പരമ്പരാഗത മാനേജ്മെന്റ് ലോകത്ത്, ചിത്രം ഒന്നില് കാണിച്ചിരിക്കുന്നത് പോലെ 'പുഷ് സിസ്റ്റം' (ഇന്വെന്ററി തള്ളിവിടുന്ന രീതി) ആണ് രാജാവ്.
Figure 1 കാണുക
തെറ്റായതാണെങ്കിലും, ലളിതമായ ഒരു വിശ്വാസമാണ് ഇതിനെ നയിക്കുന്നത്: നമുക്ക് കൃത്യമായി പ്രവചിക്കാന് സാധിച്ചാല്, നമ്മുടെ ഇന്വെന്ററി മികച്ച രീതിയില് കൈകാര്യം ചെയ്യാന് കഴിയുമെന്നത്.
ഓരോ ശാഖക്കും അടുത്ത മാസം എന്തൊക്കെ ആവശ്യമായി വരുമെന്ന് മുന്കൂട്ടി ഊഹിച്ചെടുക്കാന് വിലകൂടിയ സോഫ്റ്റ്വെയറുകളിലും 'വിദഗ്ധരിലും' നിക്ഷേപംനടത്താന് ഇത് ബിസിനസുകളെ പ്രേരിപ്പിക്കുന്നു. ഒരു ആശുപത്രിയുടെ ഉദാഹരണം ഉപയോഗിച്ച് ചിത്രം രണ്ടില് കാണിച്ചിരിക്കുന്ന പ്രവചന കെണി (Forecast Trap) മനസിലാക്കാം.
Figure 2 കാണുക
എങ്കിലും, പ്രവചനങ്ങള് എപ്പോഴും തെറ്റുന്നു എന്നതാണ് യാഥാര്ത്ഥ്യം. പ്രാദേശിക തലത്തില് ഓരോ ചെറിയ കാര്യങ്ങളും മുന്കൂട്ടി പ്രവചിക്കാന് നമ്മള് എത്രത്തോളം ശ്രമിക്കുന്നുവോ, അത്രത്തോളം നമ്മള് പരാജയപ്പെടുന്നു.
തെറ്റായ ഒരു നിഗമനത്തിന്റെ അടിസ്ഥാനത്തില് നിങ്ങള് സ്റ്റോക്ക് 'പുഷ്' ചെയ്യുമ്പോള്, അത് സപ്ലൈയും ഡിമാന്ഡും തമ്മിലുള്ള അന്തരത്തിന് കാരണമാകുന്നു. ഇത് ഗുരുതര സാമ്പത്തിക പ്രത്യാഘാതങ്ങളാണ് ഉണ്ടാക്കുന്നത്.
ആശുപത്രി പ്രവര്ത്തനങ്ങളുടെഉദാഹരണം പരിശോധിച്ചാല് നമുക്കിത് വ്യക്തമായി കാണാം: ഇന്വെന്ററിയില് വലിയ തോതില് നിക്ഷേപം നടത്തിയിട്ടും, ചിത്രം മൂന്നില് സൂചിപ്പിക്കുന്നത് പോലെ സ്റ്റോക്കിന്റെ കുറവ്, അമിതമായ സ്റ്റോക്ക്, കാലാവധി കഴിഞ്ഞ സ്റ്റോക്ക് എന്നിവ നമ്മള് നേരിടേണ്ടി വരുന്നു.
Figure 3 കാണുക
ഓരോ യൂണിറ്റും അവരവരുടെപ്രാദേശിക പ്രവചനങ്ങളുടെ അടിസ്ഥാനത്തില് പ്രവര്ത്തിച്ചതിനാല്, അത് ഒരേസമയം അമിതമായി സാധനങ്ങളുള്ളതും, എന്നാല് ആവശ്യമായ സാധനങ്ങള്ക്ക് എപ്പോഴും ക്ഷാമം നേരിടുന്നതുമായ ഒരു സംവിധാനമായി മാറി.
സങ്കീര്ണത വര്ധിക്കുന്നു
ഉപഭോക്താവിലേക്ക് അടുക്കുന്തോറും സങ്കീര്ണത വര്ധിക്കുന്നുഎന്നതാണ് ഇതിലെ പ്രധാന പ്രശ്നം. പ്രധാന നിയന്ത്രണ കേന്ദ്രത്തില് നിന്ന് ഇന്വെന്ററി എത്രത്തോളം അകലെയാണോ, അത്രത്തോളം സുരക്ഷിതമായിരിക്കാന് ഓരോ യൂണിറ്റും കൂടുതല് സ്റ്റോക്ക് സൂക്ഷിക്കാന് നിര്ബന്ധിതരാകുന്നു. ഓര്ഡറുകള്ക്കിടയിലുള്ള കാത്തിരിപ്പ് സമയം കുറക്കാന് ആവശ്യമാണെന്ന് അവര് കരുതുന്നു. ഒരു സപ്ലയര് സാധനങ്ങള് എത്തിക്കാന് 30 ദിവസമെടുക്കുമെങ്കില്, സമാധാനമായി ഉറങ്ങണമെങ്കില് തങ്ങളുടെ പക്കല് 45 ദിവസത്തേക്കുള്ള സ്റ്റോക്ക് വേണമെന്ന് ആ യൂണിറ്റിന് തോന്നും. ഈ കെണിയില് നിന്ന് മോചിതരാകാന്, ഭാവിയെക്കുറിച്ച് 'ശരിയായ' പ്രവചനങ്ങള് നടത്താന് ശ്രമിക്കുന്നത് നിര്ത്തി, വര്ത്തമാനകാലത്ത് 'വേഗതയുള്ളവരാകാന്' ശ്രമിക്കുക. ഊഹങ്ങളുടെ അടിസ്ഥാനത്തില് സാധനങ്ങള് തള്ളിവിടുന്നത് അവസാനിപ്പിക്കുകയും യാഥാര്ത്ഥ്യത്തിന് അനുസൃതമായി മാത്രം സാധനങ്ങള് എത്തിക്കുകയും ചെയ്യുക.
പ്രവചനമെന്നത് എപ്പോഴും അവ്യക്തമായ ഒരു 'ക്രിസ്റ്റല് ബോള്' ആണെങ്കില്, ഊഹങ്ങളുടെ അടിസ്ഥാനത്തില് സ്റ്റോക്ക് നീക്കുന്നത് ഒരു സാമ്പത്തിക പ്രതിസന്ധിക്കുള്ള വഴിയൊരുക്കലാണ്. വിപണിയിലെ അസ്ഥിരതയാകുന്ന കൊടുങ്കാറ്റിനെ അതിജീവിക്കാന് മുന്കൂട്ടിയുള്ള പ്രവചനങ്ങളില് നിന്ന് പ്രതികരണശേഷിയുള്ള രീതിയിലേക്ക് നമ്മള് മാറണം.
അടുത്ത ലക്കത്തില്, 'ഡിമാന്ഡ് ചെയിന് സൊല്യൂഷന്', പ്രവചനങ്ങള്ക്ക് പകരം യാഥാര്ത്ഥ്യത്തോടെ പ്രതികരിക്കാന് നിങ്ങളെ പ്രാപ്തരാക്കുന്ന 'അഗ്രഗേഷന്' (Aggregation) എന്ന തത്വം തുടങ്ങിയവ വിശദമാക്കാം.
(ധനം മാഗസിൻ മേയ് 31 ലക്കത്തിൽ പ്രസിദ്ധീകരിച്ചത്.)
Read DhanamOnline in English
Subscribe to Dhanam Magazine