രാജ്യത്ത് വിദ്യാഭ്യാസ വളർച്ചയുടെ തോത് ഉയരുന്നുണ്ടെങ്കിലും, അതിനൊത്ത് തൊഴിൽ സാധ്യതയിൽ വർധനവില്ലെന്ന് പഠന. ബിരുദങ്ങൾ നേടുന്ന ചെറുപ്പക്കാരുടെ എണ്ണത്തിലെ വർധനക്ക് അനുസരിച്ച് തൊഴിൽസാദ്ധ്യതകൾ സൃഷ്ടിക്കപ്പെടാത്തത് ഗുരുതരമായ പ്രതിസന്ധിയിലേക്ക് നയിക്കുന്നു. അസിം പ്രേംജി സർവകലാശാലയുടെ “സ്റ്റേറ്റ് ഓഫ് വർക്കിംഗ് ഇന്ത്യ 2026” റിപ്പോർട്ട് പ്രകാരം, 25 വയസിന് താഴെയുള്ള ബിരുദധാരികളിൽ 42 ശതമാനം തൊഴിൽരഹിതരാണ്.
റിപ്പോർട്ടിൽ പറയുന്നത്: 15–25 വയസിനിടയിൽ ഉള്ളവരുടെ തൊഴിലില്ലായ്മ നിരക്ക് 40 ശതമാനമാണ്. 25–29 വയസുകാർക്കിടയിൽ അഞ്ചിലൊന്നും തൊഴിൽരഹിതർ. തൊഴിലില്ലായ്മ നേരിടുന്ന യുവാക്കളിൽ 67% പേരും ബിരുദധാരികളാണ്. 2017ൽ ഇത് 46% മാത്രമായിരുന്നു. അഥവാ, തൊഴിലില്ലായ്മയുടെ ഭാരം ഉയർന്ന വിദ്യാഭ്യാസമുള്ളവരിലാണ് കൂടുതൽ.
വിദ്യാഭ്യാസത്തിൽ നിന്ന് തൊഴിൽ ലോകത്തിലേക്ക് കടക്കുന്നത് ദുഷ്കരമായി. പഠനം പൂർത്തിയാക്കിയതിന് പിന്നാലെ സ്ഥിരതയുള്ള ജോലി ലഭിക്കുന്നതിൽ വലിയ തടസ്സങ്ങളുണ്ടെന്നാണ് റിപ്പോർട്ട് സൂചിപ്പിക്കുന്നത്. പലരും വർഷങ്ങളോളം ജോലി തേടിക്കൊണ്ടിരിക്കുകയാണ്.
പഠനവും വ്യവസായ ആവശ്യങ്ങളും തമ്മിലുള്ള പൊരുത്തക്കേടാണ് പ്രധാന കാരണങ്ങളിലൊന്ന്. ഔപചാരിക തൊഴിൽ അവസരങ്ങളുടെ കുറവാണ് അടുത്ത പ്രശ്നം. നല്ല ശമ്പളമുള്ള ജോലികൾക്കായി കാത്തിരിപ്പ് നീളുന്നു.
വിദ്യാഭ്യാസ മുന്നേറ്റത്തിനൊപ്പം തൊഴിലില്ലായ്മയും എന്ന പ്രതിസന്ധിയാണ് കേരളത്തിൽ. ഉയർന്ന സാക്ഷരതയും വിദ്യാഭ്യാസ നിലവാരവും ഉണ്ടായിട്ടും തൊഴിലില്ലായ്മ ഉയർന്ന നിലയിലാണ്.
പീരിയഡിക് ലേബർ ഫോഴ്സ് സർവേ (PLFS)യും CMIEയും ഉൾപ്പെടെയുള്ള കണക്കുകൾ സംസ്ഥാനങ്ങൾ തമ്മിലുള്ള വ്യത്യാസങ്ങൾ കാണിക്കുന്നു.
ഉയർന്ന തൊഴിലില്ലായ്മ: ഹിമാചൽ പ്രദേശ്, പഞ്ചാബ്, ബിഹാർ, ഉത്തർപ്രദേശ്
മധ്യനില: മഹാരാഷ്ട്ര, തമിഴ്നാട്, കര്ണാടക
കുറഞ്ഞ തൊഴിലില്ലായ്മ: ഗുജറാത്ത്, മധ്യപ്രദേശ്, ഛത്തീസ്ഗഢ്
ഉയർന്ന വിദ്യാഭ്യാസമുള്ള യുവാക്കൾക്ക് അനുയോജ്യമായ ജോലികളുടെ കുറവിന് പ്രധാനമായി പറയുന്ന കാരണങ്ങൾ ഇവയാണ്:
വ്യവസായവികസനത്തിലെ കുറവ്
സർവീസ് മേഖലയിലെ ആശ്രയത്വം
വൈറ്റ്-കോളർ ജോലികൾക്കുള്ള മുൻഗണന
സ്ത്രീകളിലെ ഉയർന്ന തൊഴിലില്ലായ്മ
ഇതിന്റെ ഫലമായി കേരളത്തിൽ നിന്നു പ്രത്യേകിച്ചും, വിദേശരാജ്യങ്ങളിലേക്കും മറ്റ് സംസ്ഥാനങ്ങളിലേക്കും കുടിയേറ്റം തുടരുന്നു.
യുവാക്കളുടെ നിരാശ വർധിക്കുന്നു
സർക്കാർ ജോലികളിൽ അമിത സമ്മർദ്ദം
കുടിയേറ്റം ഉയരുന്നു
കുറഞ്ഞ നിലവാരത്തിലുള്ള ജോലികളിൽ പ്രവേശനം
തൊഴിൽസാന്ദ്രമായ വ്യവസായങ്ങൾ വികസിപ്പിക്കുക, വിദ്യാഭ്യാസം തൊഴിൽ ആവശ്യങ്ങളോട് പൊരുത്തപ്പെടുത്തുക, സ്കിൽ ഡെവലപ്മെന്റ് ശക്തിപ്പെടുത്തുക, സ്വകാര്യ മേഖലയിലെ തൊഴിൽസൃഷ്ടി വർധിപ്പിക്കുക, സ്ത്രീകളുടെ തൊഴിൽപങ്കാളിത്തം ഉയർത്തുക തുടങ്ങിയവയാണ് മുന്നോട്ടുള്ള വഴിയെന്ന് വിദഗ്ധർ നിർദേശിക്കുന്നു.
Read DhanamOnline in English
Subscribe to Dhanam Magazine