നികുതി ഫോറം റെഡി, ഐടിആർ-2, ഐടിആർ-3 ഫോമുകൾ എക്സലിൽ പുറത്തിറക്കി; മൂലധന നേട്ടം, ക്രിപ്റ്റോ വരുമാനമുള്ളവർക്ക് ഇനിമുതൽ ഫയൽ ചെയ്യാം

ITR-2 , ITR-3 ഫോമുകളുടെ എക്സൽ പതിപ്പുകൾ ആദായനികുതി വകുപ്പ് പുറത്തിറക്കി. 2024-25 സാമ്പത്തിക വർഷത്തിലെ (AY 2025-26) ഐ.ടി.ആര്‍ ഫയൽ ചെയ്യുന്നതിനുളള അവസാന തീയതി 2025 സെപ്റ്റംബർ 15 ആണ്. അതേസമയം ഐടിആർ പോർട്ടൽ ഉപയോഗിച്ച് ഓൺലൈൻ ഇ-ഫയലിംഗ് നടത്താന്‍ ആഗ്രഹിക്കുന്ന നികുതിദായകർക്ക് ഇനിയും കാത്തിരിക്കേണ്ടി വരും. മൂലധന നേട്ടം (capital gains), ക്രിപ്റ്റോ, മറ്റ് വരുമാനം എന്നിവയുള്ള നികുതിദായകർക്ക് ഇപ്പോൾ ഐടിആർ ഫയൽ ചെയ്യാം.

ആദായനികുതി വകുപ്പിന്റെ ഇ-ഫയലിംഗ് ഐടിആർ പോർട്ടലിന്റെ ഡൗൺലോഡ് വിഭാഗത്തിന് കീഴിൽ, ഉപയോക്താക്കള്‍ക്ക് ഐടിആർ-2, ഐടിആർ-3 ഫോമുകള്‍ ഡൗൺലോഡ് ചെയ്യാം. 50 ലക്ഷം മുതൽ 1 കോടി രൂപ വരെ വരുമാനമുള്ള നികുതിദായകർക്കുള്ള ആസ്തികളും ബാധ്യതകളും റിപ്പോർട്ട് ചെയ്യേണ്ടതിന്റെ ആവശ്യകത ഇല്ലാതാക്കിക്കൊണ്ട് ഫയലിംഗ് ലളിതമാക്കുന്നതാണ് പുതിയ ഐടിആർ-2 ഫോം.

ഐടിആർ-3 ലെ പ്രധാന മാറ്റം ഐടിആറിന്റെ "ഷെഡ്യൂൾ എഎൽ" പ്രകാരം ആസ്തികളും ബാധ്യതകളും റിപ്പോർട്ട് ചെയ്യുന്നതിനുള്ള മൊത്തം വരുമാനത്തിന്റെ പരിധി 50 ലക്ഷം രൂപയിൽ നിന്ന് 1 കോടി രൂപയായി വർദ്ധിപ്പിച്ചതാണ്. അതിനാല്‍ വ്യക്തിഗത നികുതിദായകർ 2024-25 സാമ്പത്തിക വർഷത്തിലെ മൊത്തം വരുമാനം ഒരു കോടി രൂപ കവിയുന്നുവെങ്കിൽ മാത്രമേ ഷെഡ്യൂൾ എഎല്ലിൽ വ്യക്തമാക്കിയ ആസ്തികളുടെയും ബാധ്യതകളുടെയും വിശദാംശങ്ങൾ നൽകേണ്ടതുള്ളൂ.

_{Capital gains, crypto, and other income taxpayers can now file ITR using newly released Excel formats for ITR-2 and ITR-3 for AY 2025–26.}