ഇന്ത്യയുടെ ദേശീയ പാതകളിലെ മൊത്തത്തിലുള്ള അടിസ്ഥാന സൗകര്യങ്ങള് വര്ധിപ്പിക്കാന് ലക്ഷ്യമിട്ട് 'ഹംസഫര്' നയവുമായി കേന്ദ്ര ഉപരിതല ഗതാഗത മന്ത്രാലയം. ദേശീയ പാതകള് കൂടുതൽ ഉപയോക്തൃ സൗഹൃദമാക്കുക, എല്ലാവർക്കും സുഗമമായി സുരക്ഷിതമായി ഹൈവേകള് ഉപയോഗിക്കാന് സാധിക്കുക തുടങ്ങിയവ ഉറപ്പാക്കുകയാണ് നയത്തിന്റെ ഉദ്ദേശം.
ഹംസഫർ നയം നടപ്പിലാക്കുന്നതിലൂടെ ദേശീയ പാത ശൃംഖല നവീകരിക്കാനും അന്താരാഷ്ട്ര നിലവാരത്തിലേക്ക് ഉയർത്താനും കേന്ദ്ര റോഡ് ഗതാഗത, ഹൈവേ മന്ത്രാലയം ലക്ഷ്യമിടുന്നു.
ഹൈവേകളിൽ ഇത്തരം സൗകര്യങ്ങൾ ഏർപ്പെടുത്തുന്നത് കുടുംബങ്ങൾക്കും വ്യക്തിഗത യാത്രക്കാർക്കും ദീർഘദൂര ഡ്രൈവർമാർക്കും ഒരുപോലെ യാത്ര കൂടുതൽ സുഖകരമാക്കാന് സാധിക്കും. രാജ്യത്തുടനീളമുള്ള ഹൈവേകളില് യാത്രാ സൗഹൃദ ശൃംഖല ഒരുക്കുകയാണ് നയത്തിന്റെ ഉദ്ദേശം.
ആധുനിക കാലത്തെ യാത്രക്കാരുടെ വർദ്ധിച്ചുവരുന്ന ആവശ്യങ്ങൾ നിറവേറ്റുന്നതിനും രാജ്യത്തുടനീളമുള്ള ഹൈവേകളില് സുരക്ഷിത യാത്ര പ്രോത്സാഹിപ്പിക്കുന്നതിനും തക്ക വിധത്തിലാണ് നയരൂപകല്പന.
Read DhanamOnline in English
Subscribe to Dhanam Magazine