പവര് ഇലക്ട്രോണിക്സ് രംഗത്തെ മുമ്പന്മാരായ ഹൈക്കോണ് കൊച്ചിയില് പുതിയ കോര്പറേറ്റ് ഓഫീസും, അത്യാധുനിക ഇലക്ട്രിക് വെഹിക്കിള് ലിഥിയം ബാറ്ററി ഫാക്ടറിയും തുറന്നു. മന്ത്രി പി. രാജീവ് ഉദ്ഘാടനം ചെയ്തു.
കിന്ഫ്രാ ഇലക്ട്രോണിക് മാനുഫാക്ചറിംഗ് ക്ലസ്റ്ററിലെ 5 ഏക്കര് സ്ഥലത്താണ് ഹൈക്കോണിന്റെ ആധുനിക നിര്മാണ യൂണിറ്റ്. ആദ്യഘട്ടത്തില്, 52,000 ചതുരശ്ര അടി വിസ്തീര്ണത്തില് കോര്പറേറ്റ് ഓഫീസും ഇലക്ട്രിക് മുചക്ര ലിഥിയം ബാറ്ററികളും നിര്മിക്കുന്നതിനുള്ള യൂണിറ്റും ഉള്പ്പെടുന്നു.
ഈ ഫാക്ടറി 250 കിലോവാട്സ് സോളാര് പ്ലാന്റും 500 കിലോവാട്ട് അവര് ബാറ്ററി എനര്ജി സ്റ്റോറേജ് സിസ്റ്റവും ഉപയോഗിച്ച് പൂര്ണമായും ഹരിത ഊര്ജത്തിലാണ് പ്രവര്ത്തിക്കുന്നത്.
തൃശൂര് സ്വദേശിയായ ക്രിസ്റ്റോ ജോര്ജ് 1991 ലാണ് ഹൈകോണ് ഇന്ത്യ ലിമിറ്റഡ് സ്ഥാപിക്കുന്നത്. വെറും അഞ്ച് ജീവനക്കാരുമായി തുടങ്ങിയ കമ്പനി ഇപ്പോള് യുപിഎസ്, ഇന്വെര്ട്ടറുകള്, സെര്വോ സ്റ്റെബിലൈസറുകള്, സൗരോര്ജ ഉത്പന്നങ്ങള്, സോളാര് വാട്ടര് ഹീറ്ററുകള്, സോളാര് ലൈറ്റുകള് എന്നിവയുടെ നിര്മാണത്തില് മുന്നിരക്കാരാണ്.
ഹൈകോണ് ഇലക്ട്രോണിക് സിസ്റ്റംസ്, ഹൈകോണ് പവര് ഇലക്ട്രോണിക്സ്, ഹൈകോണ് സോളാര് എനര്ജി, ഹൈകോണ് ഇന്ത്യ എന്നിങ്ങനെ നാല് വ്യത്യസ്ത കമ്പനികളായിട്ടാണ് ആദ്യകാലത്ത് പ്രവര്ത്തിച്ചിരുന്നത്. 2017ല് ഈ കമ്പനികളെല്ലാം ലയിപ്പിച്ച് ഹൈകോണ് ഇന്ത്യ എന്ന ഒരൊറ്റ സ്ഥാപനമാക്കി മാറ്റുകയായിരുന്നു.
Read DhanamOnline in English
Subscribe to Dhanam Magazine