധികം ഓർഡറുകൾ കൊടുത്തു. ഓഗസ്റ്റിലാണ് ഈ സേവനം സ്വിഗ്ഗി ആരംഭിച്ചത്. ആരോഗ്യകരമായ ഭക്ഷണം ഓർഡർ ചെയ്യുന്നതിൽ ബെംഗളൂരു, എൻസിആർ എന്നിവിടങ്ങളിൽ നിന്നുള്ള ഉപഭോക്താക്കളാണ് മുൻപിൽ .
കോവിഡ് -19 നിയന്ത്രണങ്ങൾ നിലവിലുണ്ടായതിനാൽ, ഈ വർഷം മാർച്ച് മുതൽ മെയ് വരെ ഭക്ഷണശാലകൾ മിക്കവാറും അടച്ചിരുന്നു. പിന്നീട് ഇവ തുറന്നെങ്കിലും റെസ്റ്റോറന്റുകൾ സന്ദർശിക്കുന്നതിനേക്കാൾ വീട്ടിൽ ഇരുന്നു ഓർഡർ ചെയ്യാൻ ഉപഭോക്താക്കൾ താൽപ്പര്യപ്പെടുന്നതിനാൽ സ്വിഗ്ഗി പോലുള്ള ഭക്ഷ്യ വിതരണ സേവനങ്ങൾക്ക് 2020-ൽ ആവശ്യക്കാർ കൂടി.
രണ്ട് ലക്ഷത്തിലധികം പാനി പുരി ഓർഡറുകൾ ലോക്ക്ഡൗണിന് ശേഷവും സ്വിഗ്ഗിക്കു ലഭിച്ചു. നിലവിൽ, പ്രധാനമന്ത്രിയുടെ സ്വാനിധി സ്കീമുമായി ചേർന്ന് 125 നഗരങ്ങളിലായി 36,000 തെരുവ് ഭക്ഷണ വിൽപ്പനക്കാരുമായി സ്വിഗ്ഗിക്കു പങ്കാളിത്തം ഉണ്ട്.
Read DhanamOnline in English
Subscribe to Dhanam Magazine