തമിഴ്നാട്ടിലെ വണക്കം എച്ച്.ആർ.ഡി സംഘടിപ്പിച്ച ഇത്തവണത്തെ എച്ച്.ആർ കോൺക്ലേവിൽ ഫ്രാഞ്ചൈസിംഗ് രംഗത്തെ ദീർഘകാല പ്രവർത്തനങ്ങൾക്കും സമഗ്ര സംഭാവനയ്ക്കുമുള്ള അംഗീകാരമായി ഡോ. ചാക്കോച്ചൻ മത്തായിയെ ‘ഫ്രാഞ്ചൈസിംഗ് വിഷനറി’ പുരസ്കാരത്തോടെ ആദരിച്ചു. കെ. മാഫോയ് പാണ്ഡ്യരാജനും ശ്രീറാം മനോഹരനും ചേർന്ന് അദ്ദേഹത്തിന് അവാർഡ് സമ്മാനിച്ചു.
തമിഴ്നാട് കേന്ദ്രീകരിച്ച് ഹ്യൂമൻ റിസോഴ്സ് ഡെവലപ്മെന്റ് (എച്ച്.ആർ.ഡി) മേഖലയിൽ പ്രവർത്തിക്കുന്ന നെറ്റ്വർക്കിങ് കമ്മ്യൂണിറ്റിയും സന്നദ്ധ സംഘടനയുമായ വണക്കം എച്ച്.ആർ.ഡി (Vanakkam HRD), പ്രമുഖ ഫ്രാഞ്ചൈസിംഗ് വിദഗ്ദ്ധൻ ഡോ. ചാക്കോച്ചൻ മത്തായിയെ ആദരിച്ചു. കഴിഞ്ഞ ദിവസം ചെന്നൈ ട്രേഡ് സെന്ററിൽ സംഘടിപ്പിച്ച എച്ച്.ആർ കോൺക്ലേവിൽ 'ഫ്രാഞ്ചൈസിംഗ് വിഷനറി അവാർഡ്' നൽകിയാണ് അദ്ദേഹത്തെ ആദരിച്ചത്.
ഫ്രാഞ്ചൈസിംഗ് വ്യവസായ മേഖലയ്ക്ക് ഡോ. ചാക്കോച്ചൻ മത്തായി നൽകിയ സമഗ്ര സംഭാവനകളും പ്രൊഫഷണൽ നിലവാരം ഉയർത്തുന്നതിൽ അദ്ദേഹം വഹിച്ച നിസ്തുലമായ പങ്കും മുൻനിർത്തിയാണ് ആദരം. തമിഴ്നാട് മുൻ മന്ത്രിയും സി.ഐ.ഇ.എൽ എക്സിക്യൂട്ടീവ് ചെയർമാനുമായ കെ. മാഫോയ് പാണ്ഡ്യരാജൻ, കോണ്ടസ് ടെക് (Contus Tech) സ്ഥാപകനും സി.ഇ.ഒ.യുമായ ശ്രീറാം മനോഹരൻ എന്നിവർ ചേർന്ന് ഡോ. ചാക്കോച്ചൻ മത്തായിക്ക് പുരസ്കാരം സമ്മാനിച്ചു.
ഇന്ത്യയിലെ ഫ്രാഞ്ചൈസിംഗ് വ്യവസായത്തിന്റെ പുരോഗതിക്കായി താൻ നടത്തിവരുന്ന തുടർച്ചയായ പ്രവർത്തനങ്ങൾക്കുള്ള അംഗീകാരമായി പുരസ്കാരത്തെ കാണുന്നുവെന്ന് ഡോ. ചാക്കോച്ചൻ മത്തായി പ്രതകരിച്ചു. യുവ എച്ച്.ആർ പ്രൊഫഷണലുകളും വണക്കം എച്ച്.ആർ.ഡി സ്ഥാപകനുമായ പി. രാജേശ്വരൻ, ഭരതിരാജ തങ്കപ്പാലം എന്നിവരുടെ നേതൃത്വത്തിലാണ് ഇത്തവണത്തെ എച്ച്.ആർ കോൺക്ലേവ് സംഘടിപ്പിച്ചത്.
Read DhanamOnline in English
Subscribe to Dhanam Magazine