ജർമ്മനി, പോർച്ചുഗൽ, ഫ്രാൻസ് എന്നിവ 2024 ലെ പുതിയ വീസ നയങ്ങൾ നടപ്പാക്കാന് ആരംഭിച്ചു. വിദഗ്ധ തൊഴിലാളികൾക്ക് കുടിയേറ്റം എളുപ്പമാക്കുന്നതാണ് ഇത്. ജർമ്മനിയുടെ ഓപ്പർച്യുണിറ്റി കാർഡ് യൂറോപ്യന് യൂണിയന് പുറത്തുളള പ്രൊഫഷണലുകൾക്ക് ഒരു വർഷം വരെ തൊഴിൽ തേടാൻ അനുവദിക്കുന്നതാണ്.
ഫ്രാൻസിൻ്റെ ടാലൻ്റ് പാസ്പോർട്ട് വിസ ഉയർന്ന വൈദഗ്ധ്യമുള്ള പ്രൊഫഷണലുകൾക്ക് മൾട്ടി-ഇയർ റെസിഡൻസ് പെർമിറ്റ് വാഗ്ദാനം ചെയ്യുന്നു. പോർച്ചുഗൽ അതിൻ്റെ സീസണൽ ടൂറിസം ഡിമാൻഡ് നിറവേറ്റുന്നതിനായി ഒമ്പത് മാസം വരെയുള്ള ഹ്രസ്വകാല സീസണൽ വീസയും രണ്ട് വർഷം വരെ ദീർഘകാല വീസയും ഉൾപ്പെടെയുളള ഫ്ലെക്സിബിൾ വിസ ഓപ്ഷനുകൾ വാഗ്ദാനം ചെയ്യുന്നു.
ഈ മാറ്റങ്ങൾ ഇമിഗ്രേഷൻ പ്രക്രിയകൾ കാര്യക്ഷമമാക്കുന്നതാണ്. കൂടാതെ ഇതിന് ഈ രാജ്യങ്ങളിലെ ഗുരുതരമായ തൊഴിൽ ക്ഷാമം പരിഹരിക്കുക എന്ന ലക്ഷ്യം കൂടിയുണ്ട്.
ഓപ്പർച്യുണിറ്റി കാർഡ് അവതരിപ്പിച്ചുകൊണ്ടാണ് ജർമ്മനി അതിൻ്റെ സ്കിൽഡ് ഇമിഗ്രേഷൻ നിയമം പരിഷ്ക്കരിച്ചിരിക്കുന്നത്. യൂറോപ്യൻ യൂണിയൻ ഇതര രാജ്യങ്ങളിൽ നിന്നുള്ള വിദഗ്ധ തൊഴിലാളികൾക്ക് മുൻകൂർ ജോലി വാഗ്ദാനം ഇല്ലാതെ തന്നെ രാജ്യത്ത് ഒരു വർഷം വരെ ജോലി അന്വേഷിക്കാന് അനുവദിക്കുന്നതാണ് ഈ വീസ.
അനുയോജ്യമായ യോഗ്യതകൾ, പ്രവൃത്തിപരിചയം, ഭാഷാ വൈദഗ്ധ്യം (ജർമ്മൻ അല്ലെങ്കിൽ ഇംഗ്ലീഷ്) എന്നിവയാണ് ഉദ്യോഗാര്ത്ഥികള്ക്കുളള മാനദണ്ഡങ്ങള്.
കാര്യമായ തൊഴിലാളി ക്ഷാമം നേരിടുന്ന ഐ.ടി, ആരോഗ്യ രംഗം, ടൂറിസം, ഹോസ്പിറ്റാലിറ്റി തുടങ്ങിയ മേഖലകളിലെ അവസരങ്ങൾ പ്രൊഫഷണലുകൾക്ക് എളുപ്പത്തിൽ ലഭ്യമാക്കുന്നതിനാണ് ഈ സംവിധാനം രൂപകൽപ്പന ചെയ്തിരിക്കുന്നത്. നഴ്സുമാര്, എഞ്ചിനിയര്മാര്, ഐ.ടി പ്രൊഫഷണലുകള് എന്നിവ കേരളത്തില് ധാരാളമായി ഉളളതിനാല് ഈ നീക്കം സംസ്ഥാനത്തിന് ഗുണകരമാകുമെന്നാണ് വിലയിരുത്തല്.
ഉയർന്ന യോഗ്യതയുള്ള പ്രൊഫഷണലുകൾക്കായി രൂപകൽപ്പന ചെയ്ത യൂറോപ്യന് യൂണിയന് ബ്ലൂ കാർഡ് പദ്ധതിയുടെ ഭാഗമായാണ് ടാലൻ്റ് പാസ്പോർട്ട് വീസ ഫ്രാൻസ് വാഗ്ദാനം ചെയ്യുന്നത്. അപേക്ഷകർക്ക് ഒരു വർഷത്തിൽ കൂടുതൽ തൊഴിൽ കരാർ ആവശ്യമാണ്.
ഈ വീസ നാല് വർഷം വരെ റെസിഡൻസ് പെർമിറ്റിന് അനുവദിക്കുന്നു. കൂടാതെ ഉദ്യോഗാര്ത്ഥികള്ക്ക് ഫ്രാൻസിൽ എത്തി രണ്ട് മാസത്തിനുള്ളിൽ പെർമിറ്റിന് അപേക്ഷിക്കാവുന്നതാണ്. ഫ്രാൻസിൻ്റെ സമ്പദ്വ്യവസ്ഥയ്ക്ക് നിർണായകമായ ആരോഗ്യ രംഗം, ഹോസ്പിറ്റാലിറ്റി തുടങ്ങി മേഖലകളിലെ പ്രൊഫഷണലുകൾക്ക് ഈ വിസ വാതിലുകൾ തുറക്കുന്നു.
ഉദ്യോഗാര്ത്ഥികളെ ഒമ്പത് മാസം വരെ സീസണൽ വ്യവസായങ്ങളിൽ ജോലി ചെയ്യാൻ അനുവദിക്കുന്നു. അതേസമയം ഉദ്യോഗാര്ത്ഥികള് തിരഞ്ഞെടുക്കുന്ന തൊഴിൽ മേഖലയെ ആശ്രയിച്ച് ദീർഘകാല വീസകൾ ഒന്ന് മുതൽ രണ്ട് വർഷം വരെ അനുവദിക്കുന്നുണ്ട്.
ഈ ഫ്ലെക്സിബിൾ വീസ ഓപ്ഷനുകൾ പീക്ക് സീസണുകളിൽ വിദഗ്ധ തൊഴിലാളികളെ കണ്ടെത്താൻ രാജ്യത്തെ തൊഴിലുടമകളെ സഹായിക്കുന്നതാണ്.
പോർച്ചുഗലിൻ്റെ വീസ പ്രോഗ്രാമുകൾ ദീർഘകാലത്തേക്കും താത്കാലികമായും ഉദ്യോഗാര്ത്ഥികളെ തൊഴില് തേടാന് സഹായിക്കുന്നതാണ്. പോർച്ചുഗലിൻ്റെ വീസ പോർട്ടൽ വഴി ഓൺലൈനായി ഉദ്യോഗാര്ത്ഥികള്ക്ക് അപേക്ഷിക്കാവുന്നതാണ്. ഡിമാൻഡും യോഗ്യതയും അനുസരിച്ച് വീസ പ്രോസസിംഗിന് സാധാരണയായി കുറച്ച് ആഴ്ചകൾ എടുത്തേക്കാം.
ലോകമെമ്പാടുമുള്ള വിദഗ്ധരായ പ്രൊഫഷണലുകളെ ആകർഷിക്കുക, യൂറോപ്പിലെ നൈപുണ്യ ദൗർലഭ്യം പരിഹരിക്കുക തുടങ്ങിയ ലക്ഷ്യങ്ങളുടെ ഭാഗമായാണ് ഈ വിപുലീകരിച്ച വീസ ഓപ്ഷനുകൾ.
Read DhanamOnline in English
Subscribe to Dhanam Magazine