ലീല ഹോട്ടൽ ശൃംഖലയുടെ ഹോട്ടലുകൾ കാനഡ ആസ്ഥാനമായ ബ്രുക്ഫീൽഡിന് വിൽക്കുന്നത് സെബി വിലക്കി. നാല് ഹോട്ടലുകളും മറ്റ് ആസ്തികളും 3950 കോടി രൂപയ്ക്ക് വിൽക്കാനായിരുന്നു തീരുമാനം. എന്നാൽ ഹോട്ടൽ ലീല വെൻച്വറിൽ 7.92% ഓഹരി പങ്കാളിത്തമുള്ള ഐടിസി ഈ തീരുമാനത്തെ ചോദ്യം ചെയ്ത് മുന്നോട്ടു വന്നിരുന്നു.
2. മുത്തൂറ്റ് ക്യാപിറ്റൽ സർവീസസ്: ലാഭം 82 കോടി രൂപ
മുത്തൂറ്റ് പാപ്പച്ചൻ ഗ്രൂപ്പിന് കീഴിലുള്ള മുത്തൂറ്റ് ക്യാപിറ്റൽ സർവീസസ് കഴിഞ്ഞ സാമ്പത്തിക വർഷം നേടിയത് 82 കോടി രൂപ ലാഭം. മുൻ സാമ്പത്തിക വർഷത്തേക്കാൾ 54% കൂടുതലാണിത്. വായ്പാ വിതരണത്തിലുള്ള വർധന 8% മാണ്.
എയർടെല്ലിനെ മറികടന്ന് രാജ്യത്തെ രണ്ടാമത്തെ ടെലകോം കമ്പനിയായി റിലയൻസ് ജിയോ. രണ്ടര വർഷം കൊണ്ടാണ് ജിയോ ഈ നേട്ടം സ്വന്തമാക്കിയത്. 30.6 കോടി ഉപഭോക്താക്കളാണ് ജിയോയ്ക്ക് ഇപ്പോഴുള്ളത്. 38.7 കോടി ഉപഭോക്താക്കളുള്ള വൊഡാഫോൺ-ഐഡിയയാണ് ഒന്നാമത്.
കേരളത്തിലെ തങ്ങളുടെ ഡയറി ബിസിനസ് വിപുലീകരിക്കാൻ പ്രമുഖ കമ്പനിയായ ഐടിസി. ഐടിസി പാൽ അധിഷ്ഠിത റെഡി-ടു-ഡ്രിങ്ക് ഉൽപന്ന ബ്രാൻഡായ സൺഫീസ്റ്റ് വണ്ടേഴ്സ് മിൽക്ക് ആണ് കേരളത്തിൽ വിൽക്കാൻ ഉദ്ദേശിക്കുന്നത്. നിലവിൽ നെയ്യ്, തൈര്, പക്കേജ്ഡ് പാൽ എന്നിവ ഐടിസി സംസ്ഥാനത്ത് വിൽക്കുന്നുണ്ട്.
യൂബറിന്റെ ഇന്ത്യ ആന്ഡ് ഏഷ്യ-പെസിഫിക് പ്രസിഡന്റ് അമിത് ജെയിൻ രാജിവെച്ചു. കഴിഞ്ഞ മേയിലാണ് ഇന്ത്യയ്ക്ക് പുറമേ ഏഷ്യ-പെസിഫിക് വിപണിയുടെയും ചുമതല അദ്ദേഹം ഏറ്റെടുത്തത്.
Read DhanamOnline in English
Subscribe to Dhanam Magazine