നിക്ഷേപകർക്ക് ക്ലെയിം ചെയ്യപ്പെടാത്തതോ (unclaimed) നിഷ്ക്രിയമായതോ (inactive) ആയ മ്യൂച്വൽ ഫണ്ട് നിക്ഷേപങ്ങൾ തിരികെ ലഭിക്കുന്നതിനായി സെബി (SEBI) അവതരിപ്പിച്ച ഫലപ്രദമായ പ്ലാറ്റ്ഫോമാണ് 'മിത്ര' (MITRA - Mutual Fund Investment Tracing and Retrieval Assistant).
എന്താണ് നിഷ്ക്രിയ ഫോളിയോ? പത്ത് വർഷമായി നിക്ഷേപകന്റെ ഭാഗത്തുനിന്ന് യാതൊരു ഇടപാടും (ട്രാൻസാക്ഷൻ) നടക്കാത്ത മ്യൂച്വൽ ഫണ്ട് ഫോളിയോകളെയാണ് 'നിഷ്ക്രിയ ഫോളിയോ' എന്ന് നിർവചിക്കുന്നത്. ഓപ്പൺ എൻഡഡ് സ്കീമുകളിൽ നിക്ഷേപം തുടരുകയും, എന്നാൽ പിന്നീട് റഡീം ചെയ്യാനോ ശ്രദ്ധിക്കാനോ കഴിയാതെ പോയ നിക്ഷേപങ്ങൾ ഇതിൽ ഉൾപ്പെടുന്നു.
നിഷ്ക്രിയമായ ഫണ്ടുകൾ ട്രാക്ക് ചെയ്യാനും തിരിച്ചുപിടിക്കാനും മിത്ര പ്ലാറ്റ്ഫോം സഹായിക്കുന്നു. ഘട്ടം ഘട്ടമായുള്ള ഗൈഡ്.
പോർട്ടൽ സന്ദർശിക്കുക: ആദ്യം MF Central-ന്റെ inactive folios ലിങ്കായ https://app.mfcentral.com/links/inactive-folios സന്ദർശിക്കുക. അസറ്റ് മാനേജ്മെന്റ് കമ്പനികൾ (AMCs), AMFI, മറ്റ് RTA-കൾ എന്നിവയുടെ വെബ്സൈറ്റുകളിലും ഇതിന്റെ ലിങ്ക് ലഭ്യമാണ്.
PAN നൽകുക: പ്ലാറ്റ്ഫോമിൽ നിങ്ങളുടെ PAN (പെർമനന്റ് അക്കൗണ്ട് നമ്പർ) നൽകുക.
OTP സ്ഥിരീകരിക്കുക: നിങ്ങളുടെ പാൻ നമ്പറുമായി ബന്ധിപ്പിച്ച ഇമെയിൽ ഐഡിയിൽ ലഭിച്ച OTP (വൺ ടൈം പാസ്വേർഡ്) നൽകി പ്രവേശിക്കുക.
വിവരങ്ങൾ ചേർക്കുക: നിക്ഷേപകന്റെ വിവരങ്ങൾ (PAN/Email/Mobile Number/DOB/Bank A/c No) ഉൾപ്പെടെയുള്ള പ്രൊഫൈൽ വിവരങ്ങൾ കൃത്യമായി നൽകുക.
അധിക വിവരങ്ങൾ: വിലാസം, നോമിനിയുടെ പേര്, നഗരം, പിൻ കോഡ് തുടങ്ങിയ മറ്റ് വിവരങ്ങളും ചേർക്കുക.
അഭ്യർത്ഥന സമർപ്പിക്കുക: ആവശ്യമായ വിവരങ്ങൾ നൽകി അപേക്ഷ പൂർത്തിയാക്കുമ്പോൾ, നിങ്ങളുടെ അഭ്യർത്ഥന അംഗീകരിക്കുകയും ഒരു Request ID സൃഷ്ടിക്കപ്പെടുകയും ചെയ്യും.
പുരോഗതി ട്രാക്ക് ചെയ്യുക: ഈ Request ID ഉപയോഗിച്ച് നിങ്ങളുടെ അഭ്യർത്ഥനയുടെ പുരോഗതി ട്രാക്ക് ചെയ്യാൻ സാധിക്കും.
ഈ സൗകര്യം എൻ.ആർ.ഐ (NRI) നിക്ഷേപകർക്കും ഉപയോഗിക്കാവുന്നതാണ്. അതുപോലെ, ഒരാൾക്ക് സ്വന്തം നിക്ഷേപങ്ങൾ മാത്രമല്ല, കുടുംബാംഗങ്ങളുടെ ക്ലെയിം ചെയ്യപ്പെടാത്ത നിക്ഷേപങ്ങളെക്കുറിച്ചും ഈ പോർട്ടൽ വഴി അന്വേഷിക്കാൻ സാധിക്കും.
SEBI's 'MITRA' platform help investors and NRIs trace and reclaim unclaimed mutual fund investments.
Read DhanamOnline in English
Subscribe to Dhanam Magazine