സ്പെഷ്യലൈസ്ഡ് ഇൻവെസ്റ്റ്മെന്റ് ഫണ്ട് (SIF) എന്ന അസറ്റ് ക്ലാസിന്റെ അന്തിമ രൂപം പുറത്തിറക്കിയിരിക്കുകയാണ് സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഓഫ് ഇന്ത്യ (സെബി). മ്യൂച്വൽ ഫണ്ടുകൾക്കും പോർട്ട്ഫോളിയോ മാനേജ്മെന്റ് സർവീസസിനും (PMS) ഇടയിലുള്ള വിടവ് നികത്തുന്നതിനായാണ് ഈ പുതിയ നിക്ഷേപ പദ്ധതി സെബി അവതരിപ്പിച്ചിരിക്കുന്നത്. ഏപ്രിൽ 1 മുതലാണ് എസ്.ഐ.എഫ് പ്രാബല്യത്തിൽ വരിക.
റെഗുലേറ്ററി നിയന്ത്രണവും നിക്ഷേപക സംരക്ഷണവും ഉറപ്പാക്കിക്കൊണ്ട് കൂടുതല് വഴക്കം നല്കുന്ന പോർട്ട്ഫോളിയോയുളള ഒരു മധ്യനിര ലഭ്യമാക്കുക എന്നതാണ് SIF കൾ ലക്ഷ്യമിടുന്നത്. മൂന്ന് വിഭാഗത്തിലുള്ള നിക്ഷേപ മാര്ഗങ്ങളാണ് സ്പെഷ്യലൈസ്ഡ് ഇൻവെസ്റ്റ്മെന്റ് ഫണ്ടുകള് വാഗ്ദാനം ചെയ്യുന്നത്. ഇക്വിറ്റി, ഡെറ്റ്, ഹൈബ്രിഡ് അസറ്റ് ക്ലാസുകളിലായി ഒന്നിലധികം നിക്ഷേപ മാര്ഗങ്ങള് എസ്.ഐ.എഫില് സ്വീകരിക്കാവുന്നതാണ്.
ഇക്വിറ്റി ലോംഗ്-ഷോർട്ട് ഫണ്ടുകൾ, സെക്ടർ റൊട്ടേഷൻ ഫണ്ടുകൾ തുടങ്ങിയവയാണ് ഇക്വിറ്റി നിക്ഷേപ മാര്ഗങ്ങളില് വരുന്നത്. ഡെറ്റ്-ലോംഗ്-ഷോർട്ട് ഫണ്ടുകൾ, സെക്ടറൽ ഡെറ്റ് ഫണ്ടുകൾ തുടങ്ങിയവയാണ് ഡെറ്റ് അസറ്റ് ക്ലാസില് വരുന്നത്. ആക്ടീവ് അസറ്റ് അലോക്കേറ്റർ ഫണ്ടുകൾ, ഹൈബ്രിഡ് ലോംഗ്-ഷോർട്ട് ഫണ്ടുകൾ എന്നിവയുൾപ്പെടുന്ന ഹൈബ്രിഡ് മാര്ഗമാണ് മൂന്നാമത്തേത്.
ഇക്വിറ്റി ലോംഗ്-ഷോർട്ട് ഫണ്ട് 25 ശതമാനം ഷോർട്ട് ലിമിറ്റുള്ള ഇക്വിറ്റികളിൽ കുറഞ്ഞത് 80 ശതമാനം നിക്ഷേപിക്കുന്നു. ലാർജ്-ക്യാപ് ഓഹരികളെ ഒഴിവാക്കുകയും 65 ശതമാനം ഇക്വിറ്റി എക്സ്പോഷർ നിലനിർത്തുകയും ചെയ്യുന്നവയാണ് ഇക്വിറ്റി എക്സ്-ടോപ്പ് 100 ലോംഗ്-ഷോർട്ട് ഫണ്ട്. പരമാവധി നാല് മേഖലകളിൽ ശ്രദ്ധ കേന്ദ്രീകരിക്കുന്നവയാണ് സെക്ടർ റൊട്ടേഷൻ ലോംഗ്-ഷോർട്ട് ഫണ്ട്.
സ്ഥിര വരുമാന സെക്യൂരിറ്റികളിൽ നിക്ഷേപിക്കുന്നതാണ് ഡെറ്റ്-ഓറിയന്റഡ് മാര്ഗം. എല്ലാ മേഖലകളിലും എക്സ്പോഷർ അനുവദിക്കുന്നതാണ് ഡെറ്റ് ലോംഗ്-ഷോർട്ട് ഫണ്ട്. എന്നാല് സെക്ടറൽ ഡെറ്റ് ലോംഗ്-ഷോർട്ട് ഫണ്ട് രണ്ടോ അതിലധികമോ മേഖലകളിൽ ശ്രദ്ധ കേന്ദ്രീകരിക്കുന്നു, ഓരോ മേഖലയ്ക്കും എക്സ്പോഷർ 75 ശതമാനമായും പരിമിതപ്പെടുത്തിയിട്ടുണ്ട്.
ഒന്നിലധികം അസറ്റ് ക്ലാസുകളെ സംയോജിപ്പിക്കുന്നതാണ് ഹൈബ്രിഡ് നിക്ഷേപ മാര്ഗം. ഇക്വിറ്റി, ഡെറ്റ്, REIT കൾ, കമ്മോഡിറ്റികൾ തുടങ്ങിയവയില് നിക്ഷേപിക്കുന്നതാണ് ആക്റ്റീവ് അസറ്റ് അലോക്കേറ്റർ ലോംഗ്-ഷോർട്ട് ഫണ്ട്. ഇക്വിറ്റിയിലും ഡെറ്റിലും കുറഞ്ഞത് 25 ശതമാനം നിക്ഷേപം നടത്തുന്നതിനെയാണ് ഹൈബ്രിഡ് ലോംഗ്-ഷോർട്ട് ഫണ്ട് പറയുന്നത്.
ഒരു SIF ന് ഒരു വിഭാഗത്തില് ഒരു നിക്ഷേപ മാര്ഗം മാത്രം അനുവദിക്കുന്ന തരത്തിലാണ് നിലവില് ഇതിന്റെ അന്തിമ രൂപം പുറത്തിറക്കിയിരിക്കുന്നത്.
കുറഞ്ഞത് 10 ലക്ഷം രൂപയാണ് എസ്.ഐ.എഫില് നിക്ഷേപിക്കേണ്ടത്. റിഡീംഷൻ മൂലം ഒരു നിക്ഷേപകന്റെ മൊത്തം നിക്ഷേപം 10 ലക്ഷത്തിൽ താഴെ ആവുകയാണെങ്കിൽ, ശേഷിക്കുന്ന മുഴുവൻ നിക്ഷേപവും അവർ റിഡീം ചെയ്യണം.
വഴക്കമുളള സബ്സ്ക്രിപ്ഷന്, റിഡീംഷൻ ഫ്രീക്വൻസി സാധ്യതകളാണ് SIF കൾക്ക് ഉളളത്. ദിവസം, ആഴ്ച, മാസം അല്ലെങ്കിൽ മെച്യൂരിറ്റി എന്നിവ അടിസ്ഥാനമാക്കി റിഡീംഷന് ഓപ്ഷനുകള് സാധ്യമാണ്. ഫണ്ട് മാനേജർമാർക്ക് ലിക്വിഡിറ്റി ഫലപ്രദമായി കൈകാര്യം ചെയ്യുന്നതിനായി റിഡീംഷൻ പ്രക്രിയയിൽ 15 പ്രവൃത്തി ദിവസങ്ങൾ വരെയുള്ള അറിയിപ്പ് കാലയളവ് ഉൾപ്പെടാം.
10,000 കോടി രൂപയോ അതിൽ കൂടുതലോ ആസ്തികൾ കൈകാര്യം ചെയ്യുന്ന (AUM) മൂന്ന് വർഷമായി പ്രവര്ത്തിക്കുന്ന അസറ്റ് മാനേജ്മെന്റ് കമ്പനിക്ക് (AMC) എസ്.ഐ.എഫ് സ്ഥാപിക്കാവുന്നതാണ്.
Read DhanamOnline in English
Subscribe to Dhanam Magazine