സോഫ്റ്റ് ഡ്രിങ്കുകളില് പഞ്ചസാരയുടെ അളവ് കുറക്കാന് യുഎഇ സര്ക്കാരിന്റെ പുതിയ നികുതി നീക്കം. പാനീയങ്ങളില് പഞ്ചസാരയുടെ അളവ് കൂടുന്നതിനസരിച്ച് കൂടുതല് നികുതി ചുമത്താനാണ് തീരുമാനം. ഇതോടെ മധുരം കൂടുതലുള്ള പാനീയങ്ങള്ക്ക് വിപണിയില് വില വര്ധിക്കും. അടുത്തവര്ഷം മുതലാണ് ഈ നിയമം പ്രാബല്യത്തിലാകുന്നത്.
പഞ്ചസാരയുടെ ഉപയോഗം കുറക്കുകയെന്ന ലക്ഷ്യത്തോടെയാണ് സര്ക്കാര് പുതിയ തീരുമാനമെടുത്തത്. നേരത്തെ പഞ്ചസാര ഉള്പ്പെടുന്ന സോഫ്റ്റ് ഡ്രിങ്കുകള്ക്ക് ഒരു നികുതി നിരക്ക് എന്നതായിരുന്നു രീതി. എന്നാല് പഞ്ചസാരയുടെ അളവ് കൂടുന്നതിന് അനുസരിച്ച് നികുതി കൂട്ടാനാണ് പുതിയ തീരുമാനം. ഓരോ 100 മില്ലി ലിറ്ററിലും അടങ്ങിയിട്ടുള്ള പഞ്ചസാരയുടെ അളവിന് അനുസരിച്ചാണ് നികുതി നിശ്ചയിക്കുന്നത്. ഇതോടെ ഉല്പ്പന്നങ്ങളില് പഞ്ചസാര കുറക്കുന്നതിനോ ഉയര്ന്ന വിലയില് വില്ക്കുന്നതിനോ കമ്പനികള് നിര്ബന്ധിതരാകും. നിലവില് വിപണിയിലുള്ള ഉല്പ്പന്നങ്ങളെ ഇത് ബാധിക്കില്ല. കമ്പനികള്ക്ക് ഉല്പ്പന്നങ്ങളുടെ നിര്മാണ രീതി മാറ്റുന്നതിന് സമയം ആവശ്യമുള്ളതിനാലാണ് പുതിയ നികുതി അടുത്ത വര്ഷം ആദ്യം വരെ നീട്ടിവെക്കുന്നതെന്ന് യു.എ.എ ധനകാര്യ മന്ത്രാലയവും ഫെഡറല് ടാക്സ് അതോറിട്ടിയും വ്യക്തമാക്കി.
Read DhanamOnline in English
Subscribe to Dhanam Magazine