ഇന്ത്യയിലെ വളർത്തുമൃഗ സംരക്ഷണ വ്യവസായം അതിവേഗം വികസിച്ചുകൊണ്ടിരിക്കുകയാണ്. വളർന്നുവരുന്ന വിപണിയിലേക്ക് കടക്കാൻ ആഗ്രഹിക്കുന്ന സംരംഭകർക്കും ചെറുകിട, ഇടത്തരം ബിസിനസുകൾക്കും (SME) ആകര്ഷകമായ ബിസിനസ് സാധ്യതകളാണ് ഈ മേഖല തുറന്നിടുന്നത്. കുടുംബങ്ങളുടെ വർദ്ധിക്കുന്ന വരുമാനം, നഗരവൽക്കരണം, വ്യാപകമാകുന്ന ന്യൂക്ലിയർ കുടുംബ ഘടന, വളർത്തുമൃഗങ്ങളുമായുള്ള ആഴത്തിലുള്ള വൈകാരിക ബന്ധം എന്നിവയെല്ലാം ഇന്ത്യയിൽ നിലവിൽ വളർത്തുമൃഗങ്ങള് വര്ദ്ധിക്കുന്നതിനുളള കാരണങ്ങളാണ്.
2023-ൽ 5,000 കോടി രൂപയിലധികം മൂല്യമുളള വിപണിയായി ഇത് മാറി, വളർത്തുമൃഗ സംരക്ഷണ മേഖല 20 ശതമാനം എന്ന ശ്രദ്ധേയമായ സംയുക്ത വാർഷിക വളർച്ചാ നിരക്കിൽ (CAGR) ഇന്ത്യയില് വികസിച്ചുകൊണ്ടിരിക്കുകയാണ്. ഇന്ത്യയില് ഏകദേശം 3 കോടി വളര്ത്തുനായ്ക്കളും 50 ലക്ഷം വളര്ത്തു പൂച്ചകളും ഉണ്ടെന്നാണ് കണക്കാക്കുന്നത്.
വളർത്തുമൃഗ സംരക്ഷണ മേഖലയിൽ സൂക്ഷ്മ, ചെറുകിട, ഇടത്തരം ബിസിനസുകൾക്ക് (MSME കൾ) വലിയ സാധ്യതകളാണ് ഉളളത്. സ്റ്റാർട്ടപ്പ് ഇന്ത്യ സീഡ് ഫണ്ട് സ്കീം (SISFS), മുദ്ര വായ്പകൾ, ക്രെഡിറ്റ് ഗ്യാരണ്ടി ഫണ്ട് ട്രസ്റ്റ് ഫോർ മൈക്രോ ആൻഡ് സ്മോൾ എന്റർപ്രൈസസ് (CGTMSE) തുടങ്ങിയ പരിപാടികളിലൂടെ സര്ക്കാര് ഈ മേഖലയില് വ്യവസായങ്ങളെ വലിയ തോതില് പ്രോത്സാഹിപ്പിക്കുന്നു.
ആധുനിക സാങ്കേതിക വിദ്യയുടെ സഹായത്തോടെ വളർത്തുമൃഗങ്ങളെ പരിപാലിക്കുന്നതിനും രോഗനിർണയത്തിനും ഇന്റര്നെറ്റുമായി ബന്ധിപ്പിക്കുന്ന സ്മാർട്ട് കോളറുകളും (Internet of Things based smart collars) നിര്മ്മിത ബുദ്ധിയുടെ (AI) യുടെ പ്രയോഗവും കൂടുതൽ പ്രചാരത്തിലായികൊണ്ടിരിക്കുകയാണ്.
വളർത്തുമൃഗ സംരക്ഷണ മേഖലയിലെ പുതിയ ബിസിനസ് അവസരങ്ങൾ
വളർത്തുമൃഗ പരിചരണ സേവനങ്ങൾ: ഹോം ഗ്രൂമിംഗ്, മൊബൈൽ സലൂണുകൾ, സ്പാ ചികിത്സകൾ, ബ്രീഡ്-നിർദ്ദിഷ്ട സ്റ്റൈലിംഗ് തുടങ്ങിയ ബോട്ടിക് പാർലറുകൾ വാഗ്ദാനം ചെയ്യുന്ന ബിസിനസുകള്.
വളർത്തുമൃഗ ഭക്ഷണം: ആരോഗ്യകരമായ വളർത്തുമൃഗ ഭക്ഷണക്രമത്തിലേക്കുള്ള മാറ്റം പ്രാദേശിക ബ്രാൻഡുകൾക്ക് ജൈവ, ധാന്യ രഹിത ഭക്ഷണവും ആയുർവേദ സപ്ലിമെന്റുകളും വാഗ്ദാനം ചെയ്യുന്ന ബിസിനസ് അവസരങ്ങൾ തുറന്നിടുന്നു.
വളർത്തുമൃഗങ്ങളുടെ ആരോഗ്യ സംരക്ഷണം: ടെലിഹെൽത്ത്, വളർത്തുമൃഗ ഇൻഷുറൻസ്, ഫിറ്റ്നസ് ട്രാക്കറുകൾ, വെൽനസ് ഷോപ്പുകള് തുടങ്ങി സാങ്കേതികവിദ്യ അടിസ്ഥാനമാക്കിയുള്ള സേവനങ്ങളിലൂടെ ഈ വിഭാഗം അതിവേഗം വികസിച്ചുകൊണ്ടിരിക്കുന്നതിനാല് വലിയ ബിസിനസ് അവസരങ്ങളാണ് ഈ വിഭാഗത്തില് ഉളളത്.
പെറ്റ് ബോർഡിംഗ്, ഡേകെയർ: സിസിടിവി, പരിശീലനം, കളി മേഖലകൾ തുടങ്ങിയ ആധുനിക സൗകര്യങ്ങളോടെ പെറ്റ് റിസോർട്ടുകളും ഡേകെയർ സെന്ററുകളും സംരംഭകർക്ക് ആരംഭിക്കാന് സാധിക്കും.
വളർത്തുമൃഗ ആക്സസറികള്: വ്യക്തിഗതമാക്കിയ, പരിസ്ഥിതി സൗഹൃദമായ വളർത്തുമൃഗ ഉൽപ്പന്നങ്ങൾ ഓൺലൈനിൽ വിൽക്കുന്നതിന് സ്റ്റാർട്ടപ്പുകൾക്ക് വലിയ അവസരങ്ങളാണ് ഉളളത്.
India's pet care industry crosses ₹5,000 crore, opening vast business opportunities for small and medium enterprises.
Read DhanamOnline in English
Subscribe to Dhanam Magazine