കുടുംബത്തില് നിന്ന് കൂടുതല് വനിതകളെ ഉള്പ്പെടുത്തി വ്യവസായ സാമ്രാജ്യം വൈവിധ്യവൽക്കരിക്കുകയാണ് ഗൗതം അദാനി. അദാനിയുടെ അനന്തരവൻ സാഗർ അദാനിയുടെ ഭാര്യ ശ്രുതി അദാനിയെ കമ്പനിയുടെ വിമാനത്താവള യൂണിറ്റിന് കീഴിലുള്ള അദാനി ഡിജിറ്റൽ ലാബ്സിൽ ഡിജിറ്റൽ സംരംഭങ്ങൾക്ക് നേതൃത്വം നൽകുന്നതിനായി ചുമതലപ്പെടുത്തി. അതേസമയം മരുമകൾ ദിവ അദാനിയാണ് അദാനി എയർപോർട്ട് ഹോൾഡിംഗ്സ് ലിമിറ്റഡിലെ നോൺ-എയറോ ബിസിനസ് വിഭാഗത്തിന്റെ ചുമതല വഹിക്കുന്നത്.
പ്രവര്ത്തനങ്ങളില് അഞ്ചിലൊന്ന് വനിതാ ഡയറക്ടർമാരെ ഉൾപ്പെടുത്തുക എന്ന ലക്ഷ്യവുമായാണ് അദാനി ഗ്രൂപ്പ് മുന്നോട്ടു പോകുന്നത്. അതേസമയം കുടുംബാംഗങ്ങളെ നേതൃസ്ഥാനങ്ങളിലേക്ക് നാമനിർദ്ദേശം ചെയ്യുന്നത് സ്ഥാപകര്ക്ക് കമ്പനിയുടെ നിയന്ത്രണം നിലനിർത്താൻ സഹായകമാണ്.
സൂറത്ത് ആസ്ഥാനമായുള്ള വജ്ര വ്യാപാരിയായ ജെയ്മിൻ ഷായുടെ മകളായ ദിവ കഴിഞ്ഞ ഒരു വർഷമായി അദാനിയുടെ ചാരിറ്റബിൾ ഫൗണ്ടേഷന്റെ വൈകല്യ പരിപാടിയിൽ പ്രവർത്തിച്ചു വരികയായിരുന്നു. കാലിഫോർണിയ സർവകലാശാലയിൽ നിന്ന് എഞ്ചിനീയറിംഗ് ബിരുദധാരിയായ ശ്രുതി മെഡിക്കൽ ഉപകരണ നിർമ്മാതാക്കളായ വെൽനെസ്റ്റ് ടെക് നയിച്ചിരുന്നു.
അദാനി ഗ്രൂപ്പിന്റെ ജീവകാരുണ്യ പ്രവർത്തനങ്ങൾക്ക് നേതൃത്വം നൽകുന്നതും വനിതകളാണ്. ഗൗതം അദാനിയുടെ അനന്തരവൻ പ്രണവ് അദാനിയുടെ ഭാര്യ നമ്രത അദാനി അദാനി ഇന്റർനാഷണൽ സ്കൂളുമായി ബന്ധപ്പെട്ടാണ് പ്രവര്ത്തിക്കുന്നത്. കൂടാതെ അവർ അദാനി ഗ്രൂപ്പിൽ നോൺ എക്സിക്യൂട്ടീവ് ഡയറക്ടറായും സേവനമനുഷ്ഠിക്കുന്നു. സാമൂഹിക ക്ഷേമത്തിനായി 21 സംസ്ഥാനങ്ങളിലായി 7,060 ഗ്രാമങ്ങളിൽ പ്രവർത്തിക്കുന്ന അദാനി ഫൗണ്ടേഷനെ നയിക്കുന്നത് അദാനിയുടെ മാതാവായ പ്രീതി അദാനിയാണ്.
അദാനിയുടെ സഹ വ്യവസായി മുകേഷ് അംബാനിയും റിലയൻസ് ഇൻഡസ്ട്രീസ് ലിമിറ്റഡിൽ മക്കളെയും ഭാര്യയെയും പിന്തുടർച്ചയ്ക്കായി വളർത്തിയെടുക്കുകയാണ്. മകൾ ഇഷ അംബാനി റിലയൻസിന്റെ റീട്ടെയിൽ വിഭാഗത്തിന് നേതൃത്വം നൽകുന്നു. റിലയൻസും വാൾട്ട് ഡിസ്നി കമ്പനിയും തമ്മിലുള്ള സംയുക്ത സംരംഭത്തിന്റെ ചെയർപേഴ്സണാണ് അമ്മ നിത അംബാനി.
Gautam Adani diversifies his business empire by appointing women from his family in key leadership roles.
Read DhanamOnline in English
Subscribe to Dhanam Magazine