യുഎസില് ഫെഡ് പലിശനിരക്കില് ചെയര്മാന് ജെറോം പവല് ഇന്ന് പ്രഖ്യാപനം നടത്താനിരിക്കേ സ്വര്ണവിലയില് വര്ധന. ഇന്ന് കേരളത്തില് ഗ്രാമിന് 80 രൂപയും പവന് 680 രൂപയുമാണ് കൂടിയത്. ഇതോടെ ഗ്രാം വില 11,945 രൂപയും പവന് 95,560 രൂപയുമായി.
ലൈറ്റ് വെയിറ്റ് ആഭരണങ്ങള് നിര്മിക്കാന് ഉപയോഗിക്കുന്ന 18 കാരറ്റ് സ്വര്ണത്തിന്റെ വില ഗ്രാമിന് 9,825 രൂപയും പവന് 78, 600 രൂപയുമായി. 14 കാാരറ്റ് സ്വര്ണത്തിന്റെ വിലയില് ഗ്രാമിന് 50 രൂപയാണ് ഇന്ന് വര്ധിച്ചത്. 7,650 രൂപയാണ് ഗ്രാം വില. പവന് 61,200 രൂപയും. വെള്ളിവില ഇന്നും 195 രൂപയില് തുടരുന്നു.
ഫെഡ് നിരക്ക് പ്രഖ്യാപിക്കുന്നതോടെ സ്വര്ണ ഡിമാന്ഡില് കാര്യമായ മാറ്റമുണ്ടാകുമെന്നാണ് പ്രതീക്ഷിക്കുന്നത്. പലിശ നിരക്ക് കുറയ്ക്കുമ്പോള് നിക്ഷേപകര് ട്രഷറി നിക്ഷേപങ്ങളില് നിന്ന് സ്വര്ണത്തിലേക്കും മറ്റ് ലാഭകരമായ മാര്ഗങ്ങളിലേക്കും നീങ്ങും. ഇത് സ്വര്ണത്തിന്റെ വിലയിലുള്പ്പെടെ വര്ധനയ്ക്ക് വഴിയൊരുക്കും.
സ്വര്ണവില വര്ധിക്കുന്നത് കേരളത്തിലെ കുടുംബങ്ങള്ക്ക് വലിയ തിരിച്ചടിയാണ്. ഒട്ടുമിക്ക കുടുംബങ്ങളും കല്യാണ ആവശ്യങ്ങള്ക്കായാണ് കൂടുതലായി സ്വര്ണം വാങ്ങുന്നത്. വിവാഹ ചെലവില് വലിയ വര്ധനവിന് സ്വര്ണത്തിന്റെ കുതിപ്പ് വഴിയൊരുക്കും.
ഇന്ന് ഒരു പവന് സ്വര്ണത്തിന് 95,560 രൂപയാണ് വിലയെങ്കിലും അതേ തൂക്കത്തിലുള്ള സ്വര്ണാഭരണം വാങ്ങാന് കൂടുതല് നല്കേണ്ടി വരും. കുറഞ്ഞത് അഞ്ച് ശതമാനം പണിക്കൂലി, നികുതി, ഹാള്മാര്ക്കിംഗ് ചാര്ജുകള് എന്നിവ സഹിതം ഇന്ന് ഒരുപവന് സ്വര്ണാഭരണത്തിന് ഒരു ലക്ഷം രൂപയ്ക്ക് മുകളില് നല്കേണ്ടി വരും. ആഭരണങ്ങളുടെ ഡിസൈന് അനുസരിച്ച് പണിക്കൂലിയും വിലയിലും മാറ്റമുണ്ടാകുമെന്നും മറക്കരുത്.
Read DhanamOnline in English
Subscribe to Dhanam Magazine